بتحلق شعر ودقن بكام اليومين دول !!!!!

**Y a r i s** · 07-04-2013 04:51 AM

بتحلق شعر ودقن بكام !!

مساء الخير جميعاً كما هو موضح بالعنوان ياشباب. ... بتحلقوا دقن وشعر بكام. اليومين دول ولو حبيت تعمل فرد بتدفع كام. ولو ماسك حلو كده مع حمام بخار بكام ... لان بصراحة انا فاااااااااض بيه عندنا شوية بقر وحمير فاتحين صالونات حلاقة. وكل واحد عملي ديكورااااااااات ولومض وكراسي نضيفة ويجي اي صنيعي يوقفوا ويقعد بت على الكاشير وبكده بقى صالون حلاق محترم الاخ. تيجي تحلق تلاقي شغل عككككك في عكككككك ويطالبك تدفع مبلغ وقدروا

واخرها يوم الاربع الي فات رحت لفيت على محلات الحلاقة في اكتوبر هنا واحد في الاحياء عملي حتت دين يفطة وديكورات ايه وانوار ايه. واجي اسئلوا بتحلق بكام قالي عادي ياباشا. الدقن بعشررررررررررررررة
والشعررررررر بعشرررررررين !!!!!

رحت لحلاق تاني ناحية الامريكين ومول زمزم معلقلي صورتوا بسلامتو بره المحل وديكورات وكتشير وشوية همبكة

فدخلت قلتلوا. عاوز اعرف اسعاركم اخبرها ايه. قالي لا ابداً ياباشا اسعرنا هيا الاسعار الطبيعية. الي في البلد قلتلوا ايوه يعني الطبيعي ده كام.... لقيتوا بيقلي. الشعر ب ٢٠ والدقني ب ١٥ والغسيل ب ١٥. قلتلوا غسيل يعني ايه تحط نفوخي. في الحوض وتلحوسوا بشوية شامبو ب ١٥ جنية. قالي ايوه والاستشوار ب ٢٠. طبعاً مرضيتش اقولوا هو الاستشوار يعني مسدس الهوى الي بيطلع هوى سوخن هههههههههه قولت مش طالبة تريقة

المهم قلتلوا ياااه انتم اسعاركم غالية ليه كده. ... فكرتوا يقولي مثلاً اننا عندنا خبير الشعر العالمي سيد شامبوا ... او حمدي ئليسطة ... لقيت الواد. الفيومي بيرد عليا. وبيقولي لا ابداً ياباشا اسعار عادية وارخص من ناس كتيرررر
كنت عاوز ارود عليه واقولوا. اااااه مزبوط. الاسعار كده عندكم في الفيوم. ... الله يخرب بيوتكم ويخرب بيت البيوت الي جمب بيوتكم خلاص الواحد مبقاش عندوا نظر ومبيفرقش بين الزبون المصري. وبين الزبون الخليجي وطبعاً الخليجي متعود يدفع ١٠ ريال ولا عشرين ريال في بلدهم . فبالنسبهالو. لو راح حلق بخمسيييين جنية عادي وايه يعني فرق عملة. بس

ومحدش يجنني ويقلي اصل سعر الدولار ... ده حلاق حلالالالالالالالالاق ياجماعة . يعني مزييييييييين

@@@@@@@@@@@@@

المهم بيني وبينكم اتخنقت وانا ماشي لقيت واد سوري فاتح صالون هنا في اكتوبر بيسترزق :)
دخلتلوا وقلتلوا بتحلق بكام. قالي الدقن بخمسة والشعر ب ١٥ جنية فقلت يالله يعني كلو بعشرين المهم قعدت ومفيش دقيقتين وجه دوري وهوبااااا نطيت على الكرسي وقالي تحب تحلق ازاي. قلتلوا الي يريحك. اهم حاجة تداريلي القرعة دي. والشعر الخفيف ده. وفعلاً سبحان الله تشك تشك تشك. وساوالي الشعر وزبطلي الدنيا فتلة وكلوا تمام التمام ولا كلمني عن البلد ولا في السياسة ولا قعد يشتم في الاخوان او المعارضة
ده حتى موبايلوا رن. قام طفاه وكمل حلاقة. .... مش الحلاقين الفيومين الي يحلقلك نص دقنك ولسه الصابون على وشك ويخش صاحبوا ويقلوا عاوزك خمسه. يقوم الحلاق سايب الزبون وطالع ويقلك لامؤخزة ياباشا

المهم. انتم بتحلقوا فيييييييين. وبكام !!!
او بلاش فين. علشان معدش في حلاقين نظاف دلوقتي اغلبيتهم. بقو كروته
بس الاسعار دلوقتي بقت بكام.
الشعر بكام .... الدقن بكام .... الفرد عامل كام ... الماسك والبخار بكام. ... والسبغة بكام

@@@@@@@@@@
واسف على الاطالة
وتحياتي :)

**micromoud** · 07-04-2013 04:58 AM

العامل السورى دماغه نضيفه .. انا كنت بحلق عند حلاق سورى من كام سنه بس سافر دلوقتى ومش عارف فين اراضيه ... انا بحلق شعرى ب 10 ولو غسلت شعرى بدفع 5 زيادة ومافيش كاشير ولا حاجه انت وتقديرك هى الفلوس وتسقطها فى جيب الحلاق ويقولك خلى يا هندسه ... اما بالنسبه للذقن فانا ليا مبدأ ومبحلقش دقنى عند حلاق مهما ان كان نضافة المحل

**Y a r i s** · 07-04-2013 05:23 AM

المشاركة الأصلية كتبت بواسطة s o p h o s

انا عاوز اشارك يا حج
بس الصورة الي فأول الموضوع مخليه قلبي مش جيبني اشارك

حبيبي يا بوحميد دي صورة زوزوا بتاع اعلان فريسكا الاجنبي بتاع انددددهش ههههه وقلت احطها ان قرد بيحلق لقردة. يبقى هيطلب منوا فلوس كتيررررة لييييه. هل هو هيخترع الذرة في شعروا :). وتحياتي ليك يا بوحميد :)

المشاركة الأصلية كتبت بواسطة micromoud

العامل السورى دماغه نضيفه .. انا كنت بحلق عند حلاق سورى من كام سنه بس سافر دلوقتى ومش عارف فين اراضيه ... انا بحلق شعرى ب 10 ولو غسلت شعرى بدفع 5 زيادة ومافيش كاشير ولا حاجه انت وتقديرك هى الفلوس وتسقطها فى جيب الحلاق ويقولك خلى يا هندسه ... اما بالنسبه للذقن فانا ليا مبدأ ومبحلقش دقنى عند حلاق مهما ان كان نضافة المحل

١١١١١١+
وهو ده الي المفروض بيحصل الحلاق بيقولك متخلي ومبيبصش انتا اديتوا كام انتا بتحط الفلوس في جيبوا على طول وبتمشي وهو تلاقي قاعد بينفض هدومك ويقلك شرفت يا حج. انست يا حج توصل بالسلامة يا باشا محلك ومطرحك يا ياباشا كده يعني مش نظام الانعره الي عندنا في اكتوبر

بس بصراحه يا ميني يا صديقي. بعد مالواحد شاف حلاقت السورين. وسرعتهم وشطارتهم بصراحة قررت اني محلقش بعد كده غير عند حلاقين سوريين. شاطرين ولاد اللزينه. هما والاتراك والفلبيينين. انا فاكر زمان لمن كنت في السعودية كان في شارع كامل كلو حلاقين كنت تخش كده عند الحلاق. التركي. يقعد يلعب في المقص ويلعب في شعرك لعب ويطلعك عريس من تحت ايدوا. ولا الفلبيني ياعيني على شطارة الفلبيني ... ومش بس كده بعد الحلاقة يعملك شوية مساج ويطرقعلك فقرات عمودك الفقري ورقبتك وايديك وكتافك كده يخليك ريلكس على الاخر وتقوم مديلوا ١٠ ريال بس التركي كان غالي شوية كان ب ١٥ ريال. والهندي بسبعه ريال هههه والمصري بخمسة ريال ومحدش بيروحلوو. اساساً

وواللهِ كنا بنروح نحلق عندوا شفقه كده يا عيني علشان ميقفلش المحل ويرجع مصر ايد ورى وايد قدام .... وكان يقعد يعملنا شاي ويشغلنا ام كلثوم ههههه قال يعني بيفكرنا بمصر :)

بس فعلاً لامكان للمصري جمب الحلاقين. الاتراك او السوريين او الفلبينيين
واهو ابسط مثال عندنا في اكتوبر فتح كام مطعم سوري المطاعم المصرية قاعدة بتهش دبااااااان. حالياً والمطاعم السورية ضرب نار عليهم من نظافة الاكل وحلاوتوا وطعامتوا ( ههههه ارحل ارحل يا بشار ) بس سيب لنا السورين والنبي شوية خليهم. يصحصحوا البلد ... كتنا نيلة ده حتى البياعين عندنا مش عارفين يعني ايه زبون ولا ازاي يتعامل مع الزبون باحترام وادب ويشتغل بزمة وضمير ... و انا وانتم اهو بدل ما نتعلم من السورين الحجات الكويسة ونافسهم. لا هتلاقيهم بعد فترة بيدعوا. بمقاطعة السورين ورحيلهم ههههههههه .... وتحياتي : )

{بالمناسبة احقاقاً للحق السورين جين مصر بفلوسهم وفاتحين مشاريع براس مالهم. نسبة كبيرة منهم بل الاغلبية منهم تحيه لهم لانهم لسه مازال عندهم ضمير في صنعتهم ومهنتهم }

**3mr Farrag** · 07-04-2013 06:42 AM

انا بقالي اكثر من عشر سنين بلف علي حلاقين البلد
كلوا زباله وشعري مقرف في الحلاقه جدا
لازم طول معين وظبطه معينه
بقيت احلق لنفسي
اخفف كل فتره شعري و اسوايه
و يوم مابلاقي حلاق يظبط شعري ...اجي اروح المره التانيه يعمل بلاوي
واللي يخلي كل شعره طول وديه سمه فن الحلاقين

فا متسالنيش عن الحلاقين لأنهم حلاقين زرايبي علي الاخر

**Ahmed_selmy** · 07-04-2013 08:10 AM

انا عن نفسى بقالى فترة بحلق زيرو فى البيت واريح نفسى......بلا وجع قلب وامراض.........وكدا كدا الجو بيكون حر فقشطه وبسيبه مبحلقوش فى الشتا وهو مبيطولش بسرعه......بس عموما اخر مره حلقت عند حلاق كان 10 جنيه شعر بس من سنتين ولا حاجه.