| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 6 من 6

  1. #1

    الصورة الرمزية ahmed_bq

    رقم العضوية : 8955

    تاريخ التسجيل : 14Apr2008

    المشاركات : 308

    النوع : ذكر

    الاقامة : Egypt

    السيارة: Renault Fluence 2017 HL

    السيارة[2]: Lancer Super Action 2008

    دراجة بخارية: no

    الحالة : ahmed_bq غير متواجد حالياً

    افتراضي إلغاء مخالفات المالك السابق - القصة الكاملة - Facebook Twitter whatsapp انشر الموضوع فى :

    hasad">

    موضوع هام حصل معايا شخصيا واتبهدلت فيه لحد مخلصتو ... قولت اكتب اللي حصلي واكسب فيكو ثواب :)

    اغلب الناس بتشتري العربية بتوكيل من ابو 15 جنيه .. وليه الحق في البيع لنفسه وللغير وتوكيل الغير والتعامل مع المرور والالفاظ الظريفه اللي زي دي.
    طبعا لو كانت الرخصة سارية ولسه قدامها كتير على متنتهي .. يبقى التوكيل هوا الحل دائما للانجاز والتوفير.

    أنا اشتريت عربيتي من سنتين في 2011 وكان فيها سنتين رخصة ... طبعا عملت توكيل وقولت اوفر القرشين بتوع الضريبة والترخيص والعقد المسجل والكلام ده بعدين .. لسه بدري في الرخصة بقى.
    وبعد السنتين مقربو يخلصو ... عملت لنفسي عقد مسجل في الشهر العقاري وبيعت العربية لنفسي ومضيت بائع ومشتري بالتوكيل اللي معايا ... وبكده بقى معايا العقد المسجل (مهم جدا هحتاجو اوي في المخالفات)

    روحت على مرور الجيزة بين السريات ... فوجئت اني عليا 1335 جنيه مخالفات !!
    قولت ماشي ممكن اكون عملت المخالفات دي ...
    لما طبعلي تفاصيل المخالفات لقيت منهم مخالفة صغيرة من 2010 !!!!!!!!! والانكت بقى انها على اسم المالك اللي العربية بأسمه ... مع ان اللوحات كانت حاجه تانيه خاااالص ومرور الهرم مش الدقي كمان ... يعني من مكان تاني ونازله على الاسم بتاع المالك بتاعي.
    ولقيت مخالفة تانية ودي الكبيره بقى .. ب 1300 جنيه ... قبل ما اشتري العربية ب 5 شهور كاملين... مع ان اللي بايعلي جايبلي شهادة براءة ذمه مظبوطه ومختومة وكله تمام.

    أنا كان عندي استعداد استنفذ كل طاقتي وفلوس كمان .. بس مدفعهومش ... مش عشان هما مبلغ ..لا انا مبحبش اتقرطس في مليم.

    لما ساورني الشك ..ان الراجل اللي باعلي ده .. رش رشه جريئه او شرب حد شاي بالياسمين وطلعلو شهادة مفيهاش مخالفات عشان انا البسها ... دخلت لوكيل النيابة .. قاللي لا لا لا المخالفات بتتأخر سعات سنين على ماتنزل على السيستم بتاع الكومبيوتر ... دا غير ان حصل لخبطه ايام الثوره ومش عارف ايه ... فمتخافش مش هتدفع حاجه بس اعمل مخالفات مالك سابق ... وكل المخالفات هتتشال من عليك.
    قولت قشطه :)

    هحكي بالظبط والتفصيل ايه المطلوب عشان تلغي المخالفات دي وتطلع شهادة مخالفات فيها مخالفاتك انتا بس ... فيه طبعا مطبات صناعية ومشاكل ومشاوير قابلتني في الموضوع ده بس متشغلوش بالكو انا هحكي الخلاصه المفيده بس.

    ملاحظه:من الافضل طبعا انك تعمل الطلب ده من مرور الدراسة ... عشان بتاخد وقت اقل وانجز في المجهود ... خصوصا لو المخالفات تابعه لاكتر من ادارة مرور ... يعني لو عندك مخالفة من مرور الهرم ومخالفة من مرور الدقي نازلين على نفس اسم المالك ... بتاع الدقي هيشيل بتاعته بس ويقولك مليش في الباقي روحلوهم قدم طلب عندهم .. ولازم تروح الهرم تشيل بتاعتهم ... لكن في الدراسه بتشيل كله مره واحده.


    المستندات المطلوبة:
    1- صورة الرخصة
    2-صورة التوكيلات
    3-صورة العقد المسجل
    4-صورة شهادة المخالفات القديمة.
    5- بيان صرف لوحات ... في حالة وجود مخالفات على لوحات تانيه غير بتاعتك من مرور تاني.
    6- طلب مخالفات مالك سابق ... من عند المرور وطبعا الطلب بيتعمل بأسمك مش باسم صاحب العربية اللي في الرخصة.

    اللي بيحصل ان نيابة المرور بتشوف تاريخ التوكيل اللي بأسمك .. وتشوف تاريخ المخالفات .. اي مخالفة قبل التوكيل ده بتتشال لنك في الاخر عملت عقد مسجل بأسمك... دي اهم نقطه العقد المسجل وشهادة المخالفات القديمة ... اوعى حد يرمي شهادة المخالفات القديمه .... طبعا لو معاك عقد مسجل من تاريخ الشراء الموضوع بيبقى ابسط لان العربية رسمي بأسمك بس الرخصه هيا اللي مش بأسمك فبتتشال ... لكن لو معاك توكيل من سنه او سنتين مثلا ولسه عامل العقد المسجل امبارح ... ده معناه ان العربيه كل الفتره دي مكنتش بأسمك اصلا .... لكن في النيابه بيراعو ان مصر شغاله توكيلات بس اهم حاااااااااجه ان العقد المسجل يكون عليه نفس اسم اخر توكيل ساعت مشتريت و البائع جابلك شهادة المخالفات اللي انتا كده كده بتقدم منها صورة مع الطلب... لانك في الاخر اشتريت فعلا.

    لو هتعملو في ادارة المرور بتاعتك بتاخد من اسبوع ل 10 ايام عمل (لانهم بيقولو انها بتتبعت للدراسه بردو لرئيس النيابه الكلية بتاع القاهرة)
    لو هتعملو من مرور الدراسه بياخد حوالي 3 الى 5 ايام بالكتير.


    أرجو اني اكون افادتكم ..الموضوع مهم من وجهة نظري فحبيت اعرفكم ... اسف على الاطاله ... شكرا


  2. #2

    الصورة الرمزية احمد المصرى

    رقم العضوية : 49520

    تاريخ التسجيل : 10Oct2009

    المشاركات : 6,024

    النوع : ذكر

    الاقامة : 6 اكتوبر

    السيارة: كيا سيراتو 2010

    السيارة[2]: دايو لانوس 2006

    الحالة : احمد المصرى غير متواجد حالياً

    افتراضي -

    بس بتاخد وقت كتير انا كان عندى نفس المشكله من كام يوم بس المبلغ كان 200 جنيه دفعتهم وخلاص علشان انجز فى الوقت

    اللهم ارزقنى بر والدى

    [SIGPIC][/SIGPIC]


  3. #3

    الصورة الرمزية kar!m

    رقم العضوية : 7018

    تاريخ التسجيل : 06Mar2008

    المشاركات : 6,388

    النوع : ذكر

    الاقامة : Cairo

    السيارة: _

    السيارة[2]: Hyundai Accent

    دراجة بخارية: Honda CBR 400 RR

    الحالة : kar!m غير متواجد حالياً

    افتراضي -

    ربنا يكرمك و الله .. أنا حصل معايا الموضوع ده من 3 سنين .. و فعلا اللي اشتريت منه العربية كان محامي و أول ما دخل على بتوع النيابة أخدوه بالحضن و ادوه براءة الذمة و أنا كنت معاه و فرحت ان الموضوع خلص بسرعة و معرفش ان أنا هلبس بعد كده.

    بعدها بفترة رحت أنقل ملكية لقيت عليها 800 جنية مخالفات .. و كلها من قبل ما أشتري العربية بسنتين .. دخلت لوكيل النيابة .. اسمه محمد بدر .. كان في نيابة الزقازيق .. و كلمته بذوق و بالمنطق .. قلت له معنى ان حضرتك مديني ورقه ببراءة الذمة في تاريخ معين .. ان قبل التاريخ ده المفروض اني متحاسبش على المخالفات .. قال لي أصل المخالفات بتتأخر .. قلت له انا معنديش مشكلة ان المخالفات تتأخر اسبوع .. شهر .. انما سنتين كتير جدا .. اتنرفز و قال لي هو اخر مالك هو اللي بيدفع المخالفات .. قلت له ازاي يعني .. قال لي بقول لك ايه من الاخر انت اللي هتدفع المخالفات دي يعني انت اللي هتدفعها .. حسبي الله و نعم الوكيل.

    المهم كلمت مستشار كلم مدير وكيل النيابه ده و رحت تاني يوم دفعت 50 جنية بس.

    القران الكريم بجودة صوت عاليه جدا
    http://www.nilemotors.net/Nile/230790-a.html


  4. #4

    الصورة الرمزية El Prince

    رقم العضوية : 3171

    تاريخ التسجيل : 13Nov2007

    المشاركات : 1,509

    النوع : ذكر

    الاقامة : وسط زحمه وخنقة القاهرة

    السيارة: هيونداى فيرنا

    السيارة[2]: سوزوكى سويفت ديزاير 2015

    دراجة بخارية: المفروض لأنها هى اللى بتسلك فى البلد دى !!

    الحالة : El Prince غير متواجد حالياً

    Talking -

    اقتباس المشاركة الأصلية كتبت بواسطة kar!m مشاهدة المشاركة
    ربنا يكرمك و الله .. أنا حصل معايا الموضوع ده من 3 سنين .. و فعلا اللي اشتريت منه العربية كان محامي و أول ما دخل على بتوع النيابة أخدوه بالحضن و ادوه براءة الذمة و أنا كنت معاه و فرحت ان الموضوع خلص بسرعة و معرفش ان أنا هلبس بعد كده.

    بعدها بفترة رحت أنقل ملكية لقيت عليها 800 جنية مخالفات .. و كلها من قبل ما أشتري العربية بسنتين .. دخلت لوكيل النيابة .. اسمه محمد بدر .. كان في نيابة الزقازيق .. و كلمته بذوق و بالمنطق .. قلت له معنى ان حضرتك مديني ورقه ببراءة الذمة في تاريخ معين .. ان قبل التاريخ ده المفروض اني متحاسبش على المخالفات .. قال لي أصل المخالفات بتتأخر .. قلت له انا معنديش مشكلة ان المخالفات تتأخر اسبوع .. شهر .. انما سنتين كتير جدا .. اتنرفز و قال لي هو اخر مالك هو اللي بيدفع المخالفات .. قلت له ازاي يعني .. قال لي بقول لك ايه من الاخر انت اللي هتدفع المخالفات دي يعني انت اللي هتدفعها .. حسبي الله و نعم الوكيل.

    المهم كلمت مستشار كلم مدير وكيل النيابه ده و رحت تاني يوم دفعت 50 جنية بس.

    طبعاً انت مش غلطان

    لكن فى بلدنا :
    لا للمنطق و العقل
    نعم للواسطه و الكوسة


    https://www.facebook.com/groups/SWIFTCLUBINEGYPT/


  5. #5

    الصورة الرمزية ahmed_bq

    رقم العضوية : 8955

    تاريخ التسجيل : 14Apr2008

    المشاركات : 308

    النوع : ذكر

    الاقامة : Egypt

    السيارة: Renault Fluence 2017 HL

    السيارة[2]: Lancer Super Action 2008

    دراجة بخارية: no

    الحالة : ahmed_bq غير متواجد حالياً

    افتراضي -

    انا اتبهدلت وطلع عين اهلي مع ناس تسوى ولا متسواش ... مش عشان الفلوس بس كانت كتير
    انا شايف واحد قال دفعتهم وخلاص .... انا لو كانو ماتو مكنتش هدفعهم ... الا طبعا لما استنفذ كل محاولاتي

    هيا كبرت في دماغي ومعايا الحق ... وكنت حالف مهدفعهم عشان انا ممكن اصرف ال 1300 جنيه مواصلات ومشواير ... بس مدفعش مليم متقرطس فيه من غلطة موظف ولا سيستم ولا وكيل نيابه ... ده قصدي

    والمفروض محدش يسيب حقه بعد كده على اد ميقدر طبعا :)

    اكيد فيه ناس كتييير مش بتدقق او مستعجله ... وبتدفع ... واكيد فيه اللي بيدفع الف و اتنين ... فيه ناس بالنسبالهم دي مش مبلغ يعني .... وكله في كرش الحكومه كدهو من غير اي حق

    دا غير العساكر والامناء اللي ماسك الدفتر واحيانا بياخدك مخالفه حقد وغل مش اكتر ... او بيتسلى وهوا واقف ... كل دا لازم ينتهي بقى
    كفااااااااااااايه عك يا حكومه احنا مش بنلاقي الفلوس في الشارع


  6. #6

    الصورة الرمزية Abo Yasso

    رقم العضوية : 85346

    تاريخ التسجيل : 09Jan2011

    المشاركات : 1,249

    النوع : ذكر

    الاقامة : cairo

    السيارة: Hyundai I10

    السيارة[2]: Daewoo

    دراجة بخارية: no

    الحالة : Abo Yasso غير متواجد حالياً

    افتراضي -

    hasad">

    الحمدلله انك خلصت الموضوع
    واكيد انت دلوقتى فى قمه السعاده مش عشان 1300 عشان محدش عرف يقرطسك فى النظام الزباله ده
    انا حاسس بيك
    روح بقى عاوزينك تعشيهم عشوه جامده فى البيت ......خليهم هما كمان ينبسطوا

    Wael Kamel
    سبحان الله والحمدلله والله اكبر

    wael_kamel سابقا



 

المواضيع المتشابهه

  1. القصة الكاملة لنهر النيل...لاول مره في كل المنتديات العربية ( منقول )
    بواسطة m.3abdel3al في المنتدى المنتــــــدى الاجتمــاعى
    مشاركات: 27
    آخر مشاركة: 19-01-2010, 02:25 AM
  2. حدد نوع شخصيتك من هذه القصة ...
    بواسطة د.محمود صلاح في المنتدى المنتــــــدى الاجتمــاعى
    مشاركات: 18
    آخر مشاركة: 05-01-2010, 04:55 PM
  3. حياتنا في هذه القصة
    بواسطة m_aash في المنتدى المنتــــــدى الاجتمــاعى
    مشاركات: 5
    آخر مشاركة: 18-11-2007, 07:27 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2