السام عليكم ورحمة الله عايز اشتري فابيا تنصحونى بها ولا ابعد
عرض للطباعة
السام عليكم ورحمة الله عايز اشتري فابيا تنصحونى بها ولا ابعد
والله انا كمان فكرت فيها و ناوى أنزل النهارده اتفرج عليها..... بس ياريت نسمع برضه من حد مجرب
انا شخصيا معجب بالعربيه جدا لكن خوفونى من ارتفاع اسعار قطع غيارها وندرتها احيانا
محدش مجرب يدلنا يا جماعة ولا ايه
انا معايا فابيا موديل 2003 هى عربية محترمة جدا جدا جدا وثابتة على الارض بطريقة غير عادية ولا يمكن تلاقى عربية بمواصفتها وبنفس سعرها و بالنسبة لقطع الغيار بصراحة هى قليلة شوية بس لحد دلوقتى مفيش حاجة ملقتهاش بس بحتاج انى ادور شوية فى بعض الحاجات وعشان تطمن اكتر ممكن تنزل تسال كام محل قطع غيار يمكن فى حاجة فعلا مش موجودة وانا مغيرتهاش وبالنسبة لسعر قطع الغيار هى مش غالية قوى ومش رخيصة مننساش انها المانى بس معمرة جدا وبتعيش بس نصيحة منى لازم تكشف عليها كويس جدا جدا ولو العربية مبهدلة شوية متخدهاش يعنى من الاخر لازم تكون حالتها ممتازة عشان متتعبكش
الفابيا عربية كالآتي :
- موفرة جداً في البنزين.
- تكييفها جبار نظراً لصغر حجمها.
- صاجها حلو.
- ثابتة علي الطريق.
الكلام ده رأي عديلي لأنه راكب واحدة
قطع الغيار ممكن تسال عليها عند فتح الباب وده تاجر كبير وليه كذا فرع ولو لقيت قطع غيارها يبقي شوف حالتها واكشف عليها فى مركز صيانة وقبل كل ده طبعا صلاة الاستخارة
هى العربيه دى لسه بتنزل؟ انا أتصلت باكذا موزع سكودا وملقتهاش خالص
عربية محترمة جدا رغم انها مظلومة في السوق بس السوق المصري مش مقياس لو حابب تركب عربية
قطع غيارها موجودة وغالبا بتركب ال a4 عليها والاستيراد موجود
هي غالية شوية بس القطعة اللي بتغيرها بتنسا شكلها
عربية ثابتة موفرة في البنزين حجمها معقول امنة بشكل كبير انشاءالله
والله انا خوفوني منها بس بعد ماركبتها قارنتها بعربيا كتير في سعرها واغلى منها زي الفيرنا واللانوس وعربيات كتير متسيطة في السوق قلت الحمدلله وربنا يسامح اللي قال عليها كلمة وحشة :]
دوس طبعا يا معلم ومتقلقش من الكلام اللي بيتقال عليها لآن انا كنت في مكانك من سنتين واستخرت ربنا وجبتها وبصراحة مندمتش بل بالعكس
ولو كنت بتركب عربية تانية قبل كده حتحس فعلا بالفرق في متعة السواقة