بيروح عليا نومه و منبة التليفون ولا اكنه شغال محتاج منبة صوته زي السرينة اللي بتتباع في التوفيقية عايز حاجة تصحيني في ميعادي بجد الاقيه فين؟ و في حدود كام؟
عرض للطباعة
بيروح عليا نومه و منبة التليفون ولا اكنه شغال محتاج منبة صوته زي السرينة اللي بتتباع في التوفيقية عايز حاجة تصحيني في ميعادي بجد الاقيه فين؟ و في حدود كام؟
علي صوت الجرس على الاخر وحط التليفون بعيد عن السرير شويه عشان تضطر تقوم تقفله فتفوق.
من عند محلات الساعات هات منبه seiko ب 100 جنيه صوته قوي و بيستحمل
راديو شاك عنده كذا نوع و الاسعار من ٦٥ ج و انت طالع
وصل التليفون بسماعات خارجيه ويا سلام لو sub woofer ......وعييييييييش مع المنبه
في واحد كنت شفته على قناة nat geo كان صوته زي صوت مروحة هيليكوبتر
راديو شاك
المنبهات الى جربتها 3 انواع
1- المنبه الياباني
سعره : غالي نسيبيا
عمره : طويييييييييييييييل جدا جدا جدا
استهلاك البطاريه : ممتاز (عمر البطاريه فيه طويل نسبيا)
صوت رنه الجرس : متوسط
صوت التكتكه (حركة عقرب الثواني ) : اقل صوت تكتكه
2- المنبه الصيني
سعره : رخيص جدا
عمره : قصير جدا
استهلاك البطاريه : سيء جدا (بيخلص البطاريه بسرعه)
فى انواع صوت الجرس : فيها ضعيف جدا وفى انواع صوت الجرس معقول
صوت التكتكه : متوسط او عالي
3- المنبه الهندي جربت نوع اسمه orpat
سعره : رخيص فى حدود الصيني
عمره : اطول من الصيني لكن مقدرش اقارنه بالياباني لاني استخدمته فتره 5 سنين فقط واعتقد انه ممكن يعيش قدهم تلات مرات كمان
استهلاكه للبطاريه : بتعد كتير لانه بيشتغل ب 3 قلم واحده لحركه العقارب واتنين للجرس
صوت الجرس : عالي جدا بيبدأ الاول بنغمه وبعد شويه تعلى اكتر واسرع وتزيد لو ملحقتوش فى الاول هيصحى البيت كله
صوت التكتكه : عالي ( لو حد بيعاني من الارق المزمن او ساكن فى منطقه هادية وصوت التكتكه بيوتره منصحهوش بيه ابدا وهيكون الافضل بالنسبه ليه الياباني لانه اقلهم تكتكه)