الموضوع: موضوع للمناقشه بخصوص العربيات الموعاقين الى بتيجى من الخارج

بسم الله الرحمن الراحيم

يا جماعه انا كنت سمعت كتييير اوى عن الموضوع ده . لاكن مكنش فى حد قالى كلام مأكد فالحكايه دى
لاكن الى اعرفه ان انت بتدفع على اى عربيه 17 الف جنيه 7 للمعوق و 10 لفك حزر العربيه وتبقى ملاكى زى اى عربيه وساعتها يتنقل الملكيه من المعوق لصاحب العربيه الاصلى
ودا طبعا بيفيد فحاجه ان العربيات الى جايه من بره بتبقى ارخص او على الاقل اقيم فى الاستعمال
وانا سمعت ان الكلام ده فى منه كتيير اوى فبور سعيد وعرفت كمان اسعار عربيات مثلا نوبيرا2 كامله واوتماتك كانت عامله 34 الف جنيه و الفرنا الامريكى كامله كانت عامله برضو 34 الف طبعا مع زيادة كل عربيه 17 الف جنيه علشان نخلص العربيه وتبقى ملاكى عاديه زى اى عربيه
الميزه كمان ان العربيات كلها شبيها بالزيرو وطبعا ارخص واحسن مثلا الفرنا دى لو كلها عملت 50 الف جنيه تبقى كويسه وراكب حاجه امريكى كامله مش كورى
اسف انى طولت عليكم لاكن كنت عايز اعرف رايكم
والى عارف حاجه زياده يقولها علشان كلنا نستفاد كلنا

مستنى رايكم فالموضوع ده