فيات بونتو 76 موديل 94 برجاء الافادة

**ateffthy** · 09-08-2008 01:59 AM

السلام عليكم الاخوة الافاضل اشترات فيات بونتو 75 موديل 94 فول ابشن تكيف وبور وسنتر وزجاج امامى كهرباء وكشفت على السيارة قبل الشراء والتقرير طلع انى حالة الماتور 76% وجميع اساسيا السيارة سليمة بى الكامل وفبريكة جو وبرة لكن بها طبعا بعض التجريحات والكن دة سهل المهم وهى المشكلة الاساسية بعد ما اخد السيارة عملت لها طقم سرفيس كامل وغيرت جميع الزيوت والسيور بها
ولكن لحضت انى السيارة بى تسخن يعنى على السلنسية بيكون العداد معدى النص بى شرطة والمروحة لا تعمل الى بعد النصف لكم وهى على الطريق العداد ينزل والشىء التانى الماتور يصقف وهو التكيف شغال مع كل غير والاغرب انى الماتور يصقف وهى على الاول اخوانى الافاضل هل هناك احد يعرف حل لهذا المشكلة ام هى شىء عادى فى البوتو وعاوز اعرف مكانيكى يكون عندة كميوتر لظبط الماتور بس ما يكونش التوكيل طبعا يعنى مكانيكى يكون صايع بونتو على فاكرة انا من القاهرة من مصر الجديدة واكون شاكر لكم جدا وبرجاء الاهتمام من خبراء بونتو

**ateffthy** · 09-08-2008 09:52 AM

مفيش حد بيرد لية يا رجالة للدرجة دة الموضوع كبير

**tutankhamoun** · 09-08-2008 12:40 PM

المشاركة الأصلية كتبت بواسطة ateffthy

مفيش حد بيرد لية يا رجالة للدرجة دة الموضوع كبير

ده أنت مستعجل قوي .......... يا باشا الصبر جميل ....
طيب أنا هارد و الله المستعان

بُص يا سيدي
بالنسبة للتسقيف ده ممكن يكون ناتج عن
- اسطوانة دبرياج عايزة تتغير
- أو تظبيط الكهرباء
-أو بنزين مش كويس ........ أنا موديلي 2002 و بحط بنزين 92

بالنسبة للتسقيف بالتكييف
لازم تشبع الغيار ..........
و تقريبا كدا أنت عايز تغير .......... اسطوانة دبرياج .... تقريبا الله أعلم

بالنسبة لميكانيكي كويس ........... لا أنصح
في مركز خدمة في أبو رواش و هو
شركة النيل الهندسية
التوكيل السابق لفيات و ألفا روميو
و متخصصين في صيانة الفيات و حافظين العربية كويس قوي لأن أغلب العربيات اللي بشوفها هناك بتكون بونتو و سينا بالإضافة لسيارات ألفا روميو
أسعارهم معقولة جدا
وممكن تشتري قطع الغيار من برة و هما يركبوها بس بدون ضمان
لو أشتريت القطع من عندهم بتأخد ضمان 3 شهور تقريبا على كل قطعة راكبة
أسعارهم معقولة و بيأخدو 40 جنيه في الساعة
يعني مثلا ربطولي العفشة ....... في ربع ساعة و أخد 10 جنيه تربيط عفشة بالإضافة للضريبة
يعني مركز محترم .......... أسعار معقولة و تريح بالك
أسعار قطع الغيار عندهم غالية شوية بس كلها أصلية و بضمانها و بالتركيب

و أستنى برضه رأي أي حد يكون عنده خبرة ميكانيكية أكتر مني يمكن يكون عنده افادة أحسن
بس أنا قلتلك على خبرتي مع البونتو

**ateffthy** · 09-08-2008 02:24 PM

شكرا يا باشا على المعلومات القيمة دة بس ما قلتش لى على السخوانةويا ترة عنون المركز بتاع ابو رواش اة

**zeyad1810** · 09-08-2008 04:17 PM

اولا مبروك عليك العربية

بالنسبة لموضوع التسقيف زى ما الاخ توت قال ممكن تكون دى الاسباب فانت ابدأ بالاسهل يعنى جرب الاول حط بنزين 92 من بنزينة تانية تكون كويسة وشوف اية اللى هيحصل ولو ماحصلش حاجة يبقى شوف موضوع اسطوانة الدبرياج وهى تمنها 125 جنية فى الحرفين طقم البرياج كلة بحوالى 400 جنية

بالنسبة لموضوع السخونة فكدة مش طبيعى هى الطبيعى بتاعها تحت النص بشرطة من غير التكيف بتوصل للنص او بعدة بشرطة مع التكيف مش اكتر من كدة
فانت شوف الرياداتير يمكن عايز يتنضف واكشف على دورة التبريد كلها ويا ريت تغسلها فى البنزينة وتخلى كهربائى يظبطلك المروحة تشتغل بدرى شوية وهتلاقى العرية تمام معاك وهى عربية جميلة جدا انا معايا زيها
ربنا يباركللك فيها

**hazem_khidr** · 09-08-2008 06:29 PM

المشاركة الأصلية كتبت بواسطة tutankhamoun

ده أنت مستعجل قوي .......... يا باشا الصبر جميل ....
طيب أنا هارد و الله المستعان

بُص يا سيدي
بالنسبة للتسقيف ده ممكن يكون ناتج عن
- اسطوانة دبرياج عايزة تتغير
- أو تظبيط الكهرباء
-أو بنزين مش كويس ........ أنا موديلي 2002 و بحط بنزين 92

بالنسبة للتسقيف بالتكييف
لازم تشبع الغيار ..........
و تقريبا كدا أنت عايز تغير .......... اسطوانة دبرياج .... تقريبا الله أعلم

بالنسبة لميكانيكي كويس ........... لا أنصح
في مركز خدمة في أبو رواش و هو
شركة النيل الهندسية
التوكيل السابق لفيات و ألفا روميو
و متخصصين في صيانة الفيات و حافظين العربية كويس قوي لأن أغلب العربيات اللي بشوفها هناك بتكون بونتو و سينا بالإضافة لسيارات ألفا روميو
أسعارهم معقولة جدا
وممكن تشتري قطع الغيار من برة و هما يركبوها بس بدون ضمان
لو أشتريت القطع من عندهم بتأخد ضمان 3 شهور تقريبا على كل قطعة راكبة
أسعارهم معقولة و بيأخدو 40 جنيه في الساعة
يعني مثلا ربطولي العفشة ....... في ربع ساعة و أخد 10 جنيه تربيط عفشة بالإضافة للضريبة
يعني مركز محترم .......... أسعار معقولة و تريح بالك
أسعار قطع الغيار عندهم غالية شوية بس كلها أصلية و بضمانها و بالتركيب

و أستنى برضه رأي أي حد يكون عنده خبرة ميكانيكية أكتر مني يمكن يكون عنده افادة أحسن
بس أنا قلتلك على خبرتي مع البونتو

المشاركة الأصلية كتبت بواسطة zeyad1810

اولا مبروك عليك العربية

بالنسبة لموضوع التسقيف زى ما الاخ توت قال ممكن تكون دى الاسباب فانت ابدأ بالاسهل يعنى جرب الاول حط بنزين 92 من بنزينة تانية تكون كويسة وشوف اية اللى هيحصل ولو ماحصلش حاجة يبقى شوف موضوع اسطوانة الدبرياج وهى تمنها 125 جنية فى الحرفين طقم البرياج كلة بحوالى 400 جنية

بالنسبة لموضوع السخونة فكدة مش طبيعى هى الطبيعى بتاعها تحت النص بشرطة من غير التكيف بتوصل للنص او بعدة بشرطة مع التكيف مش اكتر من كدة
فانت شوف الرياداتير يمكن عايز يتنضف واكشف على دورة التبريد كلها ويا ريت تغسلها فى البنزينة وتخلى كهربائى يظبطلك المروحة تشتغل بدرى شوية وهتلاقى العرية تمام معاك وهى عربية جميلة جدا انا معايا زيها
ربنا يباركللك فيها

توت باشا و زياد باشا قاموا بالواجب :)
ليا نقطه بس اقولها ان الفيات دايما حرارته بتبقي عاليه عند ال 90 او فوق شويه(شوف التوقيع بتاعي :) )
لو العربيه الامبير مش بيعدي كده يبقي دا الطبيعي بتاعها و عربيه زياد باشا ممكن يكون مركب فيها ساعه حراره واطيه

**ateffthy** · 10-08-2008 04:47 PM

شكرا لتوت باشا وحازم باشا وزياد باشا على الاهتمام وعلى فاكر الحرارة نفس توقيعك يا حازم بس ما فيش احد قلى على ميكانيكى كويس وعلى فاكر يا زياد عربيتى نفس لون عربيتك

**tutankhamoun** · 10-08-2008 05:03 PM

المشاركة الأصلية كتبت بواسطة ateffthy

شكرا لتوت باشا وحازم باشا وزياد باشا على الاهتمام وعلى فاكر الحرارة نفس توقيعك يا حازم بس ما فيش احد قلى على ميكانيكى كويس وعلى فاكر يا زياد عربيتى نفس لون عربيتك

أولا العفو .........
ثانيا بالنسبة لسؤالك عن الميكانيكي
ياريت تقرأ المداخلة بتاعتي بتمعن و أنا كلمتك عن مركز خدمة معتمد و أحسن من الميكانيكي
تكلفة الساعة هناك 40 جنيه فقط

يعني مرة غيرت سيور كلها
في ساعتين و دفعت تقريبا 90 جنيه فقط لا غير كمصنعية بالضرائب تقريبا
و الميكانيكي برة هايخد زي كدا أو أعلى بالإضافة أنه ممكن يكون مش فاهم قوي زي مركز الخدمة اللي بيصلح العربية دي في اليوم ....... يمكن على الاقل 20 عربية يوميا بتدخل تتصلح
و ناس فاهمة
و بالنسبة لميكانيكي .......... أنا بصراحة مش عارف
لأن مركز الخدمة أفضل كثير و عندهم كمبيوترات و عندهم أجهزة و خبرة و كل ده بأسعار معقولة مش غالية
و زي ما بقولك ممكن تشتري منهم قطع الغيار بأسعار طبعا أعلى من برة شوية بس عليها ضمان 3 شهور أو تشتري قطع الغيار من أي محل قطع غيار و هما هايركبوها بدون ضمان زيهم زي الميكانيكي في النقطة دي بس
إنما هما طبعا أحسن من الميكانيكي في الخبرة و التركيب

و ربنا يوفقك و تلاقي اللي أنت عايزة إن شاء الله
و بأشكر معاك الأخوة الكرام
زياد و حازم على تعبهم و ردهم الكريم

شكرا