كهربائي أوبل محترم لو تكرمتم

**rabbat5** · 09-08-2008 02:44 AM

اشتريت أوبل 98 من فترة قريبة ، غيرت العفشة بالكامل عند ميكانيكي ابنه شغال فى توكيل منصور على الصحراوي و غيرت قواعد موتور و فلاتر و بوجيهات .
محتاج كهربائي و محتاج أصلح التكييف عند حد متخصص و ياليت لو يكون شغال فى التوكيل و يكون عنده ضمير .
شكرا مقدما.

**EGMIDO** · 09-08-2008 01:06 PM

غيرت قواعد الموتور بكام وهل حسيت بفرق ولا لا

**modux** · 09-08-2008 07:09 PM

تامر في الحرفيين

محل الكوربة قدام محل الاصدقاء ( الشيخ احمد مكاوي ) لقطع غيار الاوبل

**Ahmad Allawy** · 09-08-2008 08:47 PM

في كمان احمد عبد الراضي في المعادي صقر قريش..
علي الاوتوستراد.. ده عنده مجموعه ورش كده.. بيصلح ميكانيكا و كهربا و تكييف كمان علي فكرة..
اسمع انه كويس جدا.. بس مش باتعامل معاه.. عشان باتعامل مع واحد معرفة في صقر قريش برضه.. بسس ميكانيكا بس.. شغل الكهربا كان بيجيب واحد من التوكيل بس مشاه عشان مش بيقفل شعله كويس..

بالنسبة للتكييف.. ممكن سعاتك تعمل بحث في المنتدي بتاع اوبل هنا علي كلمة التكييف.. هتلاقي مواضيع.. فيها اكتر من مركز خدمة تكييفات كويسة جدا..
اولها ديافيا في حدايق القبة.. وده غالي شوية بس شغله نضيف جدا..
وفي مقار.. تكييفات بس مش تبع التوكيل.. في مدينة نصر عند ارض المعارض .. و المعادي عند اللاسلكي..

**M.Mokhtar** · 10-08-2008 12:30 PM

محمد باشا
انا سعيد جدا انى سمعت صوتك واتعرفت بيك
واضح ان رجاله المنتدى افادوك اكتر منى :(
المهم لو عندك اى استفسار فى اى حاجة ابعتلنا هنا وكلنا هنساعدك ان شاء الله
وماتنساش تقولنا اخر الاخبار

**rabbat5** · 12-08-2008 01:07 AM

المشاركة الأصلية كتبت بواسطة EGMIDO

غيرت قواعد الموتور بكام وهل حسيت بفرق ولا لا

حسيت بفرق كبير لأن قبل التغيير كان فيه اهتزاز عند حركة العربية من الثبات
اشتريته من أمريكان ستار هو و حاجة العفشة ، كان في جي ام و ماركة تانية ألماني ، اللي باع لي قاللى مفيش فرق ملحوظ بينهم مع العلم بأن فرق السعر مش قليل _ جي ام أغلى _ .
السعر مش فاكره لكن ممكن أكتب أسعار جميع المشتريات قريبا _لو تحب _ فى موضوع أسعار قطع الغيار.

**rabbat5** · 12-08-2008 01:11 AM

المشاركة الأصلية كتبت بواسطة modux

تامر في الحرفيين

محل الكوربة قدام محل الاصدقاء ( الشيخ احمد مكاوي ) لقطع غيار الاوبل

شكرا جزيلا لكن المشكلة أن مشوار الحرفيين بعيد و صعب أني أتابع مع ورشة هناك بشكل مستمر بسبب المسافة و الزحام الشديد ، لكن لو حضرتك شايف انه ممتاز عن تجربة أروح له.

**rabbat5** · 12-08-2008 01:19 AM

المشاركة الأصلية كتبت بواسطة Ahmad Allawy

في كمان احمد عبد الراضي في المعادي صقر قريش..
علي الاوتوستراد.. ده عنده مجموعه ورش كده.. بيصلح ميكانيكا و كهربا و تكييف كمان علي فكرة..
اسمع انه كويس جدا.. بس مش باتعامل معاه.. عشان باتعامل مع واحد معرفة في صقر قريش برضه.. بسس ميكانيكا بس.. شغل الكهربا كان بيجيب واحد من التوكيل بس مشاه عشان مش بيقفل شعله كويس..

بالنسبة للتكييف.. ممكن سعاتك تعمل بحث في المنتدي بتاع اوبل هنا علي كلمة التكييف.. هتلاقي مواضيع.. فيها اكتر من مركز خدمة تكييفات كويسة جدا..
اولها ديافيا في حدايق القبة.. وده غالي شوية بس شغله نضيف جدا..
وفي مقار.. تكييفات بس مش تبع التوكيل.. في مدينة نصر عند ارض المعارض .. و المعادي عند اللاسلكي..

شكرا أستاذ أحمد على الرد التفصيلي .
ممكن عنوان أو رقم تليفزن أحمد عبد الراضي ؟
أنا رحت لواحد اسمه ....أوبل قريب من شارع احمد سعيد لكن واحد جاري معاه أوبل قالى انه بيفتح _بتشديد التاء_ شغل يقصد انه ممكن مشكلة بسيطة يكبرها و لو حاجة ممكن تتصلح يقول لازم تتغير خصوصا انه بيوفر قطع الغيار يعتي كتير منها بيكون موجود عنده على حسب ما قاللى فصرفت نظر و قولت استشيركم.

**dr_shady** · 12-08-2008 01:54 AM

يا باشا في واحد متخصص في الأوبل في مدينة نصر روحتله قبل كده بريجاتا نفضلي و قالي بشتغل في الأوبل بس مع اني كنت عايز أبرط عفشة بس و عامل سمعة كويسة هناك بس مش عارف ده ميكانيكي بس و لا كهربائي كمان و عنوانه شارع الجاحظ متفرع من شارع عبد الله العربي امتداد شارع الطيران الحي السابع خلف الحديقة الدولية

**rabbat5** · 12-08-2008 01:57 AM

المشاركة الأصلية كتبت بواسطة mimysheckles

محمد باشا
انا سعيد جدا انى سمعت صوتك واتعرفت بيك
واضح ان رجاله المنتدى افادوك اكتر منى :(
المهم لو عندك اى استفسار فى اى حاجة ابعتلنا هنا وكلنا هنساعدك ان شاء الله
وماتنساش تقولنا اخر الاخبار

أنا أسعد يا محمد بك ، الشباب مقصروش و ربنا يخليك لي و ليهم .

الموضوع: كهربائي أوبل محترم لو تكرمتم

LinkBack

أدوات الموضوع

عرض

-

-

-

المواضيع المتشابهه

محتار بين أوبل فكترا 1998 و أوبل أسترا 2001

ممكن كهربائي محترم

عايز كهربائي محترم ف اسكندرية

ماغنا تقترب من الاستحواذ على أوبل؛ و أوبل تتصدر مبيعات السيارات بألمانيا

أوبل أنتارا .... سيــارة أوبل للدفــع الرباعى

الكلمات الدلالية لهذا الموضوع

المفضلات

المفضلات

ضوابط المشاركة