فيلم دبور ¤ مرحلة تحول في تاريخ السينما المصرية

**KoDaK_Gti** · 12-08-2008 11:22 AM

انا دخلت الفيلم غصب واقتدار من صحابى وياريتنى ما دخلته
والله من اول ربع ساعة اقول لاصحابى يالا نقووووووم
حتى مفيهوش ضحك غير فى 4 لقطات وطول الفيلم مسكت الموبايل وقعدت ارغى بدل ما يجيلى شلل
انا مبدخلش افلام عربى غير كوميدى
ودخلت فيلم بوشكاش على الاقل كله كوميدى ومفيهوش حاجة خارجة
وفيلم احمد حلمى اللى كنا بنقول عليه محترم بردو كان بيشتم ويقول للراجل (انت هتسب لى التيت ولا ايه)
كله زبالة بصراحة يمكن احسنهم دلوقتى بوشكاش

**MoToRiZeR** · 12-08-2008 11:49 AM

المشاركة الأصلية كتبت بواسطة wawoo

دة اللى بيقولو علية يا اخ موتوريزر عذر اقبح من ذنب , لما هوة موهوب كدة زى ما بتقول , "مش عارف شوفت فين الفيلم القصير دة فين "
لية مش بيوظف موهبتة دى فى عمل فنى راقى يخلى الشباب قبل الكبار يحترمة.

لأ انا قلت رأيي فيه كمخرج يعني سينمائياَ إنما مضمون أفلامه و توظيف موهبته دي حاجة مفتيش فيها حضرتك و الوحيد اللي يقدر يرد علي حضرتك فيها هوا نفسه

الفيلم القصير "ياباني أصلي" انا شفته علي يوتيوب :) متاح لأي حد يشوفه بس إعمل بحث علي جملة "ياباني اصلي"

المشاركة الأصلية كتبت بواسطة kodak_gti

وفيلم احمد حلمى اللى كنا بنقول عليه محترم بردو كان بيشتم ويقول للراجل (انت هتسب لى التيت ولا ايه)
كله زبالة بصراحة يمكن احسنهم دلوقتى بوشكاش

و هتسبلي التيت دي فيها إيه حضرتك دي مش شتيمة يعني :) بالعكس انا مش شايف فيها خارجة .. هو المقصود بيها سب الدين اه .. بس إحنا في حديثنا ممكن نحكي "انا عديت علي خناقة و كان كلها قلة أدب و سب دين" و عادي لأن ده وصف مش شتيمة .. و انا شايف إن حرام نقيم الأفلام عن طريق "نضافة" لغتها الحوارية و السينما النظيفة و الجو ده ، ده الفيلم ده بالذات أحمد حلمي مثل فيه تمثيل بأفلامه اللي فاتت كلها و الناس كانت مصدقاه جدا لدرجة انا اما دخلته كان فيه ناس كتير بتعيط في السينما

انا عندي أشوف فيلم فيه شوية مشاهد خارجة بس معمول حلو و فيه سينما عن إني أني أشوف واحد قاعد يتنطط في محاولات يائسة زي الأراجوز عشان يجرجر ضحكة من المشاهد اللي حفظ حركاته و تنطيطه زي محمد سعد اللي فاكر نفسه هرم الكوميديا و هوا المخرج و هوا السيناريست و هو كل حاجة في الفيلم .. عشان كدة فاشل

**Nile_Storm** · 12-08-2008 11:56 AM

المشاركة الأصلية كتبت بواسطة OlaOsman

شكرا يا نايل ستورم على التصحيح.. انا أول مرة فعلا أعرف المعلومة دي.

لأ و ا نا تحسوني واثقة من نفسي أوي و انا باصحح ل M_HaFeZ

ماهو علشان كده قلت الحقك

**M.Moustafa** · 12-08-2008 01:10 PM

معلش انا اسف لو كان رائي ممكن يزعل ناس كتير مني بس انا شايف ردود كتيرة بتقول يعني انتو مسكتو على الفيلم ده وما شوفتش الفيلم بتاع فلان العلاني اللي عمل كذا سنة كذا والشتايم اللي في الفيلم الاجنبي اللي اسمه كذا وبيتقال فيه كذا وان المفروض الراجل ده يقول كلام كويس عشان الاطفال وعيب اللي بيحصل كل الكلام ده ما تزعلوش مني مالوش لازمة لان اللي بيعمل فيلم في الاول وفي الاخر همه جمع المال فقط لا غير بغض النظر عن ان الفيلم هادف ، له قصة، هيعمل قدوة او اي كلام تاني ده كله ما يهموش اللي يهمه الفلوس يجيب فلوس ازاي ودلوقتي الغالبية العظمي اللي بيدخلو السينما يا اما شباب وبالتالي اغرق البلد افلام فيها ايحاءات ومناظر جنسية يا اما بيدخله عائلات وده في الغالب معظمها بيكون معاها اطفالها وبالتالي انا هدور ازاي اضحكهم فهقول كلام في الغالب متعارف عليه في المجتمع حاليا ومفيش مانع اني اطلع كلمة او اتنين يبدا الناس لسانهم ياخد عليهم والناس تردديها في الشارع دون وعي هيا بتقول ايه او الكلام ده ممكن يوديهم لفين. فمعلش انا شايف ان كل واحد فيكم عارف ايه الصح لو عايز يبقى ورا الموجة السينما فاتحها دراعها لاستقبال كل الناس لو عايز فعلا تحافظ على نفسك وعلى اسرتك واولادك كل واحد برضه عارف المفروض يعمل ايه

**passat** · 12-08-2008 01:21 PM

القصة

في قالب ساخر، يستعرض الفيلم الأزمات

التي تواجه الشعب المصري،

وتحديداً معاناة الطبقات المتوسطة.

ينتمي هيثم دبور الى عائلة ثرية ويهتم بالأمور التافهة

كالموضة والعلاقات الغرامية المتعددة،

غير أنه يتعرض الى متغير في حياته يدفعه

إلى التحول من شخص تافه الى آخر جاد

وملتزم ومتفاعل بجدية مع الحياة، بعدما

يتعلق بـ"أرواح"، ***ة السائق الخاص به،

وهي فتاة من منطقة شعبية.
بطولة

أحمد مكي - إنجي وجدان
هالة فاخر - لطفي لبيب
حسن حسني - محمد عبد المعطي
علا رشدي - سامح حسين

تاليف
محمد المعتصم
وأحمد فهمي

اخراج
أحمد الجندي

COLOR][/SIZE][/URL]

[/COLOR][/SIZE][/URL]

-----------------------------------------------------------------------------

تم حذف روابط التحميل نظرا لأنها نوع من القرصنة
على أعمال الغير
مشرف القسم

**Goodle** · 12-08-2008 06:04 PM

المشاركة الأصلية كتبت بواسطة أبو عبدالله

انتو مسمعتوش اغنية البرتقال الي بيتعمل عاصير
واغنية العشاء واوعى تحلي
حسبي الله ونعم الوكيل
يا جماعه الناس بتسمع الكلام ده وتشوفه في الشارع وتضحك بتخلف وخلاص ومحدش بيعترض
علشان كده اللي بيشغلوا الحاجات دي معندهمشي مشكله خالص

هي إيه الأغنية دي يا محمد؟؟
أنا اصلي بجد عاوز افهم

**sniper2010** · 13-08-2008 03:47 PM

إيه يا جماعة _ _ _ أغيب يومين و آجي ألاقي الخناقات دي كلها _ _ _ ع العموم آرائكم كلها أنا بحترمها و إن كنت شايف إن الفيلم ده بالذات بداية التجرؤ في قول الألفاظ النابية _ _ _
ما اختلفناش إن السينما قبل كده كانت مليانة مشاهد قذرة بالذات في السنتين اللي فاتو _ _ _ بس أنا هنا بتكلم عن لغة الحوار ذات نفسها _ وصلت مستوى يخوف :(

أما عادل إمام فده معروف إن أفلامه كلها لازم يبقى فيها حتة قلة أدب سواء لما يضرب واحدة على ---ها أو واحدة تقوله صاروخ أو ملك الحياة الطبيعية أو عسكري السرير يقع في فيلم الهلفوت _ بس ده كله مش اللي أنا أقصده _ أنا أقصد الألفاظ

وأما الزملاء اللي اتكلمو عن الأفلام الأجنبية _ _ _ احنا هنا بنتكلم عن عرب لهم العادات و التقاليد و الأخلاق العربية _ _ _ أما الأجانب فده عندهم عادي أساسا و مش غريب _ _ الغريب إن عرب هم اللي يعملو كده