فيلم دبور ¤ مرحلة تحول في تاريخ السينما المصرية

**sniper2010** · 09-08-2008 02:47 AM

أعتقد إن الفيلم ده بداية مرحلة تحول السينما من الهبوط و الانحطاط إلى الوقاحة و السفالة _ _ _ أعتذر عن الألفاظ _ _ _ الناس دي عايزة إيه ?
ربنا ينتقم منهم و نستريح

**Hassan Khalil** · 09-08-2008 02:49 AM

السينما عندنا لا ينقصها الاربع حاجات اللي حضرتك بتقول عليهم دول ...
بس اشمعني الفيلم ده بالذات ؟؟؟

**sniper2010** · 09-08-2008 02:54 AM

المشاركة الأصلية كتبت بواسطة Hassan Khalil

‏ ...
بس اشمعني الفيلم ده بالذات ؟؟؟

عشان الألفاظ اللي فيه و ما توحي به من كلام خارج عن الذوق العام و الخاص و كل الأذواق

**meza** · 09-08-2008 03:05 AM

المشاركة الأصلية كتبت بواسطة sniper2010

عشان الألفاظ اللي فيه و ما توحي به من كلام خارج عن الذوق العام و الخاص و كل الأذواق

الحكاية إبتدت بكلمات خارجة عن الذوق العام فى أغانى زى بتاعة تامر حسنى و غيره ..... و وصلت إن فيلم كامل تبقى فكرته مبنية على قلة أدب وبس.

أحمد مكى أساء الإختيار و فيلمه الأخير أضر بصورته جامد عند ناس كتير.
أنا منكرش إنى ضحكت على المشاهد لكن قرفت فى آخر الفيلم من فكرته التافهه.

تأثير ناس زى دول للأسف زفت على الشباب ..... فى خلال أسبوع واحد ألاقى تلاتة بيرددوا قدامى نفس الجملة البيئة "أسف" اللى قالها.... اللى هى "قلبى على ولدى إنفطر و قلب ولدى عليا ******.

''إنما الأمم الأخلاق ما بقيت.... فإن هم ذهبت أخلاقهم ذهبوا'' :(

**ows212** · 09-08-2008 04:09 AM

انا باحمد ربنا انى ما اعرفش مين هو احمد مكى

**aliabutaleb** · 09-08-2008 04:21 AM

المشاركة الأصلية كتبت بواسطة ows212

انا باحمد ربنا انى ما اعرفش مين هو احمد مكى

مشفتش اعلان اتصالات أوبشنز مزايا الخط ومميزات الكارت؟

أول ما طلع رقية كانت بتعيط لما تشوفه في الاعلان ده

**مصراوي جدا** · 09-08-2008 09:42 AM

معظم كلام الفيلم (كما يظهر في اعلانه) سفالة وقلة أدب

ويعتمد هذا الشخص الذي لا هو (أحمد) ولا هو (مكي) ولا ينتمي لأسمه بأي صلة على ان مقص الرقيب في مصر جاهل ولا يعرف من الانجليزية سوى yes , no وبالتالي كل الكلام الوقح والشتائم اذا ما قيلت بالانجليزية فلن يتعرض لها مقص الرقيب ويتركها تقال بقل وضوح كما يحدث في جميع الأفلام الأجنبية

وكأن أقذر الألفاظ اذا ما قيلت بالانجليزية لن تحمل نفس المعنى

**meza** · 09-08-2008 01:07 PM

المشاركة الأصلية كتبت بواسطة مصراوي جدا

معظم كلام الفيلم (كما يظهر في اعلانه) سفالة وقلة أدب

ويعتمد هذا الشخص الذي لا هو (أحمد) ولا هو (مكي) ولا ينتمي لأسمه بأي صلة على ان مقص الرقيب في مصر جاهل ولا يعرف من الانجليزية سوى yes , no وبالتالي كل الكلام الوقح والشتائم اذا ما قيلت بالانجليزية فلن يتعرض لها مقص الرقيب ويتركها تقال بقل وضوح كما يحدث في جميع الأفلام الأجنبية

وكأن أقذر الألفاظ اذا ما قيلت بالانجليزية لن تحمل نفس المعنى

الموضوع ده فعلاً إتناقش فى موضوع للأستاذة علا ....
الرقابة المفروض تشيل الكلمات دى و فعلاً بتشيله من الأغانى الأجنبية اللى بشتريها من virgin stores ..... إشمعنى بقى الفيلم ؟!!!

**OlaOsman** · 09-08-2008 07:37 PM

انا بس عايزة أفهم هو فعلا دخل الألفاظ دي في الحوار عشان الناس تضحك؟على أساس انها حاجة كوميدية يعني و لا ايه؟

قبل الفيلم ده كنت باستتقل دم البني آدم ده جدا و باحسه محدود جدا و بيكرر نفسه بشكل ممل.. بعد ما شفت الإعلان عن الفيلم و سمعت ان فيه ألفاظ تانية خارجة بتتقال برضه بالانجليزي.. ساعتها قرفت منه