الموضوع: مرتبات شركات القطاع الخاص

كلامك صح
دلوقتى الحكومه بديه مرتب 800 جنيه وشويه وتعلى تكون 900 ومكافأه شهر كل 3 شهور يعنى متوسط دخلك 1100 جنيه وتيجى 9 وتمشى 2 الضهر وتجيب الجورنال وتقرا فيه وقروض من البنوك بضمان الوظيفة وحاجه فل وولا حد يقدر يقولك امشى
انما قطاع خاص حاجه اخر قرف..ربنا يرحمنا منه يارب ومن استغلاله

مهو عشان احنا مش طايلين قطار الميرى ... القطاع الخاص بيتحكم فى الموظف وبيعصره عصر وبياخد منه انتاج وفى المقابل بيديله رقم هزيل .... عشان كده ما تستعجبش لما تلاقى الدول العربيه بتيجى مصر وتاخد عماله عشان عارفين انها رخيصه ومنتجه وكذلك شركات الكول سنتر اللى بقت بتتبنى هنا فى مصر على حس العماله الرخيصه جيدة الاداء ...

مين قال ان مرتبات الحكومة كلها بتبدأ من 800 ج
انا شغال ف هيئة حكومية ومرتبي اقل من 800 ج وهيئتي هيئة اقتصادية وبدخل فلوس للدولة بالرز وبالرغم من ذلك مرتباتها ضعيفة
احسن مرتبات الحكومة هى مصلحة الضرائب والجمارك والميناء والبنوك والكهرباء واللي شغالين ف الوزارة نفسها وبينما بقية المصالح مرتبات المعينين بعقود مؤقتة فيها بتكون مرتباتهم متدنية اقل من 800 ج

كل القطاع الخاص كده طالما العمال راضيين ومفيش ذيادات والترقيات علي هواهم

مين قال ان مرتبات الحكومة كلها بتبدأ من 800 ج
انا شغال ف هيئة حكومية ومرتبي اقل من 800 ج وهيئتي هيئة اقتصادية وبدخل فلوس للدولة بالرز وبالرغم من ذلك مرتباتها ضعيفة
احسن مرتبات الحكومة هى مصلحة الضرائب والجمارك والميناء والبنوك والكهرباء واللي شغالين ف الوزارة نفسها وبينما بقية المصالح مرتبات المعينين بعقود مؤقتة فيها بتكون مرتباتهم متدنية اقل من 800 ج

انا اعرف حد شغال فى الكهرباء من سنه تقريبا وبدايه 700 جنيه
وحد تانى فى الماليه من كذا سنه ب 700 برضه
وكل ده مؤقت
بس انت تقصد ان اقل من 700 ده الاساسى؟؟بدون الحوافز والكلام ده ولا ايه؟

ياباشا المرتب بالحوافز وكله اقل من 700 ج
المرتب الاساسي ف جميع المصالح الحكومية لاول تعيين 216 ج
طبعا اللي بيخلي المرتب ينط بحسب كل مصلحة حكومية هو الحوافز وبدل المخاطر وخلافه وطبعا بيدوا الضرائب والجمارك والكهرباء وكل ماذكرته مسبقا اعلى الحوافز قد تصل الى 500 % وبتلاقي المرتب بعد التثبيت يعدي الالفين ج