الموضوع: بخصوص قوانين السفر والدولار

مفيش بنك مختلف عن التاني... ده قوانين من البنك المركزي....

غير قانوني انك تعمل الموضوع ده من اكتر من بنك، و البنك المركزي بيعرف لو عملت كده.

ليك ٥٠٠٠ دولار كل شهر بشرط تذكرة سفر مختلفة.

انا بعمل الموضوع ده في hsbc، عشان بسافر كل شهر مرة.

لا يتم ختم الباسبور طبعا، ليس له الحق، لكنه بيصور الباسبور والفيزا و التذكرة.

أي تلاعب في الحاجات ده، بيعرضك لمشاكل كبيرة لو اتفقست يا حلو.

لا يحق للبنك ان يرفض يديلك في حالة السفر و الدراسة و العلاج، إذا معاك ما يثبت انك محتاج تدفع بالدولار.

لو رفض تطلب ما يثبت انه ما عندوش دولار يديهولك، لو ما عندوش فعلا نش حايمانع يديلك ورقة بكده، و يحق لك انك تشتكيه في البنك المركزي، عشان كده عمره ما حايديلك ما يثبت الا لو ما عندوش فعلا، و بنسباله مصلحة انه يديلك حاجة زي كده عشان حصته تزيد او يثبت انه مش قادر يوفي متطلبات عملائه.

المشاركة الأصلية كتبت بواسطة dede_dodo88

هو مفيش بنك زي التاني في الموضوع ده.. و يمكن في البنك الواحد تلاقي فروع بتطبق بشروط مختلفة عن فروع تانية لنفس البنك..
مفيش ما يمنع أنك تشتري الحد المسموح لك بيه من أي بنك ليك فيه حساب.. و مفيش أي أتصال بين حسابات البنوك المختلفة عشان توقف موضوع زي ده.. و حتى لو المركزي عرف مش هيقدر يعمل أي حاجة..
الوضع في hsbc هتلاقيه مختلف من فرع للتاني من حيث المبلغ.. هتلاقي فروع بتطلع لحد 5000$ في مدة 30 يوم, و فروع تانية 2000$, و فروع تانية 1000$ للسفرية الواحدة.. بس القاعدة الرئيسية هي مدة الـ30 يوم و يكون تاريخ الشراء لا يتعدى الـ10 أيام من تاريخ السفر..

مع احترامي لك، فروع hsbc كلها بتتعامل بنفس الطريقة، انا عميل قديم جداً معاهم وليا أصدقاء كتير بداخل البنك،

البنك المركزي طبعا كش حايوقف حاجة لكن سحب الدولار من البنوك بيتعمل به تقارير بتروح البنك المركزي، ولما أي عملة صعبة بتقل من حق البنك المركزي انه يفرض بعض القيود عليها لعدم تداولها بالسوق المسودة أكثر من البنوك..

ده طبعا لو افترضنا ان كل حاجة ماشية مظبوطة في البلد الخربانة ده، و منك لله ياللي في بالي...
يقعدلك في عيالك يا رب.

تحياتي