مشكلة فى الفتيس ولمبة Service دايو لانوس 97

**littlefaroh** · 07-04-2013 11:32 PM

السلام عليكم

ظهرت عندى مشكلة فى الفتيس عند النزول من الغيار الثالث الى الثانى
سحب العربية بيبقى ضعيف جدا على التانى فى الحالة دى
وبسمع صوت كركرة جامد فى العربية
فبنزل على الاول
الميكانيكى بيقول جلب الفتيس وهتتعمل فى المخرطة

ولمبة service
بتنور بعد ماتدور العربية بتطفة وتنور تانىوتفضل منورة
مع العلم فى مشكلة ان المياه بتنقص فى القربة والميكانيكى قال هنغير المشترك بتاع المياه بس مش ده السبب فى اللمبة المنورة

ياريت اعرف حل والتكاليف عشان انا مش فاضى خالص

**Ahmed Nasser** · 07-04-2013 11:46 PM

طالما التشك بتنور يبقى تدخل العربية على الجهاز

**littlefaroh** · 07-04-2013 11:58 PM

تقصد لمبة service هى هى check??

بس انا م الزقازيق ومفيشجهاز هنا

وموضوع الفتيس كان قبل اللمبة ماتنور

**Ahmed Nasser** · 08-04-2013 12:13 AM

ايوة لمبة سيرفيس هية هية لمبة التشك
اما موضوع الفتيس ده ممكن توضح اكتر شوية عنة
الزيت عامل اية ولما تقرص على الغيارات الدنيا بتبقى عاملة ايه

**Nashaat Rady** · 08-04-2013 12:31 AM

مشكلتك كانت عندي و مكررة وسهلة الحمد لله، بس محتاج تركز شوية عشان مش لاقيلك صورة.

اللانوس فيها شفاط اوتوماتيك.. و الخرطوم بتاعه دائماً بيفلت مع المطبات.

تفتح الكبوت، في المنتصف وره الموتور في جسم السيارة الحساس ده موجود و بيركب فيه خرطوم بلاستيك رفيع جداً، أتأكد انه راكب و مش فالت. لو متركب مكانه يبقي انت محتاج حساس حديد و ده مش غالي خالص...

الموضوع ده حصل معاية ييجي ٦ او ٧ مرات، روحت لازقه بعد كده..

و بين ور لمبة ال check و بيبرجل العربية.

تحياتي...

المشكلة اني بعت اللانوس... يا ريت حد من الشباب يصورهولك.

شكرا

**Nashaat Rady** · 08-04-2013 12:44 AM

المشاركة الأصلية كتبت بواسطة littlefaroh

طيب انا متشكر جدا لحضراتكم بصراحة بس عشان مش اتوه انا هقاكم المشكلات واحدة واحدة:

اول مشكلة مشكلة الفتيس

عصاية الفتيس خفيفة اوى بس شغالة
لكن لما انزل عند مطب مثلا من التالت او الرابع للتانى العربية ما بتسحبش خالص وبتكركر تعمل صوت كركرة لازم افضل دايس دبرياج او انزلعلى الاول وساعتها السحب بيبقى زى الفل
ولما بطلع تانى للتالت بيبقى تمام
المشكلة كلها فى النزول الى التانى من غيار اعلى
وبحس ان الفتيس بيزن والعربية ماشية بيعمل صوت زنة كانه بيتهزهز بس بسرعة كبيرة جدا لما بمسكه الصوت بيروح
الميكانيكى قالى الفتيس عايز جلب تتعمل فى المخرطة هل ده صحيح؟ والجلبدى تكلف كام؟
والاحسن اشتريها ولا اعملها فى المخرطة؟

دى اول واهم نقطة عندى لانها عاملة لى مشكلة كبيرة

أتأكد بس من اللي قولتلك عليه، عشان كل ده أعراض الشفاط. تأكد و انا حاحاول اشوفلك صورة علي النت.

و شوف ميكانيكي تاني وقوله علي اللي بقولك عليه.. و اللي ياكد كلامي لمبة الcheck... جلب الفتيس مش بتنور لمبة الcheck...

الميكانيكي ده كفتجي

**littlefaroh** · 08-04-2013 12:54 AM

الميكانيكى ما شفش العربية بعد ما اللمبة نورت
هو بص على الجلب من تحت العربية قالى عايزة المخرطة

**Nashaat Rady** · 08-04-2013 01:07 AM

الصورة اهه... اتاكد بنفسك، مش حاتخسر حاجة... انا عملك دواير حوالين الخرطوم..

الموضوع: مشكلة فى الفتيس ولمبة Service دايو لانوس 97

LinkBack

أدوات الموضوع

عرض

المواضيع المتشابهه

للبيع تانك بنزين لسياره دايو لانوس 2 بحالة الزيرو للبيع تانك بنزين لسياره دايو لانوس

ايهما افضل اتوماتيك دايو لانوس 1 _دايو لانوس 2 _ دايو نوبيرا _ هيونداى اكسنت 2000_كيا

How to Reset OIL service Or INSP service by your self

How to Reset OIL service Or INSP service by your self

If you dont like Automaster Service or any other Service Cen...Please write here why!

الكلمات الدلالية لهذا الموضوع

المفضلات

المفضلات

ضوابط المشاركة