شكرا يا باشا على الرد
عرض للطباعة
كمية الزيت المطلوبة 3.3 لتر وده في حالة تغيير الفلتر
وليس في حالة عدم تغييره كما تفضل بعض الأعضاء !!!
وحذار حذار من زيادة منسوب الزيت عن علامة المكس !!!
تحياتي
3.3 من غير فلتر و 3.7 بالفلتر
وراى الشخصى انك لو بتغير زيت وفلتر عالطول وحطيت الاربعة لتر موش كارثة وله حاجة صحيح الاصول ان يتحط 3.7 لكن يعنى 300 ملى دول هما اللى هيبوظوا الدنيا اشك فى كده الصراحة
لكن ينصح اتباع تعليمات الصانع بلا ادنى شك
يا جماعة الخير !!!
الناس اللي بتقول إن كمية الزيت تبقى 3.7 لتر جابوا المعلومة دي منين ؟
واللي رأيه إن زيادة الزيت عن المنسوب المسموح به مفيهوش مشكلة !!! , جاب رأيه ده منين ؟ وبناءاً على إيه ؟
يعني درسه في الكلية , ولا قرأ فيه بحث ولا سال متخصصين في التوكيلات ولا إيه بالضبط ؟
أرجو اللي عايز يفتي يتقي الله , ويقولنا الفتوى دي جابها منين عشان دي أموال ناس ومصالح ناس !!!
تحياتي
بص يا عم الحج و بختصار شديد جدا
متزودش عن 5000 كيلو عند تغيير الزيت و لازم تتابع اول بأول و لو قدرت تنزله عند 3000 كيلو يبقى تمام التمام و لازم تتأكد اهم حاجة ان الزيت مضمون و مش مغشوش
الحاجة التانية و الاهم لازم مع كل غيار زيت تغير الفلتر و متسمعش كلام اللى يقولك مرة تغيره و مرة لاء
الحاجة الاخيرة بقى جرب كاسترول gtx او مجنتك و ان شاء الله هترتاح اكتر من الشل بكتير جدا
اولا احب اشكر كل الناس اللي بتنقض سواء رد علي كلامي او رد علي كلام ناس تانيه لان النقد البناء هيساعد اننا نوصل الي معلومات ادق
اولا انا مش بفتي اولا انا جايب كلام علمي واول تجربه عايزك تعملها لو انت شايف ان زيادة الزيت مفيهاش مشكله ودي هتكون مخاطره علي حسابك الشخصي عشان متقولش اني انا المسئول حضرتك ممكن تحط 4 لتر زيت في عربيتك في المره اللي جايه واحنا داخلين علي الحر كله وامشي بالعربيه بتاعتك الساعه 2 او 3 الظهر واقرص مثلا علي الغيار التالت وخلي الار بي ام يعلي شويه يوصل ل 5 او 6 وامشي علي كده مثلا 5 دقايق ولو عربيتك مجابتش طقم oilseal كااااااااااااااااااامل والله اعلم ممكن الموضوع يتفاقم ويضربلك جوان ولا حاجه لو محصلش الكلام ده كله يبقي فعلا كلنا نحط 4 لتر زيت لان علامة ال maxmum اللي في مقياس الزيت مالهاش اي لزمه وهما في بلاد المنشأ للعربيه مش بيفهموا اي حاجه
ثانيا انت عربيتك تختلف عن عربيه غيرك بمعني اني انا واحد من الناس لو لاقيت نقطة زيت بره الموتور بتجنن ولازم اعرف جايه منين في حين اني عربيتي ماشيه 253 الف كيلو يعني معرض ان موتوري يكون فيه جوان عايز يتغير او بياكل زيت او اويل سيل عايز يتغير بس لله الحمد مفيش اي حاجه من دي بخلاف عربية اي عضو تاني ممكن تكون مغيره جوان وش سلندر ممكن تكون فيها اويل سيل ضارب وممكن حاجات كتير
خلاصة القول انا محبش ادي عقلي لغيري وعلي فكره ارقام تليفونات التوكيلات مش بعيده سهله جدا اتصل واسأل مش هتخسر بالعكس ممكن تستفيد اكتر ويا ريت كل واحد يقرأ كتالوج عربيته كويس
اسف للاطاله وصدقوني الكلام لوجه الله انا مش هاخد منك ال 300 ملل اللي باقين من الجركن بتاعك
أنا اللي أعرفه أن تزويد الزيت أو تغييره يكون حسب المقاس
يأخد 4 لتر يأخد 100 لتر المهم المقاس يكون مظبوط
http://t1.gstatic.com/images?q=tbn:A...Hvgcjzi2xdfFkH http://t3.gstatic.com/images?q=tbn:A...z3r0oYdLhyRKXlhttp://www.hyundai-arabic.com/up/upl...3438735031.jpg
امال انا بهااااااااااااااااااتي ونابح صوتي في ايه يا استاذ سمير
لك ان تندهش ان فى بعض مراكز الخدمة المعتمدة اللى اتعملت معاها ومعرفش التوكيل بيعمل ايه لانى مبحبش اتعامل مع التوكيلات بيحطوا فى حالة تغيير الفلتر 3.75 او 4 بس الا حاجة بسيطة اوووى ، برده راعى اختلاف الاحوال المناخية والاحوال البيئة بين بلد المنشأ وبلد المستهلك لان كل بلد يختلف فيها الحال عن الاخرى مثلا لاحظت فى كتالوج الار بى أن تغيير القطع الاستهلاكية مثل فلتر الهوا او البنزين او البيجوهات وخلافه بيختلف من بلد لاخرى لذلك مثلا تلاقى كتبلك ينصح بتغيير فلتر الهوا كل 40.000 عدا دول الشرق الاوسط والصين فينصح بالتغيير كل 10.000 شايف الفرق لان عندنا مثلا الاتربة وسوء الاحوال الجوية وسوء البنزين المستخدم وتباعا بيؤثر الكلام ده كله على حرق الزيت والاجزاء الميكانيكية وده بيختلف طبعا عن بلاد اخرى منها بلد المنشأ لكن برده بنقول ينصح باتباع تعليمات الصانع لانى مقتنع بحاجة مهمة ان بيبقى فيه فروق فردية بين العربيات حتى في البلد الواحدة والمعلومة دى من تجربة شخصية بحته ، و أومال تقول ايه للى بيضيف زيت ابرو ( المعروف بالبلدى زيت شنبر ) مع كل غيار زيت فى عربيته من الزيرو وعن تجربة صديق فعلا حافظ على الموتور بتاعه وماشي بعربيته للان 200.000 ومغيرش جوان وما شاء الله لسه بيقفل عداد عربيته للان . ومفيش ميكانيكى مد ايده فى عربيته ما شاء الله لحد دلوقتى وكل اللى بيعمله الصيانة الدورية العادية بجانب ما سبق ذكره .
وتقول ايه بردو للى بيحط زيت موبيل دلفاك لعربية النترا ( عارف يعنى ايه زيت موبيل دلفاك ) الزيت المخصص لعربيات النقل ومعدات النقل الثقيل :) وبيشكر فيه جدا وكان فيه موضوع جميل فى منتدى اخر تم طرحه بخصوص وضع زيت موبيل دلفاك لمحركات البنزين وتم توجيه سؤال على موقع موبيل الالكترونى وكانت الاجابة انه لا ضرر اطلاقا من وضع زيت موبيل دلفاك لمحركات البنزين بل على العكس وده لنك السؤال علشان اللى بيقول فتى وموش عارف ايه وعلشان حضرتك تتطلع عليه برده Mobil 1 vs. Mobil Delvac 1 for a Gasoline Engine
صحيح هو المالك الاصلى لما سألته قالك كان بيحط كام لتر ؟؟؟؟