زيت العربية محيرنى

**mohammed adel** · 08-04-2013 12:06 AM

بعد السلام عليكم حضرتكم انا معايا النترا 2009 اوتوماتيك 1600 سي سي ماشية حواللى 100000 كم المهم انا كنت بغير زيت للموتور شل هايلكس 5000 كم ابو علبة صفرا بعد كدة غيرت لموبيل 3000 كم ومستريحتش لصوت الموتور ورجعت لشل هايلكس تانى وبعد كدة واحد نصحنى بزيت موبيل 10000 كم وفاضل حواللى 3000كم واغيره وانا مش قادر احدد ايه الافضل لانى شاري العربية من 9 شهور تقريبا ودى اول مرة اشترى عربية وبحثت كتييرررر فى النت كل واحد برأي غير التانى و عندى شوية اسئلة بخصوص الزيت

1- على ما اتذكر ان فى كتالوج هيونداى النترا على النت الشركة بتوصي بزيت درجته( 5w/30 ) ولازم يتغير كل 5000 كم او 3 شهور ايهما اقرب وعلى حد معرفتى ان نسبة اللزوجة المذكورة مش بتكون الا فى زيت تخليقى و حضرتكم عارفين ان الزيت التخليقى بيتغير كل 10000 كم او اكتر وهذه معادلة
2- لو افترضنا ان هغير من زيت تخليقى الى معدنى او العكس هل لابد من غسيل الموتور من الداخل بموتور فلاش مثلا ولا عادى مافيش اى مشكلة رغم ان سمعت ان فيه ناس بتقول ان غسيل الموتور من الداخل بيعمل مشاكل
3- انا كنت بغير الزيت للموتور وبحط 4 كيلو مع تغيير الفلتر و3 كيلو ونص بدون ما اغير الفلتر لكن لاحظت ان لما بحط 4 كيلو ان الزيت بيكون فوق علامة المقاس ( f) بمسافة جامدة جدا لكن كل الناس بتقوللى هو كدة صح ان احط 4 كيلو مع تغيير الفلتر وفى النت بيقوللوا غلط المفروض الزيت مايعديش علامة f فى مقاس الزيت

عايز بعد اذنكم رد علمى مع تجارب لان زهقت من اختلاف الاراء واعرف فى الاخر ايه نوع الزيت اللى هغيره وامشي عليه على طول؟ ونسبتة لزوجته؟ والافضل اجيبه منين ؟ واحط كام كيلو بالظبط مع تغيير الفلتر وبدون تغييره

واسف جدااااااااااااااااااااا على طول الشرح بس الواحد هنا بيستفاد وهذا هو قيمة النت بأمانة

الف شكررررررررررررررررررررررر رررررر

**lidosasa** · 08-04-2013 12:32 AM

على قدر معلوماتى المتواضعة جداً
الموتور بتاع حضرتك عامل 100000 كيلو يعنى الأفضل ليه هو الزيت النصف تخليقى ( زى شيل هيلكس - كاسترول ماجنتيك )
موضوع الزيوت فيه إختلاف كبير فى الأراء شوف إنت عربيتك بترتاح على أيه وخليك معاه يعنى من كلام حضرتك حسيت إنك كنت مستريح على شيل لحد ما حد قالك عن نوع تانى وغيره قالك على نوع تالت فالأحسن تخليك فى الزيت اللى مريح عربيتك وبلاش تعمل تجارب فيها
وبالنسبة لفلاش موتور اللى بينضف الموتور بسمع من ناس كتير إنه مؤذى جداً للمواتير لآنه على حد تعبيرهم ( بيكشف الفراغات اللى بين أجزاء الموتور ) الحقيقة أنا مش فاهم معنى الكلام بس سمعته كتير .

**john55** · 08-04-2013 01:08 AM

شل اصفر 100/100

**eslam3344** · 08-04-2013 03:36 AM

مساء الفل .... كنت زي حضرتك في الاول وفجأه شوفته عالنت وسمعت عنه كتيييييييييييييييير فحبيت انقذك زي ما انقذت نفسي وده الحل الامثل وانا ماليش اي مكسب من ورا اللي بقوله غير رضا ضمير
زيت valvoline حاجه كده بسم الله ما شاء الله من الاخر ودي صوره للزيت المناسب ليك انت انا عامل بحث في موقع الشركه بكل البيانات اللي انت حاططها في الاول الموديل و سنة الصنع وماشيه كام الف كيلو ونوع ناقل الحركه

windows 7 screen shot
والسعر في الحنين جدا جدا جدا وللعلم الزيت الماني صناعه هولنديه وعايز اقولك اول ما حطيته لعربيتي انا مسمعتش اذا كان الموتور شغال او مش شغال من النعومه بسم الله ما شاء الله حاجه خرافيه

**aymanshebl** · 08-04-2013 06:40 AM

انا هرد على كمية الاربعة و التلاتة و نصف كيلو غلط جدا انك تحط زيت اعلى من علامة الماكس ياريت تخلى مقياس الزيت بين المينى او الماكس او على اقل تقدير على الماكس مباشرة و ما تسمعش كلام اىحد يقلك عادى الزيادة دى اومال عاملين المقياس ليه و شكرا

**eslam3344** · 08-04-2013 08:58 AM

فعلا مينفعش تحط زياد الشركه المصنعه للعربيه عامله مقياس عشان تشوف انت حطيت قد ايه ونقص منك قد ايه
بالنسبه لحضرتك هتحط 3.3 ليتر في حالة انك مغيرتش الفيلتر اما لو غيرته هتحط 3.7 وده تتأكد منه من كتالوج العربيه

**ايهاب سمير** · 08-04-2013 01:04 PM

المشاركة الأصلية كتبت بواسطة eslam3344

فعلا مينفعش تحط زياد الشركه المصنعه للعربيه عامله مقياس عشان تشوف انت حطيت قد ايه ونقص منك قد ايه
بالنسبه لحضرتك هتحط 3.3 ليتر في حالة انك مغيرتش الفيلتر اما لو غيرته هتحط 3.7 وده تتأكد منه من كتالوج العربيه

كلام نهائى ومضبوط 100% الكتالوج فعلا بيقول 3.3 من غير فلتر و 3.7 بالفلتر

**ايهاب سمير** · 08-04-2013 01:07 PM

المشاركة الأصلية كتبت بواسطة eslam3344

مساء الفل .... كنت زي حضرتك في الاول وفجأه شوفته عالنت وسمعت عنه كتيييييييييييييييير فحبيت انقذك زي ما انقذت نفسي وده الحل الامثل وانا ماليش اي مكسب من ورا اللي بقوله غير رضا ضمير
زيت valvoline حاجه كده بسم الله ما شاء الله من الاخر ودي صوره للزيت المناسب ليك انت انا عامل بحث في موقع الشركه بكل البيانات اللي انت حاططها في الاول الموديل و سنة الصنع وماشيه كام الف كيلو ونوع ناقل الحركه

windows 7 screen shot
والسعر في الحنين جدا جدا جدا وللعلم الزيت الماني صناعه هولنديه وعايز اقولك اول ما حطيته لعربيتي انا مسمعتش اذا كان الموتور شغال او مش شغال من النعومه بسم الله ما شاء الله حاجه خرافيه

انا فعلا سمعت عن الزيت ده انه ممتاز بس مش عارف اجيبه ازاى لو ممكن لو سمحت عايز اعرف عناوين الموزعين ليه او بيكون عند مين لانى سالت فى محطات كتيره محدش افادنى وفي نا س اصلا ما عرفتهوش

**eslam3344** · 08-04-2013 08:10 PM

اللينك ده في كل التفاصيل اللي انت ممكن تحتاجها

https://www.facebook.com/ValvolineEg

سواء موزعين او ارقام تليفون او معلومات او منتجات كله في اللينك ده وللعلم دي صفحة الوكيل في مصر لاحسن حد يقول انها دعايه