عرض للطباعة
السلام عليكم...رحت يوم الجمعه لقبنورى أوتو الى فى اسكندريه وقولتلهم انا عاوز عربيه ميتسوبيشى لانسر 1600 اوتوماتيك رياضيه كامله (الشكل القديم) قالولى تمنها كاش 119000 قولتلهم لأ انا هقسط قالولى هتدفع مقدم 36000 وهتدفع كل شهر 2345 على 60 شهر والفايده هتكون 9%....ولقيت اعلان فى اهرام السيارات عن المصريه للسيارات بيقول تدفع 10% مقدم وتقسط كل شهر 735 شهريا على 82 شهر. أية رأيكم فى الكلام ده كله!!؟؟
المصرية للسيارات هي أكبر شركة للدعايا الكاذبة و كمان غير متجددة... أغلى سعر كاش و فائدة 10 % في السنة و لما تيجو تسألهم عن الإعلان هيقول لك :
القسط ده مش بتاع المقدم ده
القسط غير شامل الضرائب و المصاريف و خلافه
و حضرتك تشرفنا و نحسبهالك بالضبط
و لما تروح هيقولك لا أصل الأسعار الكاش اللي في الإعلان قديمة !!!
ده حتى الهدايا و الخصومات اللي قرفنا بيها في كل شبر في أي حتة كلها كلام بس و لما سألت البياع قالي انتي بتصدقي؟ أنا معقول أعمل خصومات في عز الموسم!!!
صدقني أي شركة تانية أحسن من المصرية للسيارات.
الكلام ده مضبوط 100% عن تجربة لي و ناس اصحابي تانيين و الغريب انها بتعمل مبيعات عالية ...؟؟؟اقتباس:
المشاركة الأصلية كتبت بواسطة Scent7104
كله ضحك على الدقوون واونطى وهما ولاد التيييييييييييييييييييييي ت معاهم على قلبهم بلاوى
بيكسبوااا دهب ابيض واحمر وازرق كماان كل الا لوان
انا انصحك ب "كونتاكت كارز"
www.contactcars.com
متاكد ان قبنوري اوتو قالك تقسيط 9% مباشر مع الشركة دون تدخل البنك
انا سالت من حوالي 6 شهور بالضبط لما كنت بشتري عربيتي قالي 15% تقريبا
عموما كما اشار الاخوة افضل تقسيط مع كونتاكت بنسبة 8 وكسور
بالتوفيق
اقتباس:
المشاركة الأصلية كتبت بواسطة Scent7104
فعلا الكلام دى مظبوط 100% ودى غير العوجان اللى موجود فى ممثل المبيعات ونفسى افهم على ايـــــــــــــــــــــــ ـــــــــــــــــــــــــ ـــــــــــــه
.
أولا اشكر كل الناس الى ردت عليا بجد أفتدونى جدا وكلامكم كله مظبوط ووضحتلى الرؤيا بالنسبه
لشركة المصريه للسيارات فانا فعلا روحتلهم وعقبال لما لقيت حد يعبرنى ويرد عليا وفى الاخر قالى
ال10% ديه مش بتاعت القسط ده والعربيه الى قسطها ف الجرنال هى ال1300 سى سى
فين بقى ال10% وفين الجوايز والتسهيلات والفرح والمولد الى عاملينه فى الجرايد...مصر أم الدنيا
الكلام مظبوط 100% الشركة المصرية للسيارات غير صادقين فى كلامهم واعلانات كاذبة ومتصدقش ولا كلمة كتبوها فى الاعلان
انا قسطت مع بنك باركليز فايده 8.75 % ودول ناس محترمين