محتار جدا وبجد محتاج مساعده كل الاعضاء

**elmashtoly** · 08-04-2013 05:12 AM

معايا 140 الف جنيه ومش عارف اجيب ايه جديد
وكل اللى كان مسيطر على دماغى الكيا ريو الجديده
ولكن انا بجد مستحرم احط المبلغ ده فى الريو
وكمان خليجى مش وكيل لان الوكيل وصلت 160 الف
والله اعلم ومحتار اعمل ايه وبفكر فى السيراتو الشكل الجديد اول فئه اوتو
ياترى تكون عامله كام وهل كويسه والا لا
وبالله عليكم اى حد عنده بديل غير العربيات دى
وفى نفس رينج المبلغ يبقى كتر خيكوا والله
واسف على الازعاج

**AlGazar2** · 08-04-2013 06:03 AM

مفكرتش ليه فى الفلوانس اول فئه اوتو هتبقى بالمبلغ ده تقريبا بالنسبه للفيس ليفت
او شوف الشكل القديم

فى السى اليزيه المفروض بدأ تسليمها من كام يوم فى نفس فئه الريو
لو ليك فى الهاتش فكر فى الفورد فيستا - بيجو - فى البيجو 408 كانت فى حدود 140
السيات ابيزا فى الحدود ديه برضه - تويوتا ياريس

بصراحة ما تحطش المبلغ ده فى عربيه كورى كتير اوى عليها سواء السيراتو الجديده الى مفيهاش غير شكل حلو او اختها الصغيره الريو

ممكن تفكر فى المستعمل 2010 مثلا لو المبلغ كاش

و لو تقدر تزود 15 الف يبقى فى السوبارو امبريزا اول فئه ب 155 تقريبا

**eslam3344** · 08-04-2013 08:26 AM

اسمحلي بتواضع شديد اقولك اوعي تفكر في عربيه كوري بالمره في حين اني معايا ريو 2003 بس صدقني ولا هيونداي ولا كيا ولا كل الكلام ده صدقني كلام ربنا يحاسبني عليه عربيات مفيهاش اي نوع من الامان ولا اي حاجه الا الشكل انما لو

هتتكلم علي عربيه للعمر الطويل ممكن العربيات الاوروبي زي الالماني او الايطالي البدائل اللي قدامك اول اقتراح فيهم ودي عربيه من وجهة نظري ما فوق الممتازه فيات عندك ال evo pounto وال bravo دول من ناحية الايطالي

الالماني عندك الاوكتافيا بتبدأ من 150 يعني لو حاجه نص اوبشن ممكن 175 وعنندك كمان الجولف الهاي لاين دي عامله 180 وممكن كمان الاوبل استر مع اني مش محبذ للاوبل

الفرنسي عندك اارينو فلونس مع اني مش بحبذ اي عربيه فرنساوي بس دي وجهة نظري انا واسأل وشوف
ولو هتسألني اركب ايه في كل دول انا هركب الفيات برافو

.... في ملحوظه صغيره لو انت قابل انك تركب حاجه جيب مثلا في نيسان Qashqai من وجهة نظري انا دي اللي ممكن اركبها مع العلم انها اسيويه مش اوروبيه ودي معاك من 160 وانت طالع بس تستاهل عن تجربه كأمان وكراحه وكشكل واستهلاك وكل حاجه

**iaibrahim** · 08-04-2013 09:02 PM

انا لو منك افكر على طول فى الكروز(شيفورليه) او الفورد او الفلونس طبعا حتى لو كسر الزيرو وبلاش الكورى

**eslam3344** · 09-04-2013 05:01 AM

بيتهيألي في اجماع علي الفلونس ..... هل من اصوات اخري حول الفلونس ؟

**DrAhmad** · 09-04-2013 04:35 PM

فلوانس ... شارك الهاف سبورت .. فيات لينيا ,,, مش حتندم ان شاء الله

اما لو عايز مستعمل هات اوكتافيا كسر زيرو

**reda elgohary** · 09-04-2013 05:36 PM

بص يا باشا أنا معايا فورد الحمد لله لسه بتتصلح عند السمكري والمدام عملت بها حادثة ،،عاوز أقولك الفورد متينة جدا جدا ،،وممتازة وثابته عالطريق بس مشكلتها ف قطع غياره وإن كانت غالية بس معمرة مثل أي سيارة ألمانى ،،وممكن تبق صعب تبيعها بس لو هتشتري مستعمل هتكسب جامد جدا جدا .. وربنا يوفقك

**Gamal.Eid** · 09-04-2013 11:21 PM

المشاركة الأصلية كتبت بواسطة eslam3344

بيتهيألي في اجماع علي الفلونس ..... هل من اصوات اخري حول الفلونس ؟

عن تجربة اتكل على الله وهات فلوانس عربية بها الكثير من المميزات واولها الامان والفخامة انا معايا الهاف اوبشن الخليجى لانى فى السعودية موديل 2013 جبتها منذ شهرين وعلى الرغم من ان الاوربى هنا مش منتشر الا ان العربية دى انتشرت الى حدا ما هنا ومن يومين شوفتها تاكسى كمان هنا ومعنى كده انها اعتمادية جدا ده بخلاف الاوبشن اللى فيها انا بعد ما جبتها ندمت انى مجبتش الفل اوبشن كان الفرق حوالى 13 الف ريال فقط يالله الخيرة فيما اختاره الله

**eslam3344** · 10-04-2013 03:12 AM

بيتهيألي في اجماع بردوا علي الفلونس بس الاستاذ Dr Ahmed خطف قلبي لما جاب سيرة فيات لينيا هي سياره ما فوق الرائعه وانا لو عايش في ايطاليا مكنتش اتنازلت عن اني اشتريها بس مشكلتها انها الوحيده من بين اخواتها مالهاش انتشار في قطع الغيار في حين ان البرافو والبونتو مغرقين الدنيا قطع غيار بس اللينيا بلاش وبالنسبه للفورد انا مجربتهاش هنا في مصر انا بسافر السعوديه وسوقتها هناك كتير اما بالنسبه لمصر فمن قال لا اعلم فقد افتي اخر نقطه احب اشير اليها بلاش مستعمل ولو كسر ربع زيرو مش كسر الزيرو ليييييييييييييييييييييييي يه ؟
اولا (( لو لسه معلقتش نمر حتي )) ليه صاحبها عايز يبيعها الا اذا كان عليها خلاف في الاوراق او مشكله مع بنك او ما شابه ليه احط نفسي واعصابي وفلوسي في موضع شك
ثانيا (( ماشيه 500 كيلو )) طيب ليه بعد ما تعب في تراخيص واستلام من معرض و ... و ..... و ......... الخ ليه عايز يبيعها يا اما فيها مشكله في العرييه اللي معاه او ان في حاجه تانيه وبالتالي هتروح التوكيل تفحصها وتشوفها واحتمال تكون خرجت من الضمان لاي سبب هو عمله طب وليه انا ادخل في متاهات بلااااااااااااا نهايه معلش انا اسف ومع احترامي لكل الناس الجديد انت بتروح تنقي المواصفات اللي انت عايزها بتروحح تنقي اللون اللي علي مزاجك بتبقي مولودك انت مش طفل من ملجأ ايتام عارف عنها كل حاجه من يوم ولادتها الي ان تتم خدمتها معاك ولما بتبيعها وانت المالك الاول بتفرق كتييييييييييييييييييير جدا اسأل مجرب ده بالاضافه الي حاجه صغيره ومحدش بيعملها غيري اني في ايندكس صغير ده بتاع العربيه كاتب فيه كل حاجه
- غيرت زيت امتي
-فولت من البنزينه الفلانيه ومشيت بالتفويله قد كذا
- غيرت الكاوتش الوراني يمين او ايا كان هو فين بعد ما مشي 60 الف او 80 انا اقصد شوفت ايه اللي حصل من النوع ده
- غيرت تيل وكنت ماشي باللي قبل قد كذا
- وهكذا ودي حاجات ليك انت عربيتك فعلا زي مراتك لازم تبقي فاكرلها كل حاجه عشان لو نسيت هتبقي في التوهاااااااااااااااااان