عايز اغير عربيتى..وللاسف جالى زهول

يارجاله..الموضوع باختصار كالاتى

انا قررت انى اغير عربيتى بعربيات من اللى نازله جديد دى..عايز حاجه شيك وناعمه...تيدا او لانسر او اوبل او او من اللى نازل جديد...انا عندى فكره عن الاسعار بس مش اوى المهم

دخلت على كونتاكت كارز وابتديت اقلب فى الاسعار...وجالى حاله زهول:eee::eee:

140 150 180 اللف

طب وبعدين !!!...انا اجيب شقه افضل كده....لو الاسعار فضلت بالطريقه دى الواحد عمره ما هيقرر انه يشترى عربيه جديده (بتكلم عن نفسى)

ليه وصلنا للدرجه دى !!!!...النترا ايه اللى ب 160 و 170...دة طبعا لو دخلت ف قسط...خد فوايد عليك ب 40 اللف مثلا

تتحرق العربيات على المعارض كلها :angry35:

هو انا الوحيد اللى معترض ولا ايه ....حد يفهمنى :eee:

ولا اي اندهاش...
العربيات مغليتش ولا حاجة انما جنيهنا الموقر هو اللي دافن راسه في الرمل زي ال.....
وطول مالجنيه بينزل هتفضل الأرقام تعلى تعلى....
تحياتي

Sent from my LT18i using Forum Runner

لو عربيتك مش مضايقاك و بتأدى الغرض اعمل بالفلوس حاجه تانيه و اجل العربيه شويه لغايه ما الدنيا تزبط

كل شىء زاد فى السعر بسبب هبوط قيمه الجنيه ..... ربنا يستر علينا .

فعلا لو عربيتك مش مضايقك يبقى اجل شرا حتى لو فترة طويلة لان الاسعار فيها استهبال كبير مش حكاية دولار و جنيه بس

متشتريش دلوقتي احسن ولا اقولك متشتريش خالص

اللي لحق لحق من زمااااااااااااااااان
يعني علي الفقير يا جدعان

بلاش جديد دا من وجهه نظري انا كان معايا 128 مكنتش بخاف امشي بها في حته لكن بعد ماغيرت وجبت جديد ركبني القلق والخوف بقيت اسيب العربيه في اي حته يجيلي وسواس ان العربيه لاقدر الله هتتسرق وافضل رايح جاي ابص عليها فعلا القديم نعمه في البلد دي وشكرا

والله معاك حق
محدش يفكر يشتري جديد اصلا فرأي

طالما عربيتك مريحاك و مش بتقل معاك كل يومين يبقى ما تفكرش فى الجديد خصوصا لو هاتقسط

لو عايز تغيير شوف انت معاك كام و العربيه هاتتباع بكام و الفلوس دى تجيبلك ايه مستعمل اوروبى محترم او يابانى محترم بلا كورى بلا عربيات السوق المصرى النيلة دى

و الله نفس الوضع بعد ما عرضت عربيتى للبيع و رحت اتفرج على العربيات ميات و ميتينات و بتاع رحت بوست كوتش عربيتى

ياتجيب استعمال من حد مضمون وعارف تاريخ العربيه ياتخليك زى ما انت احسن لان ارتفاع اسعار العربيات عدى كل الحدود المعقوله

كبر دماغك الي لحق ركب عربية ركب خلاص اديك شايف البلد حالها بنت ستين متغيرة
ممكن تلقي .................................................. ... ياعم كبر دماغك دلوقتي بقا في حقد من البشر بي طريقة غريبة لو في خناقة في المنطقة تلقي الملتوف اتحدف والطوب والزجاج اشتغل والسلاح وممكن تفقد فيها العربية وفي الاخر مش هتاخد لا حق ولا باطل انا بفكر ابيع عربيتي واشيل فلوسها في البنك واشتري ليه حصان او تروسكل لو هشتري حصان يبقا دي لي النزاه مش هاخد معايه العائلة تقنها زي الموتسيكل الريس او الهوندا الاتنين كرسي ههههههههههههههه
وكمان التجار مستعبطين فيها تلقي المستعمل اغلي من ثمانها لما نزلت زيرو و الزيرو مش هقولك الياباني ولا الكوري لا الصيني وصل تمنه ل 100 الف متقولش ال100 بقت سهلة والناس بتعرف تجمعها والمشكلة الاكبر اننا بنشتري العربية شكل وخلاص تيجي تسوقها تلقيها كان ناقص لها حمار من الامام او حمارين وتبقا دي تمامها
كبر دماغك مش معاك عربية كل ما تزهق منها لونها



لقد خالفت القاعدة رقم (9) بند (ج) من قواعد المنتدى لذا يتوجب حصولك على ايقاف اسبوع
م ع 6

علي رأي المثل "حمارتك العرجة تغنيك عن سؤال اللئيم"

و اللئيم هنا : المقصود بها التجار الجشعه و كمان البنوك اللي هتحط عليك فوائد أد كده لو هتشتري بالتقسيط

بلاش تشترى عربية زيرو اليومين دول خالص و لو عربيك فيها اى حاجة ظبطها

برضه ده مايمنعش ان الوكلاء والتجار عندهم جشع رهيب....تلاقي الدولار زاد ربع جنيه النهارده تلاقي التاجر راح مزود تمن العربيه 10الاف جنيه
ربنا يهديهم

اقتباس:

---

المشاركة الأصلية كتبت بواسطة mahmoud_anwar

كبر دماغك الي لحق ركب عربية ركب خلاص اديك شايف البلد حالها بنت ستين متغيرة
ممكن تلقي .................................................. ... ياعم كبر دماغك دلوقتي بقا في حقد من البشر بي طريقة غريبة لو في خناقة في المنطقة تلقي الملتوف اتحدف والطوب والزجاج اشتغل والسلاح وممكن تفقد فيها العربية وفي الاخر مش هتاخد لا حق ولا باطل انا بفكر ابيع عربيتي واشيل فلوسها في البنك واشتري ليه حصان او تروسكل لو هشتري حصان يبقا دي لي النزاه مش هاخد معايه العائلة تقنها زي الموتسيكل الريس او الهوندا الاتنين كرسي ههههههههههههههه
وكمان التجار مستعبطين فيها تلقي المستعمل اغلي من ثمانها لما نزلت زيرو و الزيرو مش هقولك الياباني ولا الكوري لا الصيني وصل تمنه ل 100 الف متقولش ال100 بقت سهلة والناس بتعرف تجمعها والمشكلة الاكبر اننا بنشتري العربية شكل وخلاص تيجي تسوقها تلقيها كان ناقص لها حمار من الامام او حمارين وتبقا دي تمامها
كبر دماغك مش معاك عربية كل ما تزهق منها لونها



لقد خالفت القاعدة رقم (9) بند (ج) من قواعد المنتدى لذا يتوجب حصولك على ايقاف اسبوع
م ع 6

---

بصراحه انا كنت زعلان من الكلام اللي قاله لكن اداره المنتدي المحترمه عملت الواجب فشكرا ليكم الاحترام

والله ان واحد من الناس زيك من اسبوع بس كنت بفكر ابيع عربيتي النترا 2005 اتوماتك واشتري جديد في رنج اللانسر بومه ( لقيت شكل طابلوه عربيتي وتقفيلها احسن منها وكمان حوار تغير العفشه ده خوفني منها والاكثر السعر مش راكب معاها خالص لانهم مش بيبيعوا عربيه دول يا عم بيبيعوا اسم شركه ياباني )
وكمان فكرت في النيسان صنى سوبر صالون ( قيمة مقابل السعر بس حوارات المشاكل اللي في صاجة الطنابير ومشاكل نقر الكبوت ولسه العربيه جديدة في السوق طيب بعد 3 او 4 سنوات ايه اللي هايحصل فيها )
كل ده خلاني افكر 1000 مره قبل ما بيع عربيتي
تيجي تبص للاوربي اسعار فوق الخيال وكمان في مشاكل في العربيات ودور في المنتدى وانت تلاقي اللي يخوفك انك تشتري عربيه بـ 180 او 200 او 220 الف جنيه ويطلع فيها مشاكل ولا موضوع الامن اللي في البلد اليومين دول تنزل من البيت او تخرج من الشغل لا تلاقي عربيتك ولا فلوسك
فقلت اتوكل على الله واظبط شويه في عربيتي من جنوط سبور وخلافه احسن مليون مره من الجديد
آسف لأني طولت عليكم