الموضوع: باركولى اخيرا اشتريت جين ٢ بعد رحلة ٣ سنين من البحث

السلام عليكم
الشكر لكم اصدقائى بعد الله عز وجل فى انبهارى بهذه السيارة التحفة وبالاخص لزميلى العز يز مهندس عبد الرحمن حسن
قبل ٣ سنوات عندما قررت شراء السيارة وما بين حيرة وتردد بين الجديد والمستعمل والجين تو والبيرسونا والكاش والقسط وتجميع الفلوس وتبديدها اكثر من مرة حدث لى منذ شهر موقف يحدث مرة فى المليون وهو عندما شاهدت جين تو بتلمع كالجديدة واقفة فى معرض سيارات وفورا ركنت ودخلت المعرض اتفحصها واذا بى اجد سيارة غريبة موديل ٢٠٠٨ ماشية ٩٠٠٠ كيلو لسة براءحت الفبريكا ومغلف الصالون بالاكياس لسة لم تنتزع و الشماسات مغلفة بالاكياس و العتب مازال عليه الاستيكرات البيضاء بتاع المصنع الاستبن لسة مربوط رابطة الفبريكا شئ مذهل السيارة اجدد من الجديد انا مشً بلاقيها بالاكياس كدة فى عز العرب قولت خلاص العربية دى مش هنزل منها سالت صاحب المعرض قالى للاسف اتباعت اليوم وصاحبها اللى جالس امامك ده قولت لاحول ولا قوة الا بالله قدر الله وماشاء فعل مش نصيبى ولكن حقا ظللت احم بهذه الجين وقولت ربنا يبارك لصاحبها
بعد مرور شهر..،،،،،،،
ركنت بسيارتى امام محل مغلق وكنت اشترى حاجات من نفس الشارع وفجأة اخبرنى حارس العمارة اننى لابد ان احرك سيارتى لان هناك شخص يريد الخروج من الجراج وذهبت لاركب سيارتى واحركها وفتح المحل المغلق فوجدت جين تو تلمع فى الظلام تقدمت خطوة نحو الجراج وسألت صاحبها حضرتك العربية دى للبيع؟ قالى اه وخرج من الجراج كى اعاينها ولم اصدق عينى حينها سبحان الله هى العربية بتاعت المعرض لا اله الا الله سالته طالب كام حضرتك وخلصت معاه باقل من السعر اللى اشترى بيه ٣٠٠٠ جنيه
روحت برده اكشف عليها فى مركز عصام وصفا للاطمئنان وم عصام كشف على كل حاجة وطلع يجربها بنفسه وقالى بجد حالة نادرة انت لو ماخلصتش فيها انا هخدها لبنتى هههه قولتله احنا هنقطع على بعض ولا ايه ياهندسة
طبعا العربية مواصفات خليجية وكانت نازلة من السعودية والوحيدة فى مصر فيها حاجات غريبة جدا كالاتى

المميزات :
مو ٢٠٠٨
نحاسى
العداد ١٤٥٠٠ كم
فبريكة بكل ما تعنيه الكلمة من معنى زيرو زيرو لم ارى مثلها غير فى التوكيل
العربية سعودى مواصفات خليجية
اتوماتيك
٢ ايرباج
العيوب من وجهة نظرى:
عدم وجود الاتى
مثبت السرعة......................
الطارة المالتى فانكشن...........
الجنوط الاسبور طاسات فقط...
زجاج خلفى اكر....
فوجات غير موجودة......١
باركنج سنسور غير موجود.....١
مرايات بذراع ..........
ومش نفس لون البودى.......١.
سبويلر خلفى
عتب او كساحات

طبعا كنت متردد بسبب الكماليات الناقصة ولكن حسمت الموقف انى مش هلاقى الحالة دى غير زيرو وما ادرئك ماسعر الزيرو فاستخرت خلصت وماندمتش وحاسس الكماليات مش ناقصانى ولا حاجة وعقبال الجميع يارب

المشاركة الأصلية كتبت بواسطة raul_7

الف مبروك, هي دي العربية اللي كنت واقف بصور ناحيتها يوم السبت اللي قبل اللي فات و حضرتك سألتني انا بصور ايه؟

فعلا انا كنت فى عصام وصفا يوم السبت اللى قبل اللى الفات وكان فى حد بيصور بس مش فاكر انى سالته بتصور ليه ممكن يكون صاحب العربية لانه كان بيخاف عليها اوى هههههه