هي الناس مصممه تعصب الواحد؟!!؟

**AhMeD MeTwAlY** · 08-04-2013 05:50 PM

اللى بتقوله بيحصل كتير و بقا شىء عادى
وانت راجل خبرة و بتسوق من زمان
بلاش تركز اوى مع الناس دى و كبر دماغك .. مش مستاهلة حرقة دم

الموضوع وما فيه ليه الناس بتتعامل كدا عشان ايه مش مستهله لو حضرتك حسبتها كلها 3 -4 دقائق فرق واحد غبي يقطع عليك الطريق يوقفك نص ساعه

المشاركة الأصلية كتبت بواسطة mohsen128

فعلا الى بيمشي براحتة وعلى جنب بيفكروة مبيعرفش يسوق ، وكتير بيحصل معايا الموقف ده اكون ماشي على مهلي وبرحتي القي ده يرمي عليه وده يجي وهات يا كلاكسات لازم يعفرتوك .

سبحان الله ميعرفوش يمشو في حالهم

المشاركة الأصلية كتبت بواسطة المنسي

ياراجل .... كبر مخك

بحاول واللهي يا باشا بس لازم يحطو التاتش بتاعهم علي اعصاب الواحد

المشاركة الأصلية كتبت بواسطة s o p h o s

حصل معايا موقف امبارح اصعب
وبس استحملت وقولت بلاش وسكت
الي يمشي ياما يشوف

المشكله ان حماده كان جي يجري ورايا !!!!

المشاركة الأصلية كتبت بواسطة ahmedsrs

الطريق بقا سيرك كبير الى بيجرى ولى ماشى يزحف والى راكن وسط الشارع والى ماشى عكسى فهلوة وعامل مش واخد باله وكل قرية حتى لو بيتين عامل مطب وجنب المطب شادر فاكهة حاجة بقت تقرف

يا ريت علي قد شادر الفاكهه واحد عمل كشك قام عامل مطبين قبل وبعد الكشك حاجه تشل

المشاركة الأصلية كتبت بواسطة sehsss

ولا أي اندهاش.. أنت في المحروسة

واللهي يا باشا بجري في ورق سفري بكل جهدي عشان اطلع منها علي خير

المشاركة الأصلية كتبت بواسطة sakr1964

الحوارات دى بتحصل تقريبا كل يوم بل كل لحظة فى اليوم انا امبارح حصل معايا شبه ذالك واحد راكب عربية نصف نقل مخلعة كدا وجاى من بعييييييييييييد كلاكسات كلاكسات هوسنى عملت ايه ركنت ونزلت من العربية وشواتلة اتفضل ياباشا وان منحنى بسيط وبشاور لة بطريقة السوفرجية كدا هههههههههههههههههههههه فكر انى عاوز اعبرة واكلمة لاقانى باقوله اتفضل ساعدتك عدى واجرى ياله هههههههههههه عالم فعلا مقرفة والله....*

بس انا ليا تعليق للى حصل للعيل بتاع ال 128 كان لازم تبخ فية جامد فيه ناس بتفكر انك لما بتحترمهم يبقى خايف منهم وبتكبر فى دماغة بس انتا برضو معذور معاك اختك وبنتها على العموم ياله ربنا يستر طريقك ....

هعمل ايه باشا بس انا سبته ومشيت لقيت حماده بيلف وجيلي هتعمله ايه هنزل اتخانق وانا اساسا عندي معاد مش عايز اتأخر عليه وماشي بدري مخصوص عشانه

المشاركة الأصلية كتبت بواسطة ahmed_120s

يا معلم طريق الموت ديرب الزقازيق اللي يسوق علية شهرين تلاتة المفروض يطلعوا له رخصة دولية ...

الحمد لله داخل علي 6 سنين رايح جي علي الطريق دا "ايام الجامعه كنت يومين لدرجة اني خلاص عرفت العربيات الي بتمشي معايا يوميا

**AhMeD MeTwAlY** · 08-04-2013 05:54 PM

المشاركة الأصلية كتبت بواسطة dr.hazem

انت عملت كل الكلام واختك والنوته الصغيرة معاك؟؟
:'( :'(
أعتقد في الحالة دي تبقى انت الغلطان في كل حاجه...
تحياتي

sent from my lt18i using forum runner

انا معاك ان غلط في الحاله التانيه لما شديت مع سواق الميكروباص والحاله الاولي هي فيها شويه غلط بس الواد كان لازم يتربي بجد
وبأذن الله نحاول نتمالك اعصبنا شوية

**monamize4** · 08-04-2013 06:23 PM

المشاركة الأصلية كتبت بواسطة ahmedsrs

الطريق بقا سيرك كبير

هههههههههههههههههههههههه
زى ما قال شكسبير الدنيا مسرح كبير
,
,
,
للاسف كلامك واقعى و حقيقى 100%

**SAMEH_FOUAD** · 09-04-2013 03:38 PM

ياباشا كبر دماغك من كل دول , اقفل ازازك , شغل قرأن او موسيقى , وسيب اللى يكلكس واللى عايز يعدى منك يعدى لو يعرف , وكبر دماغك

انا كان بردة واحد قارفنى كل شوية عايز يعدى , بأى طريقة وكلاكسات بصيتلة فى المرايا لقيتة عمال يشوح بأيدة

استنيت لحد ماقدرت اوسعلة , وجية جنبى معرفش قال اية كدة , روحت كابس وراة , وقعدت اكلكسلة كلاسكات ونور ورعاش لما اتعمى عشان يوسع , واول لما سنحت الفرصة انى اغدت غرزة من جنبة , جيت جنبة وبصيتلة بأشمئزاز وبرطمت انا كمان , روحت مهدى وماشى بالراحة مع ان الطريق فاضى , بس حرقت دمة حرقة

- وواحد لسة يوم الجمعة معاة عربية هيونداى , اصلا الدنيا زحمة , واحنا بنمشى واحد واحدة , وسمعتلك ديب فى الاكصدام الخلفى , انا بقى اتجننت وكانت مراتى جنبى , وببص فى المرايا لقيتة راجل كبير , روحت نازل والدم بيغلى , ببص مالقيتش حاجة الحمد لله , بصتلة كدة طبعا هو راجل كبير ومش عايز اكلمة بطريقة وحشة , روحت قايلة حضرتك الطريق زحمة اصلا , هتجرى تروح فين ؟؟؟؟, راح واحد شاب قدى كدة اعتذرلى وهو فى العربية
ركبت ومشيت , وانا دمى فاير اصلا , ماكملتش الشارع واحد رمى عليا جامد وحمد ربنا ان كان جنبى مكان اروح فية , ولما بعاتبة بيقولى انت ماشوفتش اصلك كان هيعمل فيا اية السواق الحمار دة. قولتلة عشان هو كان هيخبطك ترمى عليا وانا انا ارمى على اللى جنبى , ومشيت وسيبتة

وخد عندك منة دة كتييييييييييييييييييييييي ييييييييييييييييييييييييي ييييييييييييييييييييييييي ييييييييييييييييييييير , طول مانت ماشى

بصراحة ومحدش يزعل منى , اسوء قيادة بشوفها بتوع المحافظات , وخصوصا الميكروباصات والنقل , مالهمش حل لازم تتخبط يعنى تتخبط زوق او عافية
ربنا يسترها علينا ياباشا

**akmm** · 09-04-2013 04:23 PM

ده العادى دلوقتى الأخلاق إنعدمت تماما .................

**youssef_u** · 09-04-2013 06:03 PM

ياما بيحصل من ده كتير .... عندنا في اكتوبر سواق تاكسي فيومي بردو بيتحشر جنبي في تقاطع و داخلين بسرعه وبعد التقاطع قدامه بالظبط مقطوره و مفروض اني اوسعله عشان ميلبسش في المقطوره ، بس انا زنقته وكان خلاص ثواني و يلبس فيها بس والدي زعق فيا و لحق الموقف

**shaddadfalcon1** · 09-04-2013 06:24 PM

حضرتك غلطان

اولا معاك اختك وطفله صغيره وبتعمل عقلك بعقل سواق ميكروباص وبتشد وبتعدي صف تالت

كل ده غلط

القوه انك تسيطر علي غضبك مش تنساق وراه
لو واحد فيهم رمي عليك وانت اتنرفزت اكتر وعملت حادثه ولا فرملت والبنت حصلها حاجه هتفضل عايش طول عمرك بذنبها

**AhMeD MeTwAlY** · 10-04-2013 05:44 PM

المشاركة الأصلية كتبت بواسطة akmm

ده العادى دلوقتى الأخلاق إنعدمت تماما .................

فعلا هو دا العادي في مصر

المشاركة الأصلية كتبت بواسطة youssef_u

ياما بيحصل من ده كتير .... عندنا في اكتوبر سواق تاكسي فيومي بردو بيتحشر جنبي في تقاطع و داخلين بسرعه وبعد التقاطع قدامه بالظبط مقطوره و مفروض اني اوسعله عشان ميلبسش في المقطوره ، بس انا زنقته وكان خلاص ثواني و يلبس فيها بس والدي زعق فيا و لحق الموقف

ربنا يستر طريقك ومتحولش تعملها تاني لان كدا فعلا غلط دي روح بنأدم انا لما حصل موقف قدامي وعربيه فردتها ضربت وعماله تتمرجع لحد لما وصلت للرصيف وكنت بفكر اخد قرار ادخل بالعربيه اخلي عربيته في جنب عربيته عشان ميخبطش في الرصيف ويتقفلب وبعد لما اخت القرار العربيه خبطت في الرصيف واتقلبت فعلا وندمت اني فكرت كتير مع ان الموضوع مخدش ثواني

المشاركة الأصلية كتبت بواسطة shaddadfalcon1

حضرتك غلطان

اولا معاك اختك وطفله صغيره وبتعمل عقلك بعقل سواق ميكروباص وبتشد وبتعدي صف تالت

كل ده غلط

القوه انك تسيطر علي غضبك مش تنساق وراه
لو واحد فيهم رمي عليك وانت اتنرفزت اكتر وعملت حادثه ولا فرملت والبنت حصلها حاجه هتفضل عايش طول عمرك بذنبها

ما انا قولت لحضرتك اني غلطان فعلا في الحركه دي بس بجد المواقف مستفذه والواحد يحاول يمسك اعصابه وربنا يستر طريقنا وطريقكم