الموضوع: هل ممكن ادخل اي نادي انا عاوزوا بتذكرة ! ولا ممنوع !!

انا عضو في وادي دجله
تدخل النادي لازم يكون مع عضو فعال وثمن التذكره 20جنيه وايام weekend بتكون تقريبا 30مش متذكر الصراحه انا عضو من 2008وكنا دافعين 60000الف تقريبا كاش

المشاركة الأصلية كتبت بواسطة y a r i s

هههههههههههه
حبيبي يا ساسا. اه والله ِ شوفت الززمن لا و محمد تيوتا فور عرب بيغظني انوا مشترك في نادي دجلة وانا لأه ههههههه بدل ما يقولي. هسيبلك الكرنية بتاعي على البوابة تخش بيه هههههه ، حبيبي واللهِ الشيخ خالد الوحيد الي قالي تعاله وادخلك معايا :)

هو الموضوع في ايه والفكرة فين اني كنت فاكر زمان ان فكرة النوادي. دي هتموت مع الوقت وتندثرررر بالذات. الاشتركات الخوزعبالية والارقام الفلكية ، يعني قلي بالله عليك ايه الي يخليني ادفع ٦٠.٠٠٠ الف جنية ولا حتى ٨٠ ولا ١٠٠ في اشتراك نادي. طب ما اجبلي بيهم عربية احسن فالرقم مبالغ فيه. ومفيش عائد او فائدة خطيرة ومهمة تستحق التضحية بمبلغ زي ده وبالذات واحد زي حلاتي موظف غلبان واسرتوا صغيرة على القد ... ثم كمان بسئل نفسي سؤال هل النوادي في دول العالم اشتراكتها. غالية كده !!!

او تستحوذ على اهمية في دول العالم زي عندنا في مصر ماليها اهمية !!! اعتقد ان الاجابة لأ
طيب من ناحية تانية. ارض النوادي دي مش بتبقى مخصصات من الدولة. وادارة النادي بتشتريها برخص التراب ... تقدر تقلي نادي زي نادي ٦ اكتوبر تقدر تقولي ايه الي فيه مكلف. غير سور ومبنى صغير ومسبح وملعب وطرقات للتمشية والكراسي والطربيزات بتوع الكفتريات هما الي عملينها فليه الاشتراكات. غليت فيه بهذا الشكل !!!

وشوف انا مثلاً ... عمري ما كنت هفكر في النوادي او ابصلها غير من. بعد ماحصلت الثورة ... وبقت الاماكن العامة الجميلة اصبحت للباعة المتجولين والبلطجية والعيال. الجربانة الي لغايت دلوقتي متفاجئ. هما كانوا مستخبين فين العيال الوسخه دي ايام مبارك ... عارف اشكال عبدوا موته وليمبي والعينات المشرفة دي ... فانا كنت مؤمن بالقطاع الخاص زمان انو ممكن هيقدر يعمل حاجة. متنفس للعشب على الاقل للطبقات المتوسطة ... وادينا شوفنا في العشرين السنة الي فاتوا حجات بتطلع وحجات بتموت. زي مثلاً نوادي الفيديو الي كنا بنؤجر شرايط الافلام ماتت النوادي دي واندثرت ودخلنا في عصر الفضائيات. وسوق الكاسيت كمان ماااات. وحتى النوادي. كانت بتموت في الفترة الي فاتت لمن الساحل الشمالي ابتدى ينشط و بقت الناس كل ما تبقى فاضية تطلع يومين هناك ... فمازلت بسئل نفسي هل للنادي اي هدف غير اللهم فسحة وقعدة حلوة باللليل انو نخرج من البيت نشم هوى .... لان قد يكون في حاجة انا مش عارفها او مش واخد بالي منها
من اهمية النوادي

انا بصراحة كان عندي امل ان مصر تبقى حلوة. وتتحسن وتتقدم .،. وفرحت قوي لمن عملوا حديقة زي الفسطاط. بصيت لقيت المد الغجري وصل لها. ... وشوية عملو الحديقة الدولية. بصيت لقيت البوابين والبياعين بهدلوها وناس من نوعية هواة رمي الزبالة على الارض. كانهم مصرين يحولوا الحديقة لزريبة .... انبسطت قووي لمن عملوا حديقة الازهر وقلت ايووه بقه كده ياسلام على الجمال يا سلام على النظافة ومفيش سنة سنتين بصينا لقينا عيال واقفه تستحمه بلابيص في النفورة هههههههههه. .... وتحياتي :)

على فكره انا مشترك فى النادى الاهلى ونادى هضبه الاهرام
ولا بروح ده ولا ده الا وقت الاجتماعات والجمعيات العموميه خوفا من الغرامات
بخصوص نادى هضبه الهرام بعد ان خلصت الشقه قلت بلاش وجع دماغ واضيفه على اجمالى التكلفه - من الاولاد واشتركت لهم فى النادى - اهم شى عدم استخدام سياره يعنى يذهبو مشى على اقدامهم من اجل راحتى انا
حمام سباحه جيد وسله وتنس وبكره يعدى ويصبح بارقام خزعبليه