الموضوع: هل ممكن ادخل اي نادي انا عاوزوا بتذكرة ! ولا ممنوع !!

هل ممكن ادخل اي نادي انا عاوزوا بتذكرة ! ولا ممنوع !! فين وبكام :) ؟

مساء الخير يا شباب السؤال كما ورد في العنوان ... وانا لا بتاع نوادي ولا حاجة بس بصراحة من بعد الززززفت الثورة والبلد مقضياها مظهرات وزفتات ومش عارف اودي عيالي في حته. او اخرج انا واسرتي حتى زيارة عند حد او حتى لا أجرء امشيهم بالعربية شوية كده وارجعهم .

فدلوقتي خطر ببالي فكرة هل اقدر اروح اي نادي وادفع تذكرة من برة على الباب .... زي مثلاً نادي المهندسين. الي قدام جامعة مصر هل الدخول. بتذاكر ولا لازم تبقى مهندس !!!!

وكمان بالنسبة لنادي ٦ اكتوبر. او نادي دجلة. او حتى نادي دريم لاند هل محتاج كرنيه عضوية ولا عادي ادفع وخوش ... ياترى الدخول. بكام. والتذكرة بكام .... لان على ما اسمع ان الاشتراك او العضوية. عدت ال ٨٠.٠٠٠ جنية

@@@@@@@@@@@@@@@@@

وسيبك من ده كلو. انتا انتا ترشحلي. فين مكان عائلي ونضييييف
اقدر اخود اسرتي عليه بسلام وبامان
من غير الاشكال الضالة الي بقينا نشوفها. طالعه من جحورها وغززت الشوارع دي
فانا هنا بسئل هل ممكن ... زي مثلاً نوادي الجيش بقطع تذكرة وبخوش رغم اني مدني. .... طيب بقيت النوادي بقه ايه الاخبار. يعني نادي قضايا مجلس الدولة. او نادي القضاة او نادي الشرطة او حرس الحدود او نادي الاعلاميين ومحدش يقلي روح للنادي بتاع النقابة بتاعك هههههه. مفيش ياحسرة انا تبع نقابة التجارين. كتر خيرهم حطين لنا. كرسي وكام طربيزة استراحة في النقابة والمشاريب. شاي وقهوة ونسكافية وباتيه بالجبنة :)

فلي يعرف اي معلومة ولو فتفوته صغيرة كده بالجبنة
ياريت. ينورنا يا شباب

@@@@@@@@@

وتحياتي :)

معاكم حق ياشباب :)
وياسيدي اذا جت على الشيشة فبسيطة اهو نوع من البخور التفاحي الرائع هههههههه