تقيم رينو لوجان حتى 1300 كم
السلام عليكم ...زي ما وعد حضراتكم ..تقيمي لرينو لوجان 1600 سيدان فول اوشن
انا مليش خبرة واسعة قوي يعني في السيارات ده تقيم متواضع على قدى على قد ماركبت عربيات و جربت - اتمنى يكون مفيد
الحمد لله العربية عملت بيها 1300 كم حتى الان
المميزات :
1- وسع الصالون - حقيقة دامغة و تأكدت بالاستخدام محدش قعد ورايا و اشتكى و انا قاعد براحتى
2- شنطة كبيرة عملية فعلا - شالت تموين اسرتين من هايبر اول الشهر :) و فيها لمبة بتنور لما تفتحها بتهنورها كلها تقريبا
3- نظام صوتى جميل جدا : و الحمد لله معنديش شكوى من ال سي دي بتاعها
4- عفشة جيدة جدا جدا-- مريحة على المطبات - والكاوتش مقاس 15 مريح العربية يخليك متحسش بكل النقر الصغيرة في الارض
5- تكيفيها كويس انا مستعملتوش كتير طبعا دول 300 كم بس ..بس حتى الان لم احتاج اني ازوده عن 2 حتى بالنهار
6-اضاءة امامية ممتازة و خاصة فوانيس الشبورة ممكن تستعملها لوحدها و فكره تعديل مستوى الاضاءة دي ممتازة
7- معدل استهلاك البنزين - بعد اكتر من حسبة و في ظروف قيادة هادئة معظمها بدون تكيف - و غالبا بكون لوحدى - اغلبها مشاوير بين 6 اكتوبر و مدينة نصر :1 لتر بنزين 92 يمشي من 12 ال 14.5 كيلو متر اعتقد ان ده كويس بالنسبة ل 1600 سي سي - اول تفويلة كانت 50 لتر مشوني 685 كم
8-عزل الاصوات الخارجية جيد جدا جدا
9- الصاج واضح انه تقيل شوية عن السيارات الي في نفس الفئة
10- لما تفتح الكبوت تحس انها سيارة عادية - يعني مش مكلكعة - انت شايف كل حاجة تقريبا
11- بالنسية للثبات : انا فاشل في اختبار الثبات المنحنيات لأني مبحش التهور لكن اقدر اقولكو انا جربت اجيب بيها 140على المحور مع التكيف و كنت مش حاسس انها بتجري- راكزة على الارض
العيوب :
- صوت الموتور عالى في وجهة نظري بالنسبة لسيارة لسه زيرو خاصة وهي واقفة - اتمنى انه يخف بعدين - في الكتالوج مكتوب ان اداء المحرك هيتحسن بشكل ملحوظ بعد 3000- 3500 كم
- السنتر لوك بتاعها كهربا بس - يعنى المفتاح الريموت يفتح 4 ابواب - العادي يبفتح باب السائق فقط و بعدين تفتح السنتر من الزرار الي في التابلوه
- تنك البنزين بمفتاح
- الشنطة عالية و مع ذلك متشفهاش و انت بتركن ...عايزة حرص ...و انا ناوى اركب بارك سينسور
- قلة اماكن التخزين - مفيش غير درج التابلوه و جيوب الابواب (الماتريكس بتاعت والدي فيها كتيير قوي يمكن ده الي مخليني حاسس بكده)
- الشماسات مش عجباني ---صغيرة و تحس انها حته كرتون
- اماكن زر الزجاج محتاجة تعود
ده بصراحة كل الي في بالى دلوقتي ...انا تحت امركو في اي سوال ...و ان شاء الله اوعدكو بتقيم تاني بعد اول صيانة
وشكرااااااااااااااا