للبيع :فيات 131 سوبرميرافيوري موديل 1979 2 كامه 1600 الماني

Fiat 131 Supermirafiori 1979 1600cc
1-ماركة السيارة/ فيات 131 الماني
2-الموديل/ 1979
3-عدد الكيلومترات/ 250000
4- نوع ناقل الحركة ( مانيوال - أوتوماتيك - ستيبترونيك )/ مانيوال
5-لون السيارة/ فضي ميتاليك
6-الكماليات (كاسيت-تكييف-زجاج كهرباء-باور)/ كاسيت + سنتر + انذار
7-حالة الصاج او الخوارج ( خبطات خفيفة في الرفارف ) مرشوشة فوق بوية الفبريكة
8-حالة الدواخل (رشة مناطق كذاوكذا او فابريكة)/ فابريكه
9- حالة الزجاج زجاج فبريكة
10-حالة الصالون (معقول-جيد-جيد جدا - ممتاز- حالة نادرة)/ ممتاز
11-الحالة العامة او التقييم العام للسيارة (معقول-جيد-جيد جدا - ممتاز- حالة نادرة)/ ممتاز
12-حالة البطارية/ ممتاز
13-حالة الكاوتش (جديد او مستعمل كام كم؟) جديد
14-السعر المبد ئي كام (هل قابل للتفاوض او نهائي) 27.000ج
15-اسم صاحب الاعلان ورقم هاتفة/ مجدي 01223808310
16-تاريخ انتهاء الرخصة؟ 23/7/2014
17-اول يد او ثاني او ثالث الخ الخ/ تانى يد
18-امكانية البيع بتوكيل او اشتراط التسجيل-/ عقد مسجل
19-حالة الموتور/ ممتاز
20-مكان المعاينة/ الزقازيق
21- سعة المحرك اللترية و عدد السلندرات/ 1600CC 2 كامه الماني
22- اقتصادية في البنزين 12 كيلو / لتر ( سفر )
23- بنزين 80 -90
24- قطع الغيار المستعملة فيات اوريجنال
25- لا تحتاج مصاريف
التجار والوسطاء يمتنعون
http://img834.imageshack.us/img834/4...010042copy.jpg

موفق فى البيع ان شاء الله

العربية شكلها جميل لكن حضرتك مش شايف إن السعر مبالغ فيه شوية؟؟
موفق إن شاء الله

السلام عليكم ورحمه الله وبركاته
حضرتك السعر اللي محدده ده كان جاي لي فيها من فتره قريبة وانا مش كان في نيتي البيع
بفضل الله تعالى العربية اي قطع غيار او اي شئ بيتغير ليها بالحاجه الاوريجنال حتي لو إستيراد
الهيكل الخارجي صاج العربية الاصلي لم اغير فيها سوي رفرفين امامين كاملين مخلوعين من ع نص استيراد وده كان في سنه 2004 وده بسبب ان القدام كان باين عليهم بوادئ بارومة
غير كده كل حاجه فيها بتاعت الفبريكة
طبعا ما عدا الكاوتش لاني لسه مغيره كله 5 فرد بتاريخ 2-2012

حضرتك ممكن تشوف مشاركاتي في روابط فيات 131 هنا او ع الفيس بوك او على المنتدى الاخر وممكن تسأل ع العربية المهندس حسام زياده مؤسس رابطه فيات 131 هنا في المنتدى

واخيرا السعر ده مش انا اللي حددته ده جه لي فيها وانا ماشي ومكنش فيه نيه عندي للبيع
وسبب البيع اني عاوز تكيييف ف العربية

بالتوفيق في البيع

ما شاء الله شكلها بيدل انها استخدام راقي
ربنا يوفقك فالبيع علي خير ..

هو مش ده برده سعر شاهين او دوجان وممكن بتكييف كما حاجه غريبه جدا جدا جدا

ساعات كتير بنكون واقفين عند ميكانيكي يحب يعمل نفسه دكتور ويقولك ياباشا عربيتك دي متفرطش فيها دي تساوي كذه وكذه ونرجع نقول ده انا جالى فيها كذه
حصل معايا كده فى 128 واقف عند ميكانيكي قاللي ياباشا لو عايز 16500 اجيبلك زبون حالا
وبعد شهر رحتله قلتله عايز ابيع قاللى انت عارف السوق ومش عارف ايه وايه
وبعت ب 13750 فى الاخر

ربنا المستعان
كلمت السمكري والميكانيكي عليها وربنا المستعان

اقتباس:

---

المشاركة الأصلية كتبت بواسطة s o p h o s

ما شاء الله شكلها بيدل انها استخدام راقي
ربنا يوفقك فالبيع علي خير ..

---

صاحب العربية الاصلي مصري عايش في المانيا ونزل العربية في مصر سنه 1985 ليتنقل بها في اجازاته ورفعها في جراج فيلته
لحد ما والدي الله يرحمه اشتراها منه ف 1999
ودنتها مع والدي لحد وفاته ف 2005 (استعمال اسبوعي) مشوار في الاسبوع
ثم اخذتها عن والدي واصبحت استعملها شبه يومي الي وقتنا هذا

اول مره الصالون فيها يتفك كان على يد والدي سنه 2002 وكان لزوم التجديد سمكرة ودوكو وخلافة
وغيرنا فقط رفرفين امامين استيراد ( مخلعوعين من نص استيراد ) بلون مختلف ولذلك تم دهان العربية كلها من الخارج

ومن سنتين فكيت الموتور لعمل عمره كامله وهي حسب علمى اول مرة الموتور كان يتفك
وغيرت ليها الكارونه بكارونه استيراد من نفس الموديل من سنه
وغيرت طقم الكاوتش كامل 5 فرد وركبت مقاس المصنع الصح بتاعها لانها كانت 175/70/13
خليته 185

ومشكلتي الوحيده انني عندما فكرت في تركيب تكييف فيها ( فيها دفايه ) وجدت ان كل نصائح الصنايعية ان لا اركب تكييفها الاصلي الاستيراد لعدم كفائته
وبحثت في فكره تركيب تكييف جديد ساندن ولكن واجهتني صعوبات جعلتني اشك في امكانية الحصول على النتيجه المرجوه ( مكان بصمه الموتور - تغيير مكان الاسبراتير - تغيير كامه باسبراتير علوي - حجم الكويل المناسب وتوصيله ع فتحات هوايات التابلوة - توصيل وحده التحكم الموجوده في التابلوة للتحكم في التككيف )
باختصار كنت عاوز اركب تكييف الفبريكة بس مشكلته صغر الثلاجه ومش عاوز اخرم ولا ازود حاجه في الصالون
وفي النهايه لم اكن اضمن النتيجه