الحمد لله اشتريت بيجو 205 بس كان عندي كام سؤال كدة
السلام عليكم ورحمة الله وبركاتة
انا تعبت معايا ناس كتير هنا في المنتدي ومقارنات بين البيجو 205 والابيزا 93
واخيرا الحمد لله بعد الاستماع للاراء والاطلاع اشتريت بيجو 205
جبت واحدة موديل 90 و 1400 سي سي و تكيف وسنتر وزجاج كهربا هية عربية بسم الله ماشاء الله مكنتها جامدة
بس بما اني لسة مبتدء في كام ملاحظة كدة لاحظتهم في العربية وطالب مساعدتكم في الاستفسار عنها
1. العربية لما بكون ماشي ودايس بنزين واشيل رجلي وارجع ادوس تاني بحس انها بتنتش
2.لما بفتح الكونتاكت من غير ما ادور عداد الزيت بيبقا تمام اول مادوؤ بيقعد يتهز بين شرطتين يعني سعات مبقاش عارف هو التانك ربع ولا نص
3. عصاة الفتيس فيها ريجلاش جامد لدرجة اني وانا حاتتها علي الاول او المور بتلغبط
4. مرة جبت العصايا علي الثالت والعربية طلعت معايا انا حاسس العصايا دي ووصلاتها عيزين يزبتو
5. لو حبيت اغير التابلو او اكصدامات اجيب واحد منين مع العلم اني من القاهرة وشغال في دمياط يعني بورسعيد قريبة مني لو في حد هنا او هناك
كفاية كدة هو انا في في بالي حاجات اكتر بس عشان متقلش عليكم
والف شكر كمان مرة
