سؤال عن الشارك 2013 - أسعارها وفئاتها

ازيكم يا أحلي شباب لأحلي منتدى , انا دى اول مشاركه ليا بس انا متابعكم من فتره توصل لـ 4 شهور تقريبا وحبيت اجيلكم واسألكم لما بقا عندى استفسار لأنى عارف انكم هتفيدوني بالصح والمزبوط

انا بفكر فى الشارك وحاططها من ضمن البدائل قدامى ( بعد زياده سعر الريو للمره ال 3 وتأخر تسلميها لي )

دخلت على كونتاكت كار لقيته حاطط 3 فئات للشارك

مانيوال 1600 بـ 124000 موديل 2013
اوتوماتيك 1600 بـ 128000 موديل 2013
اوتوماتيك فول اسبورت 1600 بـ 143000 موديل 2013

عايز اعرف الارقام دى صح وحقيقيه ولا لا ؟ ولو غلط قولولي اسعار السوق الفعليه دلوقتى كام للفئات دى

والأهم يا شباب النقطه التانيه وهى انى عايز اعرف الفرق بين الفئات دى ايه ؟؟
يعنى ايه اللى يفرق الاوتوماتيك عن الفول اسبورت مثلا

وشاكر ليكم جميعا مقدما على تفاعلكم مع استفساري ومساعدتكم ليا

:)

الأسعار ده مش أسعار ,الشارك أسعار الشارك على كونتكت كارز الى هيه ال EX واشك تكون الأسعارالمكتوبة مش محدثه.. أنا زيك بالظبط كنت ناوى أجيب الريو بس لما غليت أولت شكرااا .. هيه غليت تالت؟؟!!! أنا فى الغالب هجيب الصنى و بفكر فى الشارك بس متردد عشان أغلى و مفيش أوبشنز كتير .. اما المواصفات فشوف اللنك ده و لو عرفت معلومات ما تبخلش علينا عشان الفايدة تعم
https://icclients.com/Mitsubishi/LancerEx.pdf

شكرا على ردك
بالنسبه للريو هى كانت غليت من 122 لـ 135 وكانت غليت تانى من 135 لـ 145 ودلوقتى اهو خلاص فى التوكيل غليت من 145 لـ 160 ( جناااااان طبعااا )
نصيحه اخويه من ناس معاها الصني ومن اراء ناس معرفتها كويسه بالعربيات واراء اعضاء كتير هنا بلاش الصني لان فيها مشاكل وهندى تقفيل مصري وممكن تجيب حاجات احسن

انا لسه محتار اجيب ايه فى رنج الـ 120000 : 140000 وفى كذا عربيه فى تفكيري بس مستنى رد الاعضاء عليا وغالبا معلومه كونتكت دى انت صح فيها وهى دى ممكن تكون الاصح

باشا و أنا بدولر فى صفحة متسوبيشى على الفيس بوك لأيت الرد ده من 5 أيام بأسعار الشارك
Mitsubishi Egypt لانسر EX 2013 متوفرة على النحو التالى:
Standard 134.500 L.E
Standard + ABS + Allloly wheel 144,000 L.E
Half Sport 151,500 L.E
Full Sport 166,500 L.E
.. أنا بفكر فى ال الفئة التانيه و الواحد يصرف عليها كمان كام ألف حساسات و فرش و بلوتوث كيت تبقى فل أيه رأيكم؟؟؟؟

طب شوفو اللينك دا http://www.nilemotors.net/Nile/346179-a.html

المشكلة أن التوكيل بتاع ميتسوبيشى شكله وحش جدا .. ميت شكوى على صفحتهم على الفيس بوك .. صيانة ال 1000 ب 540 جنيه !!!!!!!! أى تركيبات برة التوكيل تطلع العربية من الضمان حتى الباركنج السنسورز مش موجوده عندهم و ممنوع تلركبها بره؟؟

امال ايه العربيه الحلوه بس فى البلد دى وبالسعر اللى بقا بخس فى 2013 ده :s !!
انا بصراحه فكرت فى الستروين سي اليزيه وخصوصا انى شوفتها كويس جداا فى المعرض وطولت وسألت استاذ احمد واستاذ جورج اللى كانوا مسئولين هناك وركبتها يومها كتير وعجبتنى بالنسبه لسعرها وكنت خلاص هحجز بس حجزت الريو فى الاخر قبل ما امشي
اللى وقفني عن السيتروين ولحد دلوقتى مخلينى حاططها وسط البدائل ومش حاسم موقفها هو انها لسه متسلمتش ومتجربتش فى السوق وكمان الكلام اللى على عز العرب انه متعب كتوكيل ومش موفر كل قطع الغيار

موضوع محير فعلا وبصراحه الشارك فى الاسعار دى صعبه اوى لو بالمبلغ ده هجري اجيب السوبارو اللى ب 170 الف وانا مغمض بس هي امكانيات الواحد

هات فانتازيا مستعمل حالة ممتازه او سيفيك مستعمل

لو عايز جديد نصيحه اي حاجه كوري بلاش لان خاماتها من جوه زبالة معايا النترا والخامات فيها وحشه جدا بس شكل كويس وصاج جامد مع موتور قوي

ممكن تجيب جديد شارك الفئة اللي فيها ايه بي اس وممكن تجيب فلوانس

وممكن كمان توفر على نفسك كتير وتجيب بومه مستعمل موديل من 2007 ل 2010 خليجي هاف سبورت او سبورت

فكر في تيدا هاتشباك 135000

دكتور أحمد
شكرا لمشاركة حضرتك يا فندم بس بصراحه انا مش عايز ادفع مبلغ كبير وفى الاخر يبقي اسم العربيه مستعمله عايز زيروو وبصراحه الريو كانت عجباني بس السعر اللى دخلت فيه ده حراام
انا اخري 140 الف او 145 الف لو عربيه تستحق ثمنها

دكتور أشرف أشكر حضرتك على مرورك والمشاركه
التيدا فعلا فكرنا فيها بس هي هتكون لوالدي ف كان بيفكر فى السيدان واللى وقفنا ان شكلها هيتغير خلاص اخر السنه دى

اقتباس:

---

المشاركة الأصلية كتبت بواسطة ahmed.ammar

ازيكم يا أحلي شباب لأحلي منتدى , انا دى اول مشاركه ليا بس انا متابعكم من فتره توصل لـ 4 شهور تقريبا وحبيت اجيلكم واسألكم لما بقا عندى استفسار لأنى عارف انكم هتفيدوني بالصح والمزبوط

انا بفكر فى الشارك وحاططها من ضمن البدائل قدامى ( بعد زياده سعر الريو للمره ال 3 وتأخر تسلميها لي )

دخلت على كونتاكت كار لقيته حاطط 3 فئات للشارك

مانيوال 1600 بـ 124000 موديل 2013
اوتوماتيك 1600 بـ 128000 موديل 2013
اوتوماتيك فول اسبورت 1600 بـ 143000 موديل 2013

عايز اعرف الارقام دى صح وحقيقيه ولا لا ؟ ولو غلط قولولي اسعار السوق الفعليه دلوقتى كام للفئات دى

والأهم يا شباب النقطه التانيه وهى انى عايز اعرف الفرق بين الفئات دى ايه ؟؟
يعنى ايه اللى يفرق الاوتوماتيك عن الفول اسبورت مثلا

وشاكر ليكم جميعا مقدما على تفاعلكم مع استفساري ومساعدتكم ليا

:)

---

اسمحلى اشارك فى الموضوع ده انا كنت زيك كدة متحير ولكن بعد دراسة لقيت ان المتسوبيشى لا بعلوا عليها فى مصر وكنت متحير بين الشارك والبومة وناس قالتلى ان الشارك فيها شغل فيبر كتير وقطع غيارها غالية جداً وانا كل الى كان معايا 125000 فقلت اجيب عربية تكون قطع غيارها متوفرة وفى نفس الوقت تكون مش غالية اوى وتكون ثابتة على الطريق وكنت بركب قبل ذلك شيرى وبروتون بيرسونا المهم ما أطولش عليك وقع الإختيار على لانسر بومة 2013 وبصراحة سيارة تحفة على الطريق التكييف شغال وعلى سرعة 140ك وفى منتهى الثبات فى المناورة ... ربنا ان شاء الله يوفقك لما فية الصلاح . ولا تنسى صلاة الإستخارة

دى أرقام فريق مبيعات ميتسوبيشي تقدر تكلمهم وتعرف منهم التفاصيل
Hussain Mostafa: 01223459672
Mahmoud Fahmy: 01223899906
وربنا يوفقك

ابو ندى
بشكرك جدا يا فندم على مشاركتك وتوضيح وجهه نظرك ليا يا فندم وفعلا وجهة نظر تحترم والبومه محطوطه فى الحسبان من ضمن الخيارات المتاحه بالنسبالي

استاذ سمسم
شكرا يا فندم ليك جدا ولمشاركتك
وكويس لأن الارقام دى اكيد هحتاجها يا فندم

اعتقد ان الشارك كمان شكاها حيتغير اخر السنة

علشان كدة متهيألي شيل موضوع الشكل من دماغك لأن معظم العربيات اشكالهل بقت بتتغير كل سنة او اتنين

شوف اللي انت مستريحله و استخير ربنا و توكل علي الله