موضوع يخص كل بايكر وبالمره نفتح باب للمناقشه

[marq="3;right;3;scroll"]السلام عليكم ورحمة الله وبركاته ,,,
[/marq]
احب اتكلم مع كل البايكرز فى موضوع يخصنا كلنا ومن خلال نقاشنا ممكن نوصل لحلول جذريه او متوسطه .. فياريت كل واحد يحكى ايه أكتر حاجه بيقابلها عالطريق بتعرضه للخطر او بتضايقو وياترى وصل لحل ليها ولا لاء وانا هبدأ عن نفسى وأقول ان أكتر حاجه بتضايقنى فى الطريق وتعرضنى للخطر هى الميه لما اكون واخد سرعه وألاقى نفسى دخلت فى الميه ساعتها بحتاج للتفكير اللحظى وأحسبها كويس جدا ياترى أدخل بسرعتى ولا أبعد عنها بس الأول بتأكد ان مفيش ورايا عربيات داخله بسرعتها وبحاول أتفادى الميه وان حصل ودخلت فيها بشيل رجلى وايدى من عالفرامل تماما وأول ما بخرج منها بشوف اكتر تجمع رمله وامشى فيها عشان الكاوتش ينشف بسرعه وبعدها اخرج من الرمله وأجرب الفرامل بعد ما اتأكد طبعا ان مفيش ورايا حد وكمان بجرب الفرامل على سرعه متوسطه والسبب انى أجرب الفرامل هو عشان أتأكد ان الميه اللى دخلت فيها مفيهاش نسبة زيت لأن الكاوتش لما ييجى عليه زيت ممكن يزحلق حتى بعد ما ينشف بالذات فى الملفات .. أرجو المشاركه وشكرا:vctry:

اكتر حاجة بضايقنى ف الطريق الناس اللى بتنقل من الطريق من غير ما يضربوا اى اشارة

الاغبياء وما ادراك ما الاغبياء الى على الطريق .. ربنا يكفينا شرهم

كتيرررررررررررررررررررررر رر

1- التراب اللي جنب الرصيف ( الحل بحاول ابعد بقدر الامكان عن الجنب اليمين).
2- الرملة اللي بتترمى في نص الشارع (الحل بهدي و اخدها من غير فرامل و لا بنزين).
3- العربيات اللي بتنقل مابين الحارات من غير ما تبص في المرايا ده لو في مرايا اصلا (الحل مبقربش اوي من العربيان و كلاكسات بقى).
4- السولار اللي بيبقى في الشارع من الاوتوبيسات (الحل بهدي و اخدها من غير فرامل و لا بنزين).
5- العربيات اللي بتطع على الشارع من الشوارع الجانبية من غير ما يبوص (الحل بأخد بالي من الشوارع الجانبية و مبعتمدش ان اللي طالع هيستنى).

ده اللي انا فاكره دلوقتي

http://sphotos-c.ak.fbcdn.net/hphoto...62397092_n.jpg

اكتر حاجة بضيقنى وتغظنى الناس الى بتبقا ماشية عملة فيها من بنها دى الواحد او الوحدة بلاخص تبقا ماشى وراها عمال تديلها فى كلكس بيب بيب ومفييييش لزمن اقوم مطلع الار بى ام فى اخرو مرة واحدة عشان يحسوا ان فى وراهم حاجة ماشية يا ساتر وتحس ان لو فى واحد بيعدى الطريق ونتا بتهدىيلو او ماشى عادى سرعتك متسمحش انك تقف بسرعة تحس ان الناس بتقولق لو دكر المسنى يا رب صبرنا

يعنى من الاخر يا بايكرز مشكلتنا واحده .. اننا مظلومين فى الطريق ومش واخدين حقوقنا
مفيش واحد فينا قال حاجه مبتحصلش مع كل واحد فينا ويمكن بشكل يومى .. انا خلاص تعبت من البلد دى وشعبها اللى بجد بيكره بعضه بشكل غبى ... انا بقيت انطق الشهاده اول ما اركب عالبايك لانى مبضمنش انى انزل من عليه عايش .. واخرهم انى واخد سرعتى على كوبرى والكوبرى ده ليه طلعه تانيه وواحد سواق تاكسى حسبى الله ونعم الوكيل خرج من الطلعه دى بقى فـ وشى لولا ستر ربنا ورحمته كان زمانى اتقلبت عالاتجاه التانى وكان زمانكوا بتقرولى الفاتحه ..
معلش انا لقيت ان طالاما كل حاجه فـ البلد ماشيه بالعنف والكره وقلة الأدب والبلطجه قررت انى أهزق اى حد يعمل حركه مستفزه او يوقع أعصابى عالطريق .. انا عارف ان مش ده الحل وانا متربتش على كده بس لما اللى بيتكلم فى الفون ومش مركز مع الطريق يتشتم منى ومنك ومنها ومن اى حد عالطريق هيحترم نفسه واللى بيضرب فرامل فجأه لما يتهزأ هيفتكرها طول عمره ويخلى باله ولما واحد محترم (( والعكس صحيح )) يكسر من حاره للتانيه واعدى منه أعمله حركه مش محترمه بأيدى وييجى واحد تانى يديلو كلمتين أكيد هيخلى باله بعد كده وانا عارف انه مش حل عملى وان فى ناس ممكن تعمل حاجه غصب عنها وتتشتم بس معلش اللى عنده حل تانى عشان الناس دى تفوق من الغيبوبه أكيد مش هنحتاج لكده
كل المقصود من الكلام بمثال أوضح .. تخيل نفسك معاك خطيبتك او مراتك او حد من عيلتك وانت قدامه محترم جدا واتشتمت من واحد عالطريق بس انت غلطان .. أكيد دمك هيتحرق ومش هتقدر تتكلم لأنك غلطان وبعد كده هتخلى بالك .. هو ده المطلوب
انا ان لا قدر الله عملت حركه ملهاش لزمه عالطريق واتشمت بتكسف من نفسى ومش برد ومبكررهاش تانى عشان متشتمش تانى .. ربنا يستر طريقنا