الموضوع: مع السلامة يارجولة ...!!!

الجواز المبكر معناها إن الشاب ما ينحرفش والشاب ما يمشيش يعاكس في خلق الله بكل وقاحة

ومعناها إن الشاب يعيش أحلى أيامه ويستمتع بقدراته مش يفضل محروم منها من ساعة البلوغ على العاشرة ولا الثانية عشرة ولغاية الأربعيناية يعني 28 سنة حرمان وبعدين سنة عسل وخمس سنين نكد وعشر سنوات استسلام للأمر الواقع والباقي أرملة المرحوم فقيد الشباب ( فقد شبابة قبل الزواج أصلا )



وده كله مش مطلوب انتشاره في مصر لأنه عيب وما يصحش



خلو الشباب ياكل في روحه لغاية ما ينهار ولا ينحرف وساعتها إما نعدمه أو نحتقره





.

المشاركة الأصلية كتبت بواسطة y a r i s

معليش كنت حابب اضيف حاجة صغيرة قاااد كده هو :
انا رأيي الحل لهذه المنشطات كلها هو الزواج المبكرررر !!! بمعنى الشاب وهو في الثانوية او في الجامعة بتبقى عندو طاقه. بغباء وبهبل ... ونفسوا مفتوحة ( للحياة) فلمن تجوزوا وهو نفسوا مفتوحة افضل مليووون مره لمن تجوزوا وهو عندوا تلاتين اربعين خمسين سنة. وهو خلاص بيودع ... الشباب الصغير لو حولت الطاقة الهنسية عندوا لكهربا لاكنا طلعنا خطين جداد كهربا وصدرناها لاسرائيل واوروبا ونورنا تركيا كلها :)

فمع الاسف الشباب الصغير طاقتوا مهدورة غلط ... وواجب علينا كأباء نشغلهم بحاجة مفيدة كورة رياضة جيم انشالله حتى بنج بونج ... لان الفراغ ويحش بيخليه. يستهلك نفسوا ... فانا مع الزواج المبكر وتيسير الزواج للشباب ، بالذات في سن الجامعة
ولمن الواد يتجوز بدري بدري هيحتاج. منشطات في ايه بأه إن شاء الله إلا أذا كان هو موكوس من الاول :)

@@@@@@@@@

لذلك. نصيحتي لكل الشباب ابتعد ثم ابتعد ثم ابتعد عن

(العادات السيئة )

وهشبهالك مثلاً انتا لو عندك عربية جديدة وكل يوم عمال تئمرك بيها وتخمس بيها وتسقط غيار عليها
وكل شوية تسحب هاند مش العربية مش هتكمل معاك تالت سنين وبعدين تفووت وتشنش
اهو الانسان برضوا كزالك

العادات السيئة ايضاً الاكثاااار من الملح والسكر !!!

اكبر غلللللط الناس الي طول ماهيا قاعدة. تديها كيس شيبس وبوظو وكرتية وهريدي. والكلام ده كلو فيه املاح دي بتسبب الضغط وارتفاع الضغط ... السكر كزالك البيبسي كولا والكلام دهو بيسدلك الشراين. تلاقي السكر عمال. يتراكم على الاوعية بتاعتك. مش احنا كل شوية بننصح الشباب. انهم يضيفوا منظف انجكش للعربياتهم علشان تفتح شراين واوعية العربية علشان العربية ترجع زي الحلاوة. وتسحب معاك ... طب العربية بنحطلها مسلك انجكشن. البني ادم بقه هنحطوا ااااااايه !!!
لذلك قلل الملح والسكر. على قدر المستطاع

من العادات السيئة ايضاً ( التدخيييين)

مصيبة المصاااااااااااايب ومحدش يقلي انا بدخن وزي الفل. متهيئلك
تصور. فلتر الهوى بتاع العربية. مسدود او مليان غبار وترابه وعفااااار مش ده بيئثر على سحب عربيتك
وتيجي تدوس بانزين. تلاقي الاستجابة بتاعت العربية بطيئة. وتلاقي دواست البانزين بتخنق معاك كده

من ضمن العادات السيئة ( ترك الصلالالالالاة)

هتقولي ايش دخل ده في ده يا مولالانااااا. ... هقولك يا سيدي. هو مش دلوقتي الصلاة بتشترط وجوب الطهارة !!
فانتا لو عودت نفسك على الصلاة وحببت نفسك. في ربنا وفي الصلاة فهتلاقي نفسك. لا ارادياً بتئجل اي حاجة غلط عاوز تعملها. لبعد العشا. مثلاً ( افهم معايا علشان متوقفش انا وانتا الله يخليك )
هتقولي. بس كده هتعب واضغط على نفسي ... هقولك ماهو هو ده. الي اسموا جهااااااد النفس ... وبعدين انتا لا هتحارب. ولا هتنيل. كل ما عليك تشغل نفسك بشوية رياضة جيم مثلاً اشترك في كورس انجليزي او خدلك. كورس ورد واكسل وفتو شوب والكلام دهو انزل العب كورة .

برضوا من ضمن العادات السيئة. ( المعاكسات)

انتا هنا بتتعب نفسك بنفسك. يا جميل فسيبك منها. والله ِ ماهياش شطارة قد ماهيا غلاسة
وعاوز تعاكس عاكس بس تفاريحي كده ... مش عمال على بطال الي رايح والي جي وابص هنا وابص هنا وابص هنا وحتى القطط متسلمش مني. واقعد ابسبس للقطط ونياوو نياوو وبس بسسس بس وخلي بالك كل بصه من البصات دي تحاسب عليها ... وكل واحد بقه عارف نفسوا منهم الي طالع بسيئة سيئتين ومنهم الي طالع بشوال ذنوب وهو مش حاسس وفي النهاية يلعن الفقر والعيشة الي هو عايشها ماهو من ذنوووبك الي متكدسة عليك وانتا مش حاسس :)

اخطر عادة سيئة بقه : اكل الحرام

هتقولي الله وايش دخل دي في دي كماااااااان ... هقولك بقه يا راجل يا طيب بعد ماكلت فلوس ده وسرقت ده ونهبت ده. واستنصحت على ده وده وقرطست ده . عاوز. بعد كل ده ربنا يديك لحظة متعة وحدة. مجانية !!!

طب جرب كده تحط اي قرش حرام في عربيتك. هتلاقي مفيش شهر والعربية حاصل فيها حاجة ودي عربية فما بالك بجسم الانسااااااااان ... لذلك الناس الي بستنصح وعاملين نفسهم عايشين بالفهلوه. وقال ايه بيطرقعوا الناس على قفاهم ويلهفوا فلووسهم ويسرق وينصب ويدحك على ده وده. ميفتكرش العملية عدت. كده والحساب يوم الحساب ... فاوعه ثم اووعه تاكول لقمة حرام ... وان كان فيها شك واحد في المية تفهاااا على طول. لانها بتبقى سممممم قاتل. حتى لو كنت ماشي وشوفت واحد زارع شجرة والشجرة طارحة اوووعه. تقطف منها وتاكول قبل ما تستئذن صاحبها دعوة وحده من صاحب الشجرة تجيب اجلك وتفضل عايش على المنشطات طووووووووول عمرك

وادينا شايفين المنشاطات كترررررت في البلد. قاااد ايه. ... من قلت الحراااااام الي اتاكل لأ ولسه ! :)

{ اللهم استر علينا يارب ولا تفظحنا ... اللهم قونا ولا تخذلنا ... اللهم استر عوراتنا وعورات المسلمين واحسن ختامنا ... اللهم ارزقنا الذرية الصالحة يارب العالمين امين امييييين يارب العالمين ... واخر دعوانا ان الحمدالله رب العالمين }

@@@@@@@@
وتحياتي

مشاركة هايلة , تسلم ايدك على الكلام ده

ياااااااااااااااااااااااا ااه .... لقد عانيت مرارا من تلك الاعلانات

الاخ العزيز Y a r i s اثمرت الموضوع بمشاركاتك الجميلة انت والاخ العزيز yousef1978 وجميع الاعضاء المحترمين المشاركين في الموضوع .. فعلاً الموضوع ناقوس خطر يدق يا اولي الامر انقذوا الشباب من الكارثة ...
تعمدت اليوم ان اقف امام احد البائعين الجائلين لأتفقد البضاعة المفروشة من هذه المنتجات حب استطلاع وصعقت حينما وجدت انها لا تخص الرجال فقط ولكن هناك منها للنساء ...!!!!! على شكل لبان يمضغ او أكياس نسكافيه او اقراص او حبوب واسماء واشكال غريبة من المنتجات والتي كلها مهربة من الخارج من الصين والهند ...الخ
لاء وانا متنكر ولابس كاب ونظارة شمس وواقف بتفرج بإحراج ... ... والاقي الناس بتقف تتفرج وتشتري واللى بيزعق في زميله تعالى يا ابوحامد اشتري حاجه تخليك تعرف تزعق في البيت ...!!!

أسباب انتشار الحاجات دي هو الجهل وانعدام الثقافه والمعرفه الصحيحه
وطبعا التقليد الأعمي لاي افكار او نصايح عبيطه

وانا كشاب تحت الـ 24 سنه
كنت بشوف زمايل جامعه او شباب معارف عايشين علي السجاير وبيضربوا الترامادول واشباهه
فكنت اتحسر عليهم بجد .... لما يبقي شاب في مقتبل العمر وبيهدر صحته بالشكل ده أمال هيكون حاله ايه بعد 15 ولا 20 سنه

الحمد لله علي نعمه العقل والصحه