الموضوع: مع السلامة يارجولة ...!!!

المشكلة. بيقولك البلد هتلفس ومش هنلاقي ناكول والجنية انهار قدام الدولار وبندور مين يسلفنا من الدول الغنية وده رايحلك يستورد لبان وناسكفيه ههههههه

ياراجل يا طيب ده انا كل ما اروح لصيدلية العزبي ولا سيف علشان اصرف روجيتت دوى. ابص الاقيهم يقولولي معليش يا فندم الدوى ده ناقص من السوق طب. وده يقلك معليش الدوى التاني الشركة معديتش تنزلوا. طب والدوى الي بعدوا يقلولي هنعملك طلبيه ونبعتهولك على البيت علشان مش متوفر حالياً. .... ده يا راجل يا مؤمن. من شهر تقريباً بالظبطططططط كنت مزكم ومرشح قعدت الف في الصيدليات على قطرة. منخير الي بتفتح مجرى التنفس ومش لاقي. لغايت ما صيدلي حبيبي جرنا قالي انتا ابن حلال كنت حايش وحدة كده على جنب خودلك علبه ... ده حتى علبة فيتمينات ( فيتامونت للرجال ). فين وفين لحد مالقيت لي علبه. وبقول الصيدلي. متعمل معروف وتديني كمان علبه قالي معليش يا حج كل زبون ليه علبة ... وكل ما تكلم صيدلي يقلك اصل الدولار. والاستيراد. والادووووية شاحه من السووووق ... يا أم التفاااااااااههة. على دي بلد يعني الادوية الضرورية شاحة من السوق والافندي. رايح يستوردلي. لبانة ولا علكة تسخين البنات او ناسكافية للبنات ههههههه. سبحانك ياربي .... الادوية. شاحة في السووووق ومرات كتير بتبقى في ازمة بامبز او ازمة حليب اطفال الروضع البيبي مش متوفر وتبص تلاقي السوق مليان ادوية جنسية. ( او صواريخ وبومب وشماريخ !! )

برضو من. يومين كنت رايح ناحية كارفور ابو رواش ومعايا صديق وعمالين نتكلم عن الازمة الاقتصادية في البلد الي هتفلس دي وربنا يكون في عون مرسي هيعمل ايه يا عيني ولا هيلاقيها منين ولا منين وربنا يتولى البلد برحمتو ولطفوا. وان الدولار وصل النهرده ب ٨.٢٥ والناس الغلابة الي في البلد الي مش لاقيه تاكول المهم وانا بكلموا كده لقيت عربية الونش الكبيرة. محملة ست عربيات فولفوو ياجدع لسه بالاستيكر بتاعتهم وبالعفرة بتاعت المصنع زيرو وعدت قدام مني شوية بصيت لقيت ونش تاني ورى منوا محمل عربيات الينترا ٢٠١٣ الشكل الجديد وهوبا شووية تانيه. ونش تاني بينورلي ومحمل عربيات جيب هههههههه. قولت ياحلاوة شعب غلبان مش لاقي. يا كول ومفيش دولار في السوق ، الدولار شاحح ومع ذلك المصريين بيركبوا ڤولفوو وميقدروش يعيشوا من غير ڤولڤوو أو الينترا وميقدروش يستغنوا عن عربيات الجيب ... اه منك يا بلد :) وتحياتي