بسم الله الرحمن الرحيم
عربيتي فيرنا 2008 -1600
المفروض اني لازم اغير الكوتش لانه جاب اخره
المهم كنت بين نارين اني اركب كوتش 13 علي الجنوط الي عندي
ودي صورتهم


او اني اركب جنوط حديد 15وكوتش 15-50-195
علشان ازود الثبات والفرامل الي طبعا ضايع مع الكوتش ال13
واتنازل عن الشكل في مقابل الاداء
في الاخر الاداء غلب علي الشكل
ورحت نازل ادور علي الجنوط ومكنش في غير جنوط التويوتا ياريس هي الي ابعادها مظبوطه علي الفيرنا تمام المهم الحمد لله لقيتهم والراجل قلي ب400 جنيه وخدتهم منه ب380 بالعافيه بس هما حالتهم تمام ونضاف
اختهم وطلعت علي محل الكوتش
انا كنت عايز اركب كومهو اكيستا ku31 لان كل الناس بتشكرا فيها
الراجل جبهالي بسعر 450 جنيه وقالي حوريك فرده جوديير فرنسي حتعجبك وسعرها 470 جنيه وانصحك بيها قلتله نشفها
وفعلا عجبتني
هي سرعه H ومعدل التاكل 240 ومعدل الحراره A
المهم دفعت 1900 جنيه وركبتهم
ودي صورهم وهما ركبين علي العربيه








طبعا الاداء اتغير والثبات زاد بشكل ملحوظ والفرامل بقت افضل الكوتش ملوش صوت نهائي علي الارض
والراجل قلي بعد 200 كيلو تعالي علشان ارصصلك--بس مفهمتش ليه بعد 200 كيلو
ودي تجربيتي مع الكوتش والجنوط للفيرنا
يارب اكون قدرت افيدكم
وتحياتي ليكم