استفسار بخصوص اوبترا 2008 - هام جدا
رجاء من الاخوة المشرفين على قسم شيفروليه الاجابة عن استفساري باقصي سرعة :
انا معايا عربية اوبترا 2008 شاريها زيرو و العربية عاملة 2000 كيلو دلوقتي و ميعاد الصيانة زي ماكلنا عارفين 5000 كيلو - المشكلة بقى يا جماعة اني بقالي 5 ايام ملاحظة مشكلة في العربية و هي :
1- و انا ماشي بالعربية في السلانسيه مش على سرعة كبيرة العربية بتبطل على العلم ان العربية اوتوماتيك مش مانيوال .
2- العربية في سحبتها هبطانة و تحس انك لازم تفعص البنزين تحت رجلك علشان تمشي معاك مش عارف ايه السبب مع اني بستعمل بنزين 92 من يوم ما جبتها .
3- بقالي يومين اللمبة الصفرا في التابلوه بتنور و تطفي معايا - عملتها 3 او 4 مرات .
ارجو الافادة بسرعة جدا لاني قلقان جدا من الموضوع ده و مش عارف ايه المشكلة ورا الكلام ده مع العلم ان العربية اوتوماتيك و لسه عاملة 2000 كيلو اليوم صباحا !
