الموضوع: مساعده في تغيير كاوتش الإلنترا الـ hd

المشاركة الأصلية كتبت بواسطة engahmedsakr

السلام عليكم ورحمه الله وبركاته

احبائي نجوم هيونداي .. اتمني ان تكونوا جميعا بخير صحه وحال وسعاده
ويارب تنعم علي بلدنا بنعمه الأمان والإستقرار

دلوقت انا نويت والنيه لله اني اغير كاوتش عربيتي إلنترا 2008
هي فيها طقم هانكوك كوري انتاج 4709 -- او بمعني اخر انتاج اواخر 2009
والمقاس الحالي هو الأصلي 15/65/185
الكاوتش شكله الظاهري كويس ونقشه تمام وكدا بس هو ماشي عالاقل 40 الف كيلو
والعربيه برغم ان فراملها حساسه جدا وعالشعره إلا انها بتزحـــف في الطرق الترابيه والمواقف المفاجئه

فعلشان أأمن نفسي واكون متطمن قررت تغيير الكاوتش وقائيا
دلوقت انا نويت اغير للمقاس الاعرض طبقا لكتالوج العربيه بنفس الجنط الأصلي يعني يبقي
15/65/195
وبعد فحص وبحث وتمحيص .. وجدت ان من اجود الكاوتش الموجود حاليا البريدجستون التورنزا
وكان فيه تقرير كويس من العضو الجميل msobhy عنه مؤخرا في القسم بعد تركيبه في عربيته الإلنترا

دلوقت انا نويت اضحي واشتري احسن حاجه لإقتناعي التام بإن الإستثمار في كاوتش العربيه مهم جدا جدا للأمان
هل التورنزا فعلا افضل حاجه للمقاس 15/65/195 ... ولا فيه حاجه احسن انا اهم حاجه عندي الثبات والأمان في الفرامل والهاندلينج - بصرف النظر عن السعر - مادام غرامه بغرامه بقي :(
وياريت كمان ترجحوا مكان كويس او توكيل للكاوتش اروح اركب وارصص واملي نيتروجين فيه ويكون فيه كاوتش انتاج جديد 2013 مثلا .. لإن عندنا في الزقازيق مفيش لا توكيل ولايحزنون ويوم التغيير هأجز من الشغل وانزل مخصوص القاهره اخلص الحوار دا

فياريت يا جماعه تشوروا عليا وتنصحوني بأجود نوع وافضل مكان للتركيب

شكرا جزيلا .. وربنا يحفظكم أجمعين

اولا يا باشا ربنا يكرمك وتركب احسن حاجه فى الدنيا
احب اضيف لحضرتك تقرير مختصر جدا
النعومه نسبيا كويسه - أداء الفرامل والزحف بالذات اختفى تماما
صدقنى انا غيرت طريقة سواقتى من بعد تغيير الكاوتش - لأنى دايما كنت مركز انى ما دوسش على الفرامل جامد علشان الزحفه الزباله ديه
لكن دلوقتى الحمد لله
لو حضرتك هاتنزل ناحية الهرم - انا باخد خصم على منتجات بريدجيستون 7% - ممكن اعملها لحضرتك
نصيحه اخيره - لازم تجيب اليابانى