عرض للطباعة
بالمناسبة حد جرب قبل كده يشترى من عندهم حاجة أيه أنطباعتكم و نظام الشراء أيه بالظبط بالمناسبة عندهم أجهزة gps و gps tracker و السعر حلو جدا هل ليهم منفذ بيع و ألا هما شغالين من منازلهم و طريقة السداد أيه و هل فى ضمان أستبدال البضاعة يعنى مثلا فيه فى كارفور أسبوع الحاجة طلع فيها مشكلة بتبدلها بدون ما تروح الوكيل هما عندهم حاجة زى كده و أزاى الواحد يتواصل معاههم وشكرا
انا اشتريت مسند يد الموقع كويس وممكن تدفع بالفيزا وبكده مش هيكون في مصاريف شحن ولا اي مصاريف خالص
فقط سعر السلعة او ممكن تدفع عند الاستلام بتكون مصاريف قليلة في حدود 15 جنيه لو داخل القاهرة وبتزيد حاجة بسيطة لو برة القاهرة
وممكن ترجع السلعة قبل 4 ايام واتصل بيهم اتأكد اكتر طبعا
وممكن تكلم البائع في ايقونة اسمها شكوى بتكتب سؤالك للبائع وبعد كده تدخل تاني تلاقي الرد بتاعه وتحكو مع بعض
سوق. كوم رائع جدا واشتريت منه ياما...
وفي ترجيع لو في عيوب بعيد الشر...
تحياتي
Sent from my LT18i using Forum Runner
بص يامعلم في مصاريف دفع لو هتدفع من خلال ارامكس وبتكون 10 جنيه توصيل و 5 جنيه لو هتدفع مع المحصل لكن لو هتدفع اون لاين بالفيزا بيلغوا ال 5 جنيه دي خالص وبتدفع سعر الشحنه بالاضافه للمصاريف التوصيل 10 جنيه لكن احيانا بيكون في عروض علي الشحنات بيكون توصيلها مجاني بدون 10 جنيه انا شخصيا اتعاملت معاهم ومده الشحن كانت من 3 ايام الي 5 ايام ولم يتم توصيل الشحنه حتي اليوم العاشر اتصلت بيهم عملت مشكله ورموا العيب علي البائع ودي مش مشكلتي فطلبت منهم رد المبلغ ورفضت الشحنه وفعلا ردوا المبلغ وعملت فيهم شكوي لكن برضه الحق يقال واحد صاحبي طلب شحنه جاتلوا بعدها ب 4 ايام فأنت وحظك يامعلم لكن تجربتي معاهم سيئه ومش هشتري منهم تاني لعدم احترامهم للمواعيد .... يارب اكون اقدرت افيدك
أنا اشتريت منهم 3 مرات حاجات صغيرة وكله تمام والتسليم كان بعد 4 أيام فى كل مرة، بس آخر حاجة منهم كانت بايظة وفى طور الشكوى دلوقتى.
أنا اشتريت منهم حوالي 12 سلعة صغيرة وكانت تجربتي للأسف معاهم سيئة لأن أغلب السلع دي بتبقى مضروبة (صيني رديء) والبائع غالبا بيستغل انه بيتعامل مع ناس مستواها كويس بدليل انهم بيشتروا أونلاين وكمان بيستغل ان مفيش تعامل مباشر بينك وبينه فبيبيع الحاجة يا إما مضروبة يا إما سعرها أعلى من برة خاصة إن السعر المعروض واحد مفيهوش أي فصال فالسعر اللي بيحطه البائع انت بتلتزم بيه بالضبط ، مثال على كده اشتريت الصبانة السحرية اللي بيقولوا عليها واللي بتملاها صابون سائل وتنزل الصابون بمجرد ما بتحط ايدك بدون ما تضغط على أي حاجة (sensor) واشتريت اتنين جيت أشغل واحدة لقيتها مش راضية تشتغل أصلا ! والتانية اشتغلت ومكملتش يومين وودعت فرجعت الأولى في وقتها علطول والتانية بعد ما لقيتها باظت حبيت أرجعها فالبائع قعد يقولي كفاية عليا واحدة انت كده هتخسرني جامد لأن اللي انت رجعتها هرميها ومش عارف إيه المهم قلت هلبسها أنا وعوضي على الله
الحاجة التانية مواعيد الشحن والتوصيل غالبا بتبقى مضروبة يعني يبقى مكتوب سيتم التوصيل خلال 4 أيام مثلا ممكن تلاقيها وصلتلك بعد أسبوعين ! وانت وحظك
ده بالنسبة للسلبيات
أما الإيجابيات إنك لو دفعت تمن سلعة وجاتلك الموقع بيحجز المبلغ عنده مش بيسلمه للبائع لحد ما تخش انت وتعمل تقييم ايجابي ان السلعة وصلتك طبقا للمواصفات وبالتالي يبدأ يفرج عن المبلغ للبائع أو في حالة إن السلعة مش عاجباك أو غير مطابقة للمواصفات فبإمكانك ترجعها وتسترد فلوسك أو تبدلها بواحدة تانية بس أحيانا البائع بيستهبل ومش بيبلغ إن السلعة وصلته فبيفضل المبلغ محجوز عند الموقع مش بيرجع لحسابك ودي لسة حاصلالي من 10 أيام رجعت سلعة مضروبة برده عبارة عن جراب للآيفون في بطارية طوارئ فبالرغم من إني رجعت السلعة من 10 أيام إلا إن الفلوس مرجعتش حسابي غير لما اتصلت بالموقع على التليفون وبلغتهم بالمشكلة فرجعولي الفلوس واتحججوا بأن البائع مبلغش بإن السلعة وصلت على الرغم من إني فتحت أكتر من شكوى بس محدش عبرني لا البائع ولا الموقع
باختصار عشان أنا عارف إني طولت عليك :) أنا رأيي الواحد يشتري السلعة اللي يشوفها بعنيه الأول ويجربها بنفسه ويسأل على سعرها برة قبل ما يشتريها عشان لو معروضة بسعر عالي يقدر يفاصل ويجيبها بالسعر المناسب بدل من حوار الشراء الأونلاين وتأخير الشحنات اللي للأسف لسة فاشلين فيه ولسة بدري علينا لما نوصل لمواقع زي أمازون وإيباي
والله كلام فى الجون و هو ده الكلام اللى أنا كنت عايز أسمعه و أنا متشكر جدا لحضرتكاقتباس:
المشاركة الأصلية كتبت بواسطة أبو بودي وعمر
العفو .. على ايه بساقتباس:
المشاركة الأصلية كتبت بواسطة adel_edrees