غسل الموتور من جوا بالميه, ممنوع الشتيمة

واحد صاحبي اثناء تغيير الزيت حط خرطوم ميه في الموتور علشان يغسل الموتور من جوا, و فضل مشغل الميه نص ساعة علشان كل الزيوت تنزل لغاية لما فعلا الميه بقيت تنزل من تحت لونها ابيض مفيهاش اي شوائب و بعد كده سابها اربع ساعات و بعدين حط منفاخ هوا علشان لو فيه ميه جوا تطلع, و بعدين قفل الصامولة اللي تحت الماكينة و حط الزيت الجديد

العجيب و الغريب في الامر ان الموتور اشتغل بعد كده ولا كان فيه حاجة حصلت
انا بصراحة لما قالي علي الموضوع ده قبل لما يعمله قلت ليه حتستفيد ايه, قالي علشان انزل الزيت المستعمل, و لما قلت ليه انه كان ممكن يحط اي زيت رخيص يغسل بيه الماكينة من جوا و بعدين يغيروا بعد اسبوع قالي كده ارخص.

اللي مضايقني فعلا ان الصنايعي بتاع الزيوت كان بيضحك و شكله كان محشش و صاحبي بيطلب منه يعمل كده, و بدل لما ينصحه ان ده غلط سابه يعك و قال لما نتفرج. و للاسف انا شفته بعد لما حط الميه بالفعل.

الماكينة 128 و العربية شغالة و زي الفل, بس تفتكروا الموضوع ده ليه مضاعفات في المستقبل؟

هو للاسف صحبك لا نطف الموتور و لا حاجة كل ما هنالك انه طرد الزيت المتبقى فى الكارتيره بالماء فقط و لا غسل الموتور ولا حاجة لان الزيت كثافته اقل من الماء و لا يمتزج به علشان كده لما ساب العربية او الموتور ينشف و بعدين بالهواء طرد الماء اصبح اللى موجود الزيت او الزيت المبطن للموتور فقط و هو كمل الزيت الجديد فامفيش مشكلة خالص و الافضل انه كان جاب فلاش انجين محترم و عمل غسيل للموتور من جوه لانه كده و لا عمل اى حاجة و شكرا

والله عادى مش مشكلة وزى ما استاذ ايمن قالك ان الزيت مش بيختلط بالمايه ولا اى ممكن لو كان ضغط مايه عالى كان اثر شويه لكن كده هو فعلآ ما نزلش كل الزيت اللى جوا الماتور والكرتيره

اللى ينزل الزيت فعلآ هو السولار انا شويه ميكانيكى حط زيت على سولار ودور الماتور دورتين براحه كده وبعد كده راح منزله وحط زيت عادى ده بقى اللى انا شايف انه اخطر ومش اعرف الفلاش انجن موصفاته ايه ولا هو زيت عادى مخصص انه ينزل فى فتره قصيره فينضف كرتيره الزيت واللى فيها ؟

دة علي اساس ان الموتور كان مترب من جوة ؟؟؟
في حاجة اسمها flush
والمياة جوة الموتور هتتبخر بعد دقيقتين ثلاثة لما يدور مفيهاش مشكلة
بس المشكلة انها هتضر الزيت الجديد وهتخليه مرطب
يعني عشان يشيل اثرها عايز غيارين زيت - والله اعلي واعلم

بس اعتقد انه ماعملش الصح - وانه بيضر اكتر ما بيفيد
وبردو الله اعلم

لا يمكن ان يخنلط الزيت بالماء
لا يمكن ان يخنلط الزيت بالماء

كان اصول حط كيس ايريال من ابو جنيه عشان بيشيل البقع

على فكره..و عن تجارب عديده..
عايز تنضف المكنه من جوه..إملى فلتر الزيت أو ما يعادله جاز..
و زودهم على الزيت..و شغل الموتور..من دقيقتين لخمسه.
و نزله..
و حط زيت تاني رخيص.و برده شغل المكنه.و نزله تاني.هتلاقي زيت نازل كأنه من الجركن.
الميه من جوه مش فعاله في التنظيف.
لو روحت لأي ورشه وشفته وهو بيغسل مكنه بتتعمل..لو إتغسلت بالميه ولا كأن فيه حاجه..بالعكس هتجير معاك..

هوة الماتور ينضف من جوة ليه
طب ما تغيروا الزيت فى معادة والماتور هيفضل الماظ

اقتباس:

---

المشاركة الأصلية كتبت بواسطة lanos2004

هوة الماتور ينضف من جوة ليه
طب ما تغيروا الزيت فى معادة والماتور هيفضل الماظ

---

ده الكلام الصح .......

أهم حاجة يكون غير فلتر الزيت

هو تصرف مش صح
وأنا شايف إنه ملوش لزمة لو مضرش مش هيفيد

وزي ما الشباب قالوا في مادة فلاش بتتحط على الزيت القديم قبل التغيير
وتشغل الموتور سلانسيه بدون حمل لمدة ثلاث اربع دقايق أو حسب كتالوج المادة
وبعدين تغير زيت وفلتر

والحركة دي تعملها مرة في عمر العربية معاك لو حسيت إنها محتاجة كده
-
-
-

اصلا لو الماتور كان سخن من جوة ممكن يجيب سبيكه وكمان عمود الكرنك يضعف بسبب الصدمه الحراريه للماتور

عن تجربة وفحص وتمحيص.... الـ Flush ماهو الا كيروسين فرنساوي عديم الرائحة... المعروف عند بتوع الحدايد بإسم (النفض) اللي بيتخلط على دهانات الحوائـــط.... واللي مش مصدقني... اشتري نفض من نوعيه نضيفة 9مش مخلوط بجاز ابيض) وافتح علبة الفلاش وقارن بنفسك بين الاتنين

-في المواتير القديمه (الشقيانه) نظافه الموتور من الداخل غلط.ماتستغربوش !!
بصرف النظر عن الطريقه اللي هتنظف بيها الموتور, بيبقي في ترسيبات
كربون علي الشنابر من الاستعمال الطويل,الكربون ده اصبح جزء من الشنبر
بمعني انه مليء الفجوات اللي حصلت في الشنبر من جراء احتكاكه بالبستم
-لو نظفت الكربون ده تخيل ايه اللي ممكن يحصل؟؟؟
الزيت هيدخل علي غرفه الحريق وتلاقي الموتور بيدخن ابيض وتدخل في طقم شنبر
وانت كانت نيتك سليمه وبتنظف !!
-الخلاصه..
استخدم فلوش اويل علي فترات بعيده ده لو الموتور مش شقيان ده بالنسبه للنظافه الداخليه
الاهم انك تنظف المانفولد لان ده هو رئه الموتور اللي بيتنفس بيها وغير الزيت في ميعاده,تحياتي

كان جاب كيس فيري بالمرة وشغل السخان علشان المياه السخنة مع الصابون ما اقولكش

اظن ان كل الكلام ده ولا ليه اي لازمه
الموتور ام يكون سليم او خفيف او مفوت
وتغيير الزيت والفلتر في مواعيده
اما غير كده افتاكاسات بدون داعي ولا محل لها من التشغيل

اقتباس:

---

المشاركة الأصلية كتبت بواسطة shaikh_tamer

واحد صاحبي اثناء تغيير الزيت حط خرطوم ميه في الموتور علشان يغسل الموتور من جوا, و فضل مشغل الميه نص ساعة علشان كل الزيوت تنزل لغاية لما فعلا الميه بقيت تنزل من تحت لونها ابيض مفيهاش اي شوائب و بعد كده سابها اربع ساعات و بعدين حط منفاخ هوا علشان لو فيه ميه جوا تطلع, و بعدين قفل الصامولة اللي تحت الماكينة و حط الزيت الجديد

العجيب و الغريب في الامر ان الموتور اشتغل بعد كده ولا كان فيه حاجة حصلت
انا بصراحة لما قالي علي الموضوع ده قبل لما يعمله قلت ليه حتستفيد ايه, قالي علشان انزل الزيت المستعمل, و لما قلت ليه انه كان ممكن يحط اي زيت رخيص يغسل بيه الماكينة من جوا و بعدين يغيروا بعد اسبوع قالي كده ارخص.

اللي مضايقني فعلا ان الصنايعي بتاع الزيوت كان بيضحك و شكله كان محشش و صاحبي بيطلب منه يعمل كده, و بدل لما ينصحه ان ده غلط سابه يعك و قال لما نتفرج. و للاسف انا شفته بعد لما حط الميه بالفعل.

الماكينة 128 و العربية شغالة و زي الفل, بس تفتكروا الموضوع ده ليه مضاعفات في المستقبل؟

---

اللي عمله مالوش لازمه بس مش هيضر لان اول ما الزيت هيسخن الميه هتطلع بالكامل على شكل بخار . بالضبط نفس الحاله بتحصل لما جوان وش السلندر يضرب , ميه التبريد ممكن تدخل للموتور ويبقى الزيت طحينه , وبمجرد ما تصلح العيب الميه بتتبخر والزيت يرجع طبيعي .

ده فكرنى بواحد صحبى غسل ونظف التليفزيون الملون اللى فى بيته تحت الدش بايريال الوان فى الحمام وطبعا مش محتاج اقول النتيجة ان الوان التليفزيون طبعا سيلت وبهتت فى الغسيل ههههههههههه تحياتى ؟؟!!!

اقتباس:

---

المشاركة الأصلية كتبت بواسطة aw2100

ده فكرنى بواحد صحبى غسل ونظف التليفزيون الملون اللى فى بيته تحت الدش بايريال الوان فى الحمام وطبعا مش محتاج اقول النتيجة ان الوان التليفزيون طبعا سيلت وبهتت فى الغسيل ههههههههههه تحياتى ؟؟!!!

---

لعلمك لو كان غسله بإريال الأبيض العادي ماكانتش الألوان بتاعة التليفيزيون باظت ... صدقني أنا جربت إريال ألوان وبوظلي مرة ألوان اللبس


هوة إيه اللى الناس بتعمله ده ... دي حاجة تجيب المرض

أنا أعرف واحد غسل الجورنال تحت الحنفية عشان كان عليه حاجة مش نظيفة ... بس ده كان عيل صغير ... إنما دول مصايب كبيرة


:untitled:

:F_eyeb1[1]: The Water and Oil Dont Mix

زيت آند ماء دونت مكس :)))

oil and water don't mix :D

بصراحة شئ غريب جدا !