الموضوع: قابلت قنبله الضحك ولكن انفجرت فيا ):

المشاركة الأصلية كتبت بواسطة hosamsief

بالمناسبة ده ... انا عاملكم مفاجأة .... جميله ....
الموضوع اللى فتحلى ابواب المجد داخل قلوبكم البيضاء ... و الذى للاسف ضاع مع وقوع السيرفر... لقيت نسخه منه على الايميل و هو كالاتى :-
( هو انا لاسع بجد .... مفيش دكتور نفسانى هنا )
هه سلام عليكم ....

فى احلك و اصعب و اشد المواقف جديه تلاقينى بضحك .... بضحك بجد و الله غصب عنى و ببقى فى قمه الحرج بس اعمل ايه ؟؟ و الموضوع ده من زمان معايا يعنى مرة و انا فى ابتدائي رحت قبر جده واحد صاحبى و الواد ده كان مرتبط بجدته اوى علشان هى اللى مربياه و كانت لسه متوفيه جديد و رحت علشان اجامله و فجاءة الواد هاتك يا عياط و انا عاوز اعيط زيه اى حاجه و خلاص و فجاءة لاقيت نفسى بضحك بشكل هستيري قام الواد وقع على نفسه من الضحك و عنيه مليانه دموع لغايه ما وقعنا على الارض من كتر الضحك ..........
مرة تانيه كنا فى الثانويه العامه و والد واحد صاحبى مات فى يوم حر اوي و بعدين حطوة فى مدخل العمارة فى النعش و حطوا عليه بطانيه تقيله و فجاءة و بتقائليه شديدة قولتله يا اخى حرام عليك ابوك هيموت من الحر الواد سمع كده و سخسخ من كتر الضحك و انا حطيت وشى فى الحيطه و عملت نفسى بعيط علشان كان اهله نازلين على السلم و حمدت ربنا ان محدش شافنى.....

و مرة تانيه كنت فى المدرسه و نطينا من على السور انا و واحد صاحبى كان جبان اوى و اتقفشا و انا انضربت الاول و كان الالم فظيع و الدور جه على زميلى الجبان ده و مع اول عصايه و انا سمعت كلمه اىيييي قمت واقع على الارض و قعدت ارفس من كتر الضحك .... ايه المسخرة ده

مرة تالته كتر مع نسيبى و كان راجل وقور و نازلين من سلم العمارة و النور قطع و قولتله يولع بالولاعه علشان نشوف السلم و فضل مولعها كتير لغايه ما ساحت و حرقت صوابعه و كنت هتشقلب من على السلم من كتر الضحك.

و يا سلام بقى لما اشوف حد بيقع ولا بيتكعبل لدرجه انا امى كانت معايا فى المترو و اوشكت انا تتزحلق من على السلم و كنت بسندها و انا بموت من الضحك

مرة رابعه كنا بنتخانق مع عيل بلطجى عندنا فى الشارع و كان ليه زميل عامل نفسه جاكى شان و انا بزعق مع الراجل لقيت صاحبى ده جاى من اخرالشارع و طاير فى الهوا و عاوز يضرب الراجل ده برجله قام الراجل زقه بس بطرف صباعه لاقيت زميلى ده وقع على الاسفلت و دخل تحت عربية كانت واقفه و طلع كله تراب و انا مش قادر اقومه من كتر الضحك
مرة رابعه ..كنت فى الجيش و مسئول عن صاله لكبار الزوار بيجى فيها رتب عاليه و القائد كان بيتأكد من نضافتها و ترتيبها و انا معاه و واقف بيكلمنى و فجاءة لاقيينا سحليه ولا برص كبير نازل على الستارة فبصلى كده و رفع حواجبه قمت واقع من الضحك لدرجه انه قعد يضحك هو كمان .....

انا دلوقتى بخاف اروح اى ميتم علشان منضبرش هناك و لما جوز خالتى مات ابنه بقى يتلاشى يبص فى وشى علشان ميضحكش ....

حاولت اتقمص الجديه و عملت كام موضوع كده جد بس الحاله رجعت تاني ... حتى و انا بشخط فى مراتي و عيالى بشخط و انا بضحك ...

عارفين و انا بكتب الموضوع ده بكتبة و انا ميت من الضحك ههه هههههه ههههههههههههه

قال و انا كنت فاكر انها لما بتهب مع حد مش بيعرف يمسك نفسه
انما اول مره اعرف ان حضرتك الماده الخام لموضوع ده ههههههههههههههههههههههههه ههههههههههههههههههههههههه هههههههه
احلى حاجه فى الدنيا الضحك انما لما بييجى مش فى وقته ..... بيبقى جميل برضه