العربيه بتسخن

**mohamed878** · 09-04-2013 04:04 PM

السلام عليكم
من ساعه ما غيرت المروحه و العربيه بتسخن كل شويه تطلع لل 90 و تشتغل المروحه و تنزل الدوره مش واخده هوا انا متاكد من كده حسب ما اتعلمت من هنا ان الدوره لو مش واخده هوا و هيا واقفه العربيه الحراره بتعلي و الروحه تشتغل و بعدين تفصل و كمان مفيش تسريب ممكن تكون ايه اسباب السخونيه عمال علي بطال دي

**sakr_skoda** · 09-04-2013 04:21 PM

الحرارة تطلع على 90 بعدين المروحة تشتغل تنزل الحرارة بسم الله مشاء الله !!!!!!!!!!!!!!طيب مش فاهم ايه طلباتك مهو كدا يبقى الموضوع عندك مظبوط 100/100........

**ahmedfouad** · 09-04-2013 04:25 PM

طيب نوعها ايه عربيتك

**abokoko** · 09-04-2013 04:30 PM

ريش المروحة اقل من القديمه

اتجاه دوران المروحه - الصح-
اتجاه الهواء من الامام و راجع فى اتجاه الموتور مش العكس

**YHYAKOTB** · 09-04-2013 10:22 PM

ممكن يكون صوت الموتور عاوز يهدى شوية فى السلانسية ار بى ام عندك على كام والعربية واقفة ؟

**aw2100** · 10-04-2013 12:01 AM

المشاركة الأصلية كتبت بواسطة mohamed878

السلام عليكم
من ساعه ما غيرت المروحه و العربيه بتسخن كل شويه تطلع لل 90 و تشتغل المروحه و تنزل الدوره مش واخده هوا انا متاكد من كده حسب ما اتعلمت من هنا ان الدوره لو مش واخده هوا و هيا واقفه العربيه الحراره بتعلي و الروحه تشتغل و بعدين تفصل و كمان مفيش تسريب ممكن تكون ايه اسباب السخونيه عمال علي بطال دي

هل غسلت دورة التبريد قريب؟ الجو بدء يبقى حر اليومين دول واحنا داخل علينا صيف لو ماغسلتش دورة التبريد اغسلها وغير مية الرادياتير وممكن تراجع المروحة ممكن تكون المروحه اللى اشتريتها سرعتين ويكون الكهربائى ركبها على السرعة البطيئه علشان المروحة دى بيبقى ليها طرفين كهرباء واحد سرعة بطيئه والتانى السرعة العالية او ممكن يكون الموتور بتعها ضعيف !!