عربيتي عملت حادثه والتأمين عايز يكهن العربيه .... في حد عندو معلومات في الحوار ده
عرض للطباعة
عربيتي عملت حادثه والتأمين عايز يكهن العربيه .... في حد عندو معلومات في الحوار ده
الاول ربنا يعوض عليك
مفيش مشكله فى انت التامين يكهون العريبه ده مكسب ليك مش خساره عشان مهما اتصلحت مش حترجع زى الاول و انت بتاخد قيمه العريبه تقريبا بعد خصم نسبه معينه للاستهلاك و لو شارى تقسيط و البوليصه لصالح البنك البنك بتاخد فلوسه و بيديك الباقى
ربنا ييسر لك الحال
قدر الله وماشاء فعل والحمد لله انك سليم
هيا الحادثة عبارة عن ايه عشان التأمين يكهن العربية؟
هو التكهين مصلحة لحضرتك زي ماقال الاستاذ علي
يعنى اية يكهن العربية ياباشا . ممكن توضيح اكتر
يكهن العربية يعني تدخل تحت بند اهلاك كلي .. يعني تكلفة التصليح هتبقى اكتر من 50% من ثمن العربية في السوق .. في الاخر التأمين بيعوض صاحب العربية بالمبلغ اللي بيبقى موجود في وثيقة التأمين اللي هو كل سنة بيتفير وده بعد خصم نسبة الاستهلاك ودي نسبة بتتخصم كل سنة
بمعنى ان عربيتي كان ثمنها زيرو 84 الف جنيه وبعد 4 سنين حالياً بقت ب 67 الف جنيه في الوثيقة
قدر الله وما شاء فعل
الحمد الله انك بخير
جزاكم الله خير يا جماعه وربنا يسترها معاكو كلكم...
والحمد لله ان الحادثه كانت بالجين 2 وربنا بيسبب الاسباب والعربيه فعلا اثبتت جداره لان الحادثه لو كانت بعربيه تانيه كان اخويا (هو اللي كان سايق) حصله حاجه كبيره بس الحمد لله رب العالمين طلع سليم.
والحمد لله العربيه مو2012 ومتأمن عليها ب 95000 ج لصالح البنك. والبنك ليه 54000 ج
ومهندس شركة التأمين عاين العربيه عند (عصام صفا) ويوم الاحد الجاي هعرف المبلغ كام وربنا يستر...
وان شاء الله هقولكم على اخر الاخبار اول بأول
لا حول و لا قوة الا بالله
و قدر الله و ما شاء فعل
و الحمد لله علي سلامة اخوك
و ربنا يستر طريقنا جميعا
قدر الله وماشاء فعل....والحمد لله انها جت على قد كدة
وربنا يعوضك بأحسن منها
جزاكم الله خير يا جماعه ربنا يباركلكم ويسترها مع الجميع يارب... والله يسلمكو جميعا