بحييك علي صبرك معاهم بس عليك وعلي حمايه المستهلك تنفخهم هناك
عرض للطباعة
بحييك علي صبرك معاهم بس عليك وعلي حمايه المستهلك تنفخهم هناك
لا يا مفتح الموضوع مش مختلق ولا حاجة
عيب الشعب ده لما تنصحه يعمل مفتح ويفترض فيك سوء النية
انا ناشر الموضوع في كل المنتديات اللي انا مشترك فيها عشان افضحهم واحذر الناس منهم ومن التعامل مع بنك باركليز ياريت بلاش تفتي وتخنرع وتعمل مفتح وخلاص
ولو تحب ارفعلك صور عمليات الايداع و اي ادلة تثبت كلامي انا مستعد
"اسف علي الاسلوب بس في ناس تستاهل المعامله بالمثل لافتراضهم سوء النية دائماً"
وبالنسبه للأعضاء المحترمين اللي نصحوني باني اشتكي البنك ده في البنك المركزي
ان شاء الله الاسبوع القادم انا هحضر الشكوي ونسخ من الايداعات والمخالصة واطلع علي البنك المركزي وربنا يقدرني و اعرف اخلص من الموضوع المقرف ده
وأحب انصح اي واحد بيفكر ياخد قرض نقدي او سيارة...اتقي الله في نفسك ومالك وعيالك
انه خراب مستمر ابتعد عنه واصبر ان فرج الله قريب..فلن يغنيك هذا القرض فهو ربا ولن يفيدك فالله لا يبارك في مثل هذا المال المحرم
ودائماً اقول "حسبي الله ونعم الوكيل في كل من يقبل علي نفسه العمل في مثل هذه المؤسسات التي تمتص دماء الناس بالربا وتبتزهم لسحب اموالهم بلا رحمة ولا مراعاة لضمير او خوفاً من ربهم سبحانه وتعالي فهو المنتقم ولن ينفعهم مالهم الحرام ولن يغنيهمز
واخيراً ادعو الله ان يسامحني علي ظلمي لنفسي واهلي واقتراضي هذا المال الحرام وان يعوضني عن خسارتي
"فاللهم اكفنا بحلالك عن حرامك واغننا بفضلك عمن سواك"
"واللهم اجرني في مصيبتي واخلف لي خيراً منها"
اسمي في جميع المنتديات واحد لو تلاحظ
لسه مكلمنى امبارح بيتحايلوا عليا يعملوا لى فيزا بدون ضمانات خالص ولا فتح حساب ومجانا بدون رسوم وب 50 ألف جنيه ليميت....قعدوا نص ساعة يرغوا ومش عارف أعمل عندهم ولا لأ
نصيحة لوجه الله بلاش ابعد عن التعامل في البنك ده نهائياً
والله هتتعب معاهم جداً لو عملت عندهم الفيزا وهتلاقي مصاريف بتنضاف علي حسابك من حيث لا تدري ومصاريف اداريه سنوية ومصاريف تأخير و ادفع بقي ولو حبيت تقفلها تبقي ايامك سوري يعني سودا
وهتشوف الويل زيي كده علشان تخلص منهم
وبعدين انت هتشتري ايه بخمسين الف جنيه ليميت وتسددهم خلال 55 يوم "هما بيغروك وخلاص"
ان نصحتك لوجه الله وربنا يبعدك عن الحرام ويوفقك في اختيار الاصلح
السنه اللى فاتت برضه اتحايلو عليا انى اعمل معاهم كارت فيزا جولد و مش حدفع اى مصاريف نهائى
و فعلا عملت معاهم الكارت لكن لما سمعت شكاوى من البنك ده مارضيتشى افعله
و اتصلت بالبنك قالولى ان مافيش رسوم سنويه عليه مادمت مافعلتش الكارت
ربنا يستر و مايكونشى نصبايه
اهرب هروب الخرتيت .... عملت معاهم من كزا سنه و انا من طبعى بستخدم الكروت بدل ماشيل فلوسو بسدد اول باول .... لقيتهم بيتلككوا ياخدو فلوس زياده ازاى .... محدش قالى معاد الدفع فعملته زى كل البنوك اللى اتعاملت معاهم يوم ٢٥ قالولى لا بنحاسب يوم ١ و دفعونى غرامة تاخير .... قلت مش مشكله انا اللى غلطت مسالتش.... بعد كده لقيتهم بيحاسبونى على مطبوعات سالت هى ايه قالولى كشف الحساب قلتلهم مبيجيش اصلا و دورو لقو ان الشركه اللى بتوصله مش بتوصلو .... المهم خلعت و طلبت غلق الكارت واتقفل بس من الحكايات عليهم اتصلت بعدها بكام يوم اسال على الكارت قالولى مقفول فاطمنت لان فى ناس فضل مفتوح و نصحونى لو لقيته مفتوح اقفله تانى واطلب مخالصه
لحد النهارده اهو بقالهم ٣ سنين بيكلمونى عل كروت و قروض لدرجة انى عامل بلوك لارقامهم و لو رديت و لقيتهم من باركليز مبسمعش بدى الوش الخشب و بقول مش مهتم و اقفل
بنك بيحسسك انه محل حلاقه مش لاقي زباين