احد معارفى نوى على شراء الالنترا الجديدة زيرو فعاوز يعرف هل ليها عيوب شائعة ظهرت عند معظم المستخدمين زى الصنى الجديدة ام لا
تحياتى
عرض للطباعة
احد معارفى نوى على شراء الالنترا الجديدة زيرو فعاوز يعرف هل ليها عيوب شائعة ظهرت عند معظم المستخدمين زى الصنى الجديدة ام لا
تحياتى
الى اعرفه الكاوتش مزعج و ممكن تغييره و العفشه مع تصميم الظهر بيخلى العربية مش ثابته عالسرعات العالية زى 140 كم او فواصل الكبارى غير كده مفيش حاجه مؤثرة غير طبعا سعرها المبالغ فيه لكن ده حال عربيات كتير
الالانترا الشكل الجديد ؟؟ بصراحه العربيه قعدت معانا سنه ونص تقريبا ماشوفناش منها غير كل خير ..
صفقه ممتازه جدا بصراحه .... عربيه محترمه جدا جدا جدا ومافتكرش ان حد فينا اشتكي منها في يوم من الايام .
علي فكره السنه ونص دول طريقها كان ما بين الاسكندريه واكتوبر واسماعيليه ...
تقريبا مره او مرتين في الشهر .....
متابع
أخي الفاضل ..
بعد أكثر من سنة و نصف من الاستخدام الشاق للألنترا md موديل 2012 اقدر أوجز لك مميزاتها و عيوبها كالتالي :
أولا.. المميزات :
1- الشكل الخارجي جميل جدا و ملفت للنظر
2- موتور قوي مع فتيس 6 سرعات أوتوماتيك ممتاز و مناسب جدا
3- تسارع جيد في السرعات المنخفضة و المتوسطة و جيد جدا في السرعات العالية
4- أستهلاك بنزين مثالي و تعتبر من السيارات الموفرة في أستهلاك البنزين
5- عزل جيد جدا للضوضاء
6- صوت موتور هادي و ناعم
7- عفشة ناعمة
8- ثبات جيد جدا و حتي سرعة 140 كم/س و معقول حتي سرعة 180 كم/س
9- تحكم و توجيه ممتاز بفضل نظام التوجيه المعزز أليكترونيا و خاصة للمناورات داخل المدن و في الانتظار
10- صالون واسع و مريح
11- صندوق أمتعة واسع
12- أرتفاع العربية عن الارض جيد جدا و مناسب بشكل كبير للطرق المصرية
13- فرامل ممتازة (حتي لو غير مانعة للأنغلاق)
14- تابلوه شيك جدا و عصري و مريح للعين خاصة بالليل
15- تكييف ممتاز كعادة السيارات الكورية
ثانيا.. العيوب :
عيوب الألنترا md ليست بالكثيرة و لكن نوجزها فيما يلي :
1- الشكل الخارجي بالرغم من عصريته و روعة تصميمه ألا أن اصلاحه صعب في حالة الصدمات القوية كما أن المساحة المعرضة للفوانيس الامامية و الخلفية تشكل مشكلة كبيرة لمالك السيارة في مصر تحديدا
2- من ضمن المشاكل التي لايعتادها البعض هي نظام التعليق الخلفي torsion beam و ده بيسبب الأحساس بحركة عرضية خفيفة عند فواصل الكباري و بعض المطبات خاصة مع الملفات الحادة لكن مع الوقت و الاحساس بالسيارة و معرفة أمكانياتها سيتم التغلب علي تلك المشكلة و التعامل معها
3- الصالون بالرغم من أنه واسع و مريح ألا أن هناك عيب في تصميم السيارة في الخلف يجعل جلوس طوال القامة بالخلف غير مريح نظرا لنخفاض السقف و درجة ميله
4- عيب أخر بسبب درجة ميل السقف الخلفي و الزجاج الخلفي تجعل الأعتماد علي المراية الوسطي (مراية الصالون) صعبا و يجب ظبطها مع وضعية الكرسي بطريقة خاصة لأمكانية الرؤية بشكل جيد من خلالها
5- بالرغم من أن الألنترا md من العربيات المرتفعة عن الارض (حوالي 143 مم) ألا أن عند تحميلها بالخلف و مع وجود أمتعة بها يحدث هبوط لها بسبب السوست الخلفية المرنة جدا مما قد يجعلها معرضة للأحتكاك ببعض المطبات العالية و المصممة بطريقة خاطئة (و ما أكثرها في مصر)
6- طبقة الدهان الخارجي ضعيفة قليلا و لاتتحمل أجواء الطرق المصرية المحملة بالرمال و الحصي المتطاير من بعض سيارات النقل فتسبب عند أرتطامها بجسم السيارة نقر و تقشير للدهانات مكان الارتطام
7- قطع الغيار ليست بالرخيصة و تعتبر مماثلة لباقي أنواع السيارات الاوروبية و اليابانية مثلا لكن يميزها انها متوافرة حاليا خارج التوكيل و بأسعار اقل
8- الألنترا md مرتفعة الثمن مقارنة بأمكانياتها لكن في نفس الوقت هي من السيارات الاكثر مبيعا و طلبا في السوق
ثالثا.. أهم الاعطال الشائعة و أعلاجها :
حتي الان و بعد مرور حوالي سنتين علي ظهور الالنترا md بالاسواق لم يظهر بها عيوب واضحة و مؤثرة سوي في بعض موديلات الألنترا md بعلبة الدريكسيون و يتم تغييره فورا بالتوكيل داخل الضمان
هذا كل ما أستطعت أن أتذكره و أجمعه لك من خلال أستخدامي للعربية و هنا فهرس بأهم موضوعات الالنترا md ستجد فيه المزيد عن السيارة
http://www.nilemotors.net/Nile/277467-md.html
انا العربيه قعدت معايا سنة وجميله جدا ما عدا العفشه ناشفه و تزييق غريب من كل حته بسبب ردائة الخامات اما المميزات فالموتور والفتيس والكماليات والفرامل كل ده ممتاز جدا و بالتوفبق
جزاك الله خيرا جميعا و شكر خاص للباشمهندس سمير الشهاوى
معانا النترا 2012 واسعه قوية وسريعه وصاجها حديد بس عيوبها:
1- خامتها من جوه زباله بمعنى الكلمة سواء الكراسي او التابلوه او غيره
2- واطيه لما بتحمل بس
3- عفشتها كويسه بدرجة جيد يعني مش زي التويوتا واللانسر
4- محتاجه عنايه
اما من رايي فهي افضل من السيراتو الف مره ولو حضرتك ساكن في مدينه هاتها علطول اما لو بره المدينة يبقا تفكر في الياباني علشان المطبات والبهدلة