السلام عليكم معى سيارة كريسيدا 1981 السيارة تهتز من الخلف مثل حركة ديل السمكة مع السرعات العالية فقط لاادرى مالسبب؟
عرض للطباعة
السلام عليكم معى سيارة كريسيدا 1981 السيارة تهتز من الخلف مثل حركة ديل السمكة مع السرعات العالية فقط لاادرى مالسبب؟
راجع على الزوايا وضغط الإطارات
بيكون فيه رولمان بلي في صرة العجلة ممكن يكون بيخلي العجل يرف ... اكشف عند عفشجي
ممكن يكون عيب كاوتش
هى العربية طبعا دفع خلفى ماعرفش فيها كبالن خلفية ولا على كرونة واكس
عامة اكشف على العفشة ( وخصوصا المقصات ، وتكون العربية بتظبط زوايا مش فيها مقص معووج ) وبعد كدة تكشف على الات الجر الاكسات او الكبالن
عيب كاوتش بدون مناقشة
كان عندى نفس العيب ولفيت حولين نفسى و الحمد لله وانا بلحم فردة الكاوتش الراجل قالى دى بايظة بتعمل معاك رجة فى العربية من ورا
وركبت الاستبن مكانها وراحت الهزة
مشاكل عفشة و كاوتش
اولا شوف حاله الكاوتش ايه ,, اكشف عليه
ثانيا لو كرونه او بلى العجل هتسمع نحره وانت ماشي و صوت عالى
غالبا اللى عندك ده مساعدين خلفيه محتاجه تتغير اكشف عليهم
العربية اللى معاك دى من افضل العربيات اليابانى القديم ربنا يباركلك فيها ,, متفرطش فيها هى كعربية احسن من تمنها
اول حاجة شوف الكاوتش لو فيه لوحة
تانى حاجة حط الجنط على جهاز الترصيص ممكن يكون معوج
تالت حاجة فيه حاجة اسمها الفارغة ودى زى الدنجل بس الفرق ان الكرونة بتبات فيها
شكرا على اهتمامكم جرى فحص السيارة وسوف ابلغكم بالسبب انا شاكك فى اعوجاج جنوط السيارة الخلفية وعلى فكرة الكريسيدا من افضل السيارات التى سوقتها على مدار اكثر من خمسة وعشرون عام وهى بسم الله ما شاء الله تتحمل السفر الدائم لمسافات طويلة .