هوندا del sol crx

**lovemeromaro** · 09-08-2008 03:15 PM

حد يعرف معلومات عن هوندا del sol crx يا ريت حد يفيدنى

تم تعديل العنوان طبقا للقواعد
الإشراف...

**Hassan Khalil** · 09-08-2008 03:37 PM

اذا كانت العربية اللي في بالي .. ما اعتقدش ان حد حيعرف عنها معلومات كتير كمعلومات .. و بالتالي مش حتلاقي كتير يعرفوا عنها في البيع و الشراء ..
اذا كانت هي .. اعتقد انها نزلت مصر في منتصف التسعينات ..بمحرك 1600 كابروليه 2 راكب بسقف معدني متحرك بينزل داخل الشنطة ..و مشفتش منها غير الاحمر و الاخضر .
كانت عربية ثورية جدا اول مانزلت و خصوصا موضوع السقف ده علشان كنا اول مرة نشوفه ..
لكن دلوقتي .. قليل اوي لما الواحد يشوفها .. و دايما بتكون متبهدلة ( البودي ) و اعتقد ده لانها مالهاش قطع غيار منتشرة زي الرفارف و الفوانيس و الاكصدامات و غيرها .. لذلك اغلب شغلها بيكون شغل صنايعية .

**OlaOsman** · 09-08-2008 03:44 PM

معلش.. سؤال بس.. ليه الحقووووني؟

**Adham** · 09-08-2008 03:56 PM

هههههههههههه

يظهر دي لزوم السسبنس علشان اعضاء كتير يجروا يخشوا عالموضوع

**lovemeromaro** · 10-08-2008 01:39 AM

مرسى يا جماعة على كل اللى رد وبجد العربيه دى حيرتى وعجبانى ومش عارف أجيبها ولا لأ وياريت لو حد يعرف سعرها يقولى أو لو حد عنده تعليق يقولى برده وعلى فكرة أنا كاتب ألحقووونى علشان الناس تدخل تشاركنى الكلام ودى صورة العربيه علشان لو حد مش عارفها

**iBiZa** · 11-08-2008 10:26 AM

المشاركة الأصلية كتبت بواسطة lovemeromaro

مرسى يا جماعة على كل اللى رد وبجد العربيه دى حيرتى وعجبانى ومش عارف أجيبها ولا لأ

دية حاجة ترجعلك انت

المشاركة الأصلية كتبت بواسطة lovemeromaro

وياريت لو حد يعرف سعرها يقولى

من 30 الى 55 حسب الحالة و اللى فيها

المشاركة الأصلية كتبت بواسطة lovemeromaro

لو حد عنده تعليق يقولى برده

[/quote]

لو خدت خبطة جامدة فى الشنطة Mechanism السقف بيبوظ و مش اى حد بيعرف يصلحة.

المشاركة الأصلية كتبت بواسطة Hassan Khalil

العربية مفيهاش كنبة خلفية .. هما كرسيين فقط زي ما قلنا سابقا ..
مفيهاش اصلا مكان لكنبة ..لا كبيرة و لا صغيرة

+1
اللى فيها الكنبة الصغيرة دية الShape اللى قبلة اللى هى من 83 الى 91
و اسمها 2 + 2

المشاركة الأصلية كتبت بواسطة S H @ F T

الماتور والعفشة هوندا سيفيك
المشكلة في البادي هو اللي مش موجود الا استيراد وأسعاره مبالغ فيها جدا
وكمان السقف بتاعها بيبوظ ومالوش تصليح

لو هاتشتريها اتأكد ان السقف شغال والبادي والانتريور نظيف , الباقي سهل

+1 الحاجات اللى قاللك عليها دية مش موجودة غير استيراد عند كام واحد معروفين بالاسم و هما عارفين ان محدش غيرهم بيشتغل فيها فا اسعارهم غالية جدا.

لو انت عندك حد فى امريكا يجيبلك الرفايع بتاعتها يبقى هايل لان حاجتها هناك موجودة بالهبل و برخص التراب لانها محبوبة جدا و سوقها ماشى.

الموتور و العفشة هما سيفيك فا كل حاجة موجودة و لو حبيت تسقط موتور يبقى عليك و على ال1.6 VTEC B16A و دة 170hp

**Adham** · 10-08-2008 11:35 AM

هي فين الصورة دي؟؟

بس عامه ماتقلقش عارفينها و حافظينها

و ممكن تلاقي منها في التلاتينات
بس طبعا الحالة هي اللي بتحكم لغاية الخمسينات برضة موجود لو نضيفة

بس خللي بالك دي عربية 2 سيتر (كرسيين ) بس مافيش كنبة

يعني للدلع و الفسح
و ماتنفعش مع عائلة
لازم يكون معاها عربية تانية

و ديل سول دة اسمها في أمريكا
لكن في بقيت الدنيا سي ار اكس