بص يا باشا مش كل الناس متفقة ان أنا صح وده طبيعى جدا لكن برده مش غلطتى انه سرحان او ممعوش فرامل !! وبالنسبه للخناقة انا عمرى ما فكرت انى اتخانق معاه او مع اى حد والخناقة ما كنتش بمزاجى خالص ده انا اللى اتجبرت عليها
عرض للطباعة
انت اللي غلطان علشان سيبت حقك، المفروض في الحالة اللي زي كده تطلب إنك تتحول للكشف الطبي لإثبات واقعة الضرب والتعدي عليك وتعمل محضر بالكلام ده في المستشفى، بعدها الثلاث بني آدمين (مش عاوز أغلط) هايبوسوا رجلك علشان الموضوع ما يتحولش للنيابة أو قضية.
أقسم بالله لو الموضوع ده معايا كان آخرهم 3 طلقات في رجليهم، وأخد عربيتي وامشي ولا ليهم دية
على العموم، حمد الله على سلامتك
أولا: حمد لله على سلامتك انت والوالد.
تاني حاجة: والله أنا زعلان جدا وأنا بقرا الكلام دا مش عايز أقولك كلامك نكدت عليا..يعني للدرجة دي مبقاش في رجولة ولا نخوة ولا شهامة..يعني التلات حيوانات دول مش هقول عليهم رجالة لأنهم مش رجالة..شايفين واحد ميجيش ربعهم ومعاه راجل كبير في السن يتلمو عليه بالطريقة الهمجية وينزلو فيه ضرب!!
لأ وايه الناس كمان اللي ماشية دي معندهومش دم شايفين 3 بيضربو واحد مش يحوشو عنو؟!!
والله العظيم لو معايا سلاح كنت دخلت وضربت كل واحد طلقة في رجليه ومشيت..وعشان كدا أنا هرخص سلاح قريب إن شاء الله الدنيا دلوقتي مبقتش أمان بقت غابة.
تالت حاجة: أنا زعلان منك لأنك سيبت حقك كان المفروض تروح تعمل تقرير طبي وتثبت فيه انهم تعدو عليك بالضرب وسببو لك كدمات والذي منه..بالتقرير دا ممكن توديهم في داهية!
رابع حاجة: أوعى تقف لأي حد تاني مهما كان السبب..وإن شاء الله يكون الموقف دا علمك درس انك متقفش لحد إلا عند الضرورة.
خامس حاجة: نصيحة أخوية رخص سلاح حي أو على الأقل يكون صوت تدافع بيه عن نفسك لأن الدنيا مبقتش أمان..تخيل لو الموضوع مكنش خلص كدا وخدو العربية ومشيوا كنت هتعمل ايه..فلازم يكون معاك سلاح تدافع بيه عن نفسك..رغم انو ساعات بيكون خطر ويجيب نتايج مش كويسة وأهلي معارضين الفكرة دي..لكن هنعمل ايه.
وألف سلامة عليك.
انا مش مسدق ان النصيحه تكون ترخيص سلاح !!!!
علش أنت غلطان علشان مش معنى أنك مدي إشارة يبقى تدخل فى حارة تانية..............المفروض تستنى لما يبقى فيه فرصة أو اللى جاي يهدي علشان أنت تدخل.
بس أنت إنسان محترم.............و للأسف المحترم اليومين دول ملهوش دية.
ألف سلامة عليك و كفاية أن أنت و الحاج بخير.
ياباشا في الزمن دا لازم يكون معاك سلاح تدافع بيه عن نفسك ولا يستخدم إلا عند الضرورة القصوى حتى لو صوت فقط للتهويش..تخيل كدا يابشا انك معاك مراتك وبنتك مثلا وانتو التلاتة طلع عليكو بلطجي سعران ولا واحد شمام ولا قاطع طريق..ساعتها هتتصرف ازاي؟ :U_thin1[1]:
في حالة زي دي تسهيه وتقوم ضاربه بالسلاح على طول وهيبقى دفاع عن نفس..هتعمل ايه يا يقتلك أو يسرق العربية ويقلب اللي معاك وممكن يأذي حد من أسرتك فلازم تدافع عن نفسك وهيبقى بلطجي ملوش دية..صدقني ساعتها مفيش حد هينفعك لو حد مات لاقدر الله أو عربيتك اتسرقت ولا شرطة ولا غيرو هيقولك ربنا يعوض عليك.
طب والله العظيم في قصة مش فاكر قريتها في المنتدى ولا سمعتها من واحد..ظابط جيش ومراته حامل طلعو عليهم 3 شمامين وكانو مش في وعيهم..هو كان متوقع انهم عايزين ياخدو العربية..لكن كانت الصدمة انهم قالولو لأ احنا مش عايزين العربية احنا عايزين المدام!! تخيل!! :majd(4):
المهم راح قلهم خدوها وطبعا هي اتصدمت وقعدت تصوت وعمل نفسو كأنو ماشي..أو ما خدوها ودخلو بيها جوا راح فاتح الشنطة ومطلع سلاح(مش فاكر آلي ولا طبنجة) وطبعا دا ظابط ومعاه سلاح بالعبيط..وراح ضارب 3 طلقات في رجليهم الأول من بعيد(كان بينشن عليهم من بعيد دا شغلو بقى) وبعدين جاب المدام وقعد يتسلى عليهم بالرصاص لحد ماخلاهم جثث مش نافعين أصلا :3mla:
لأ وإيه كرموه واترقى ونزلو صورتو في الجرتال تقريبا!!
فأنا دايما بقعد أفكر وأحط نفسي مكانهم كنت هعمل ايه؟!!
على الأقل يكون معاك حتى شومة أو الكتريك..
وأنا مقولتش الواحد يرخص سلاح يفتري بيه على خلق الله..لأ يخليه فقط لو حد اعترضه دفاع عن نفس ويكون في الحالات القصوى جدا..يعني مش واحد شتمك تقوم مفرخ في خزنة المسدس!!
كمان السلاح مش أي حد يشيله عايز واحد يكون عاقل واعصابه باردة ويقدر يتحكم في نفسو ميكونش عصبي وبيستفز بسرعة لأن السلاح مغري وساعتها لاقدر الله هيندم وهتكون العواقب مش كويسة.
بس دا اللي أنا عايز أوصله انك يكون معاك حاجة تدافع بيها عن نفسك ان شالله حتى تخليه معاك في البيت لو حرامي دخل ولا حاجة هتتصرف ازاي؟ ولا فيه شرطة ولا أمن ولا حتى الناس هيساعدوك وبالتالي المجرمين واخدين راحتهم على الآخر..على الأقل هو أول ما هيشوف السلاح هيجري أصلا قبل ما انت تضربو :F_eyeb1[1]:
معلش مش بإدينا ودا الواقع اللي احنا عايشين فيه ونتعامل على أساسه ودايما أكيد مش انت اللي هتبتدي بالشر.
يارب أكون قدرت أوصلك وجهة نظري ومتكونش فهمتني غلط.
تحياتي لحضرتك.
مهو دا اللي انا بحاول اوصلو..في ناس عربياتها بتدمر ويحمد ربنا انو بخير وفي داهية العربية..وفي ناس زي التلاتة الهمج دول كان هيقلبها حرب عشان الإكصدام بتاع عربيت جنابو اتحك!!
في حالة زي دي لو اتملو عليك هتعمل ايه؟ كمان مش لازم يكون السلاح حي ممكن يكون صوت تهوش بيه وخلاص.
تحياتي.
أنا عارف انى سبت حقى وبستعوض ربنا فيه وبرضه زى ما قولت قبل كده ان الموقف ده جديد عليا وان والدى معايا ده حاجة تكتف برضه وانا عارف ان هيا حاجة تغيظ لكن الحمد لله موقف وعدى وكان ممكن الخسائر تكون اكبر بكتير فقدر الله وما شاء فعل والحمد لله انها جت على اد كده