الموضوع: رحلات صيد...!!!

فكرة ممتازة
استنى بقى أحمد جود ويف goodwave يرد عليك :)

أنا ساعات باطلع أصطاد في العين السخنه يوم أو يومين بمركب في البحر

انا مش بافهم في الصيد أوي، عشان كده دائما باطلع مع ناس خبره عشان يوجهوني ويساعدوني

السلام عليكم
اولا متشكرين يا عم على Alijandro على التدبيسة :)

الصيد ياجماعة هواية جميلة ومفيدة ... بتعلم الصبر وبتصفي الذهن بعد إرهاق العمل والحياة اليومية ويا سلام لما ربنا يرزقك بشوية سمك ترجع بيهم بيتك .... فرحة كبيرة وتوفير في مصروف البيت كمان :)

الإسكندرانية معندهمش مشكلة طبعا لأن البحر في كل مكان من أبو قير لغاية الساحل الشمالي اماكن صيد روعة .... بس إخواننا في القاهرة كمان عندهم النيل بس مش ولابد الصيد فية .... لكن في العين السخنة (البحر الأحمر) ودي قريبة جدا من القاهرة حسبة ساعة والمراكب أسعارها معقولة.

والله ياريت نفكر ي المقابلات إنها تكون نشاط في مكان مفتوح أحسن من قاعدة الكافية.... وانا اول المؤيدين بس يارب أكون لسة ما سافرتش.

بس معاكم بردة إن شاء الله

فكره ممتازة
انا معاكوا
ولو ينفع كمان نعمل رحلة صيد برى انا داااايس
عايز اصطاد سحالى :)

طيب ممكن ياجماعة لو اتكرمتم تتكلمو عن موضوع العين السخنة ؟؟
يعني النظام هناك ازاي لأني ماعنديش خبره كافية للصيد في المياه المالحة

وأكيد انا معاكم ياجماعة وياريت يكون معانا خبير (:

انا كمان نفسي حد يشجعني في موضوع العين السخنة
لو حننظم رحلة انا معاكم

طيب كده تمام اوى
هو المفروض العدد يبقى فى حدود كام واحد؟
وعدة الصيد كل واحد يجيب حجاته ولا ممكن نتصرف من هناك؟
والمركب اللى هناجره هيبقى فى حدود كام وهنقعد كام ليله؟
عايزين نجاوب على كل الاسأله دى عشان نعرف ننظم الرحله
وطبعا ما تنسوش المايوه :)