مسمار الجنط اكسر فى الطنبورة

**soma131** · 10-04-2013 01:23 AM

سؤال مش عارف اعمل هل امشى علية ولا ادوخ نفسى مع المكانيكية وى اسهل طريقة للحل

**Samir Elshahawy** · 10-04-2013 01:35 AM

لأ طبعا ماتمشيش عليه لأن كده الحمل بتاعه هايتوزع علي باقي المسامير اللي راكبة و ممكن يتكسروا واحد ورا التاني

الاسهل أنه يتفور أو يتشال من الطنبورة و بعدين مكانه يتنظف كويس و يركب مسمار جديد

**DrAhmad** · 10-04-2013 02:05 AM

يباشا شيله سهل جدا جدا ... الكواتش بيتخلع عادي والطنبوره بتتفك بكل سهوله بتتشد لبره سواء بلخبط عليها او بحاجه بينها وبين الطبه

المهم احتخبط على المسمار من بره خبطتين حيطلع عادي

وهات مسمار زيه من عند اي محل تمنه 10 جنيه وركبه مابيخدش 10 دقايق

**Walid_M** · 10-04-2013 03:12 AM

المشاركة الأصلية كتبت بواسطة drahmad

يباشا شيله سهل جدا جدا ... الكواتش بيتخلع عادي والطنبوره بتتفك بكل سهوله بتتشد لبره سواء بلخبط عليها او بحاجه بينها وبين الطبه

المهم احتخبط على المسمار من بره خبطتين حيطلع عادي

وهات مسمار زيه من عند اي محل تمنه 10 جنيه وركبه مابيخدش 10 دقايق

تمام كده يا فندم !!!
والعيب ده شهير في الهيونداي عموماً .....
وسببه الافندية بتوع الكاوتش بيحرقوا جامد في الرباط { واخدين على عربيات زمان بقى } , وبالتالي الصامولة بتقفش في المسمار , وعشان تتحل لازم نقطم المسمار !!!

في اوروبا والدول المتقدمة بيفكوا الصامولة ويحلوها بالدريل ..... , وده طبعاً بيبقى ليه عزم معين للربط بيفصل عنده , وبالتالي نتلاشى هذه المشكلة .

تحياتي

**mhkorayem** · 11-04-2013 11:25 AM

الموضوع ده حصل معايا في الماتركس والواد اللي كان بيركبلي الكاوتش الجديد كسر المسمار بصراحه كنت عاوز انط في كرشه بس مسكت نفسي وبعدين رحت لواحد في الحي السابع مدينة نصر فك العجل وفك المسمار من الطنبورة وجبتلوا مسمار جديد من محل جانبة ب 10 جنيه ركبه على طول الموضوع بسيط جداً ومش بياخد وقت

**tomm** · 17-04-2013 08:57 PM

اولا : فى حالة كسرالمسمار فى الطنبورة :-
يتم الذهاب الى الميكانيكى و حل الطنبورة والذهاب بها الى الخراط لتفوير المسمار حيث يتم ذلك بأدخال بنطة مثقاب اقل من قطر المسمار مع ازالة باقى المسمار بأجنة صغيرة دون تضرر القلاوظ . ثم العودة للميكانيكى لتركيب الطنبورة وربط مسمار جديد .
ثانيا : فى حالة تبويش قلاووظ الطنبورة ( مسمار العجل بيلف على الفاضى ) يتم شراء مسمار عجل مقاس اعلى من الراكب مثلا 19 بدلا من 17 ثم الذهاب الى الخراط بالسيارة و فك العجلة و قيام الخراط بعمل تمشيط للقلاووظ باستخدام ذكر مناسب مقاس 19 مثلا .

**Abo Yasso** · 18-04-2013 01:24 PM

المشاركة الأصلية كتبت بواسطة Walid_M

تمام كده يا فندم !!!
والعيب ده شهير في الهيونداي عموماً .....
وسببه الافندية بتوع الكاوتش بيحرقوا جامد في الرباط { واخدين على عربيات زمان بقى } , وبالتالي الصامولة بتقفش في المسمار , وعشان تتحل لازم نقطم المسمار !!!

في اوروبا والدول المتقدمة بيفكوا الصامولة ويحلوها بالدريل ..... , وده طبعاً بيبقى ليه عزم معين للربط بيفصل عنده , وبالتالي نتلاشى هذه المشكلة .

احنا هندنا عشان يحسسك ان بيعمل واجب معاك بيطلع يقف على مفتاح الصليبه
ههههه
تحياتي

**ahmed1981** · 18-04-2013 03:02 PM

ده عيب صناعة في الهيونداي

حصل معايا في الماتريكس
المسامير طرية وضعيفة زيادة عن اللزوم
باظ عندي في الماتريكس حوالي أربع مسامير

تغييرهم سهل جداً عن أي ميكانيكي شاطر
-
-
-