خصم 5000 جنية على الألنترا 2013

**Ghosts** · 10-04-2013 01:51 AM

أزيكم يا هيونداوية ....
الظاهر أن الأخ غبور حس أن سعر الألنترا بقى مبالغ فية أوى لأن الناس مش بتشترى زى الأول فعمل خصم 5000 جنية على كل فئتها بس بيقولوا الخصم دة هيبقى لغاية أخر الشهر بس .. مش عارف بقى إذا كان الخصم دة هيبقى لفترة محدودة فعلآ ولا أشتغالة عشان الناس تشترى بسرعة .. أنتم أية رأيكم؟؟!!

**Optiplex** · 10-04-2013 03:57 AM

اعتقد ان الباقى هايبدا بالخصم علشان التنشيط و افتكر انهم استنفزونا بما فية الكفاية فامش فارق معاهمم عالعموم تسلم عالتنوية

**S O P H O S** · 10-04-2013 06:04 AM

شئ كويس

**hamaka** · 10-04-2013 11:08 AM

المشاركة الأصلية كتبت بواسطة ghosts

أزيكم يا هيونداوية ....
الظاهر أن الأخ غبور حس أن سعر الألنترا بقى مبالغ فية أوى لأن الناس مش بتشترى زى الأول فعمل خصم 5000 جنية على كل فئتها بس بيقولوا الخصم دة هيبقى لغاية أخر الشهر بس .. مش عارف بقى إذا كان الخصم دة هيبقى لفترة محدودة فعلآ ولا أشتغالة عشان الناس تشترى بسرعة .. أنتم أية رأيكم؟؟!!

أعتقد انه بيحرك مبيعاته اللى قلت بعد الزيادة اللى أقل حاجة تتقال عليها انها قلة أدب ، يزودله 10000 ولا 15000 فا الناس تتفرس و شوية يشتروا لا تغلى تانى و شوية يقولك مش جايب العربية دى أصلاً ، يعمل هو حركة التخفيض و يرمى فتافيت و يشوف هتجيب ايه ، نص اللى مرضوش يشتروا هيقولك فرصة رغم انهم لو تقلوا شوية هينزل فيها 5000 كمان لأن أصلاً الزيادات فى الكيا و الهيونداى عشان الدولار أكتر من كل العربيات اللى بتيجى من بره سواء أوروبى يابانى أو ماليزى ، لو دا حصل و زودتله الحركة دى المبيعات للمستوى السابق مصلحة ، هيشيل التخفيض ، مزادتش أوى هيسيبه شوية و يقولك حرصاً على المستهلك و مش عارف ايه ، محدش عبره هيقوم مخفض 5000 كمان ، والله أعلى و أعلم

**koshary** · 10-04-2013 02:27 PM

الاسعار بقت مبالغ فيها جدا وانه ينزل 5 الاف مش حاجه انا قولت هيعمل خصم 10 الاف مثلا مش مكفيهم ولاد اللزينه النهب اللى بياكلوه من ورانا لا عاوزين زيادة وانا رائى محدش يشتري دلوقتي

**Samir Elshahawy** · 10-04-2013 02:35 PM

المشاركة الأصلية كتبت بواسطة koshary

الاسعار بقت مبالغ فيها جدا وانه ينزل 5 الاف مش حاجه انا قولت هيعمل خصم 10 الاف مثلا مش مكفيهم ولاد اللزينه النهب اللى بياكلوه من ورانا لا عاوزين زيادة وانا رائى محدش يشتري دلوقتي

مايقدرش ينزل 10,000 جنيه مرة واحدة و ألا هايضرب اللي أشتري في مقتل
تخيل أنك لسه شاري العربية و بعدين لاقيت سعرها نزل 10,000 جنيه هاتعمل أيه ؟

هو هاينزل واحدة واحدة زي ماطلع واحدة واحدة بس أحنا نتقل و مانشتريش و لا منه و لا من غيره لحد ما السوق ينام و نقرب علي نهاية السنة و ساعتها هايضطروا ينزلوا الاسعار علشان موديلات 2014 هاتكون نازلة

**Hussein_Ramdan** · 10-04-2013 02:36 PM

انا كنت جايب اللنترا الشكل الجديد جى ال اس بظبط من سنة ب 138
وبعتها بعدها بكام شهر
دلوقتى بسئل عليها من كام يوم بئت ب 158 الف والابشن اقل من الى كانت معايا
حلفت بطلاق منا جايبها

**Hussein_Ramdan** · 10-04-2013 02:39 PM

حتى لو نزل 15 الف بردو غلى عن السنة الى فاتيت
انا حاليا بقالى اربع شهور من غير عربية ومش ناول اشترى حاجة دلوقتى لغاية من نشوف الاسعار الزبالة دى راحة على فين

**khaabas** · 10-04-2013 03:31 PM

بس انا لى راى مختلف احنا دخلين على موسم الاجازات قرب يعنى خلاص كلها شهرين والعاملين بالخارج نازلين وهيشتغلوا عليهم احلى اشتغالة والاسعار هتعلى كمان وكمان

**khaled_1263** · 12-04-2013 12:37 AM

كلام تمام هوه ده الوقت المناسب الواحد لايبع ولا يشترى احسن حاجه يتتتتتفرج ويضحك ماهو شر البلية مايضحك

الموضوع: خصم 5000 جنية على الألنترا 2013

LinkBack

أدوات الموضوع

عرض

-

-

المواضيع المتشابهه

هانكوك تقدم خصم لأطارات الألنترا md بمناسبة المعرض

خصم خاص من هانكوك لأطارات الألنترا md بمناسبة المعرض

حتعمل اى لو بنزين 90 بقى ب 2.25 جنية و 92 بقى ب 2.5 جنية ؟

أسعار أنواع و سيارات كتيرة جدا من 6 ألاف جنية إلى 30 ألف جنية

خصم 5000 جنيه علي ياريس 2009 و الفروق عن 2008

الكلمات الدلالية لهذا الموضوع

المفضلات

المفضلات

ضوابط المشاركة