أعمل إيه مع مركز صيانة السبع؟
السلام عليكم ...
عايز استشارة لو سمحتم!
عربيتي عملت حادثة ... والحمد لله على كل حال ...
سواق النقل اعترف بخطأه ، بس ما خدتش منه حاجة لأنه سواق وبس .. يعني من الآخر ممعهوش ...
المهم وديت العربية تتصلح في توكيل السبع اللي في زهراء المعادي من أكثر من أسبوعين.
اتصلت بيهم النهاردة (بعد 16 يوم من تسليم العربية) ففوجئت إنهم لسة ما عملوش حاجة، والمهندس قالي إنه بعت طلبية بقطع الغيار المطلوبة و هتوصل خلال اليومين الجايين، وبعدها قدامي شهر من تاريخ وصول قطع الغيار.
العربية فيها رفرف واكصدام وكبوت وفانوس يمين وقزاز، والإيرباج.
هل معقول ده ياخد كل الوقت ده ... وإيه هي حقوقي عند مراكز الصيانة، هل هناك وقت محدد للتصليح،
محتار ... أعمل إيه؟!!