اتشتمت من راجل في سن والدي وانا مش غلطان

**Mamoud salah H** · 10-04-2013 02:17 AM

ماشي امبارح الصبح في شارع شبرا بعد سانت تريز بشوية كدة وماشي قدامي عربية تيجو علي لبشمال في نفس حارتي وماشي براحته اوي وممل المهم فضلت ماشي وراه لحد قبل اليوتيرن عند قسم الساحل كدة روحت انا واخد يمين شوية عشان مش هلف وكنت هكمل علي طول ولسه هطلع من جنبه راح كاسر ورمي جاكد في اتجاهي ف انا فديتة وكنت هلبس في تاكسي علي يميني بس ربنا ستر الحمد لله المهم قولت اكبس واطلع منه واخلص منه بقي ويادوب جيت جنبه كدة علي اليمين ولسة هطلع منه راح كابس وسبقني وراح طالع قدامي ومهدي وكل ما احاول اعدي يجي دمي ويقفل الطريق عشان معرفش اطلع منه المهم عملت كيك داون محترم واخدت غرزة بنت ناس كدة ورحت طالع وجيت جنبه وروحت باصصلهه وبقولوا بص في المراية يا حاج قبل متكسر علي الناس من غير اشارة وللعلم كان راجل كبير اكبر من والدي انا عندي18سنة والله بس طلع قليل الادب ولسانه زفر المهم اول اول لما قلتتله كدة راح شاتمني وقالي مالك عايز يابن ال........ لو راجل وابن راجل اقف روحت محضن لي جنب ووقفت ونزلت زهز راح نازل ورايا وجاي وبيزعق وبيعلي صوته وعشان هو راجل اكبر من والدي كلمته بقوله انت رميت عليا وكنت هتلبسني وكدة يقلي اعمل اصل الميكروباص لف مرة واحد وانا كنت بفاديه فرديت وبقولوا عشان تفاديه تلبسني انا يقولي اومال يعني اقف والي ورايا يلبس فيا مع انو لو كان بص في المرايه كان هيكتشف ان مكنش في حد وراه بس واضح انها زينة عنده مش بيستعملها لما قولتله كدة قالي منتا بقي عارف بتوع الميكروباصات واننا لازم نبي قلبنا علي بعض فبقولوا بس انت غلطان وشتمتني وانت عشان راجل كبير انا مش هرد عليك الشتيمة ف اتحرج وسكت والي حقك عليا وباس راسي ومشي
انا كل الي غاظني انو راجل كبير كدة وبيشتم وفاكر اني مش هعرف ارد عليه وفعلا انا متخيلتش نفسي اني ممكن اشتم راجل عجوز بس حسيت باهانة جامدة لاني مغلطش واتشتمن باهلي
ايه رايكوا في الموقف دة

**matrix_it** · 10-04-2013 02:26 AM

انت عايز راى ؟؟
انت راجل و ابن راجل لان اللى عملته تصرف رجالة

**hugan** · 10-04-2013 02:38 AM

لو كنت عملنت حاجه اكبرمن الكلام بهدوء معاه
ان الموضوع يتطور لمد اليد
الكل كان هايغلطك
لان في الاول والاخر
راجل كبير في السن
وساعتها مفيش حد ها يدور علي انه الغلطان وان غلط فيك بدون داعي
اللي عملته هو التصرف الصح

**alexaway** · 10-04-2013 02:47 AM

القوة مش انك ترد علي شخص اضعف منك وانت عارف كويس انك تقدر ترد وتضربه كمان , انما القوة انك تقدر تحكم غضبك وتقدر ان دا اضعف منك وسنه كبير .
تصرفك صحيح مليون فى المية وعلي فكرة المفروض انك تكون فرحان بالتصرف دا لانك قدرت تسيطر علي غضبك وفي النهاية كان رد فعل الراجل الكبير عليك انه اعتزرلك لانه عرف انك شاب محترم ومهنتهوش او ضربته رغم انك تقدر .