اخيرا يا جدعاااااااااااااااااااااا ااااااااااااااان الباي بال حط مصر فى قائمة الاشتراك وتقدر تسجلوا فيه
اينعم الحساب متاح ارسال اموال فقط وليس استقبال اموال بس احسن من مفيش .
مبروك للجميع :)
عرض للطباعة
اخيرا يا جدعاااااااااااااااااااااا ااااااااااااااان الباي بال حط مصر فى قائمة الاشتراك وتقدر تسجلوا فيه
اينعم الحساب متاح ارسال اموال فقط وليس استقبال اموال بس احسن من مفيش .
مبروك للجميع :)
طب دلوقتى انا فى حاجه عاوز استفسر عنها .. انا لو عاوز انشأ حساب اودع أموال ازاى فيه وهل ينفع عن طريق الكريدت كارد ؟
ثانيا لو انا اودعت فيه مثلا 200 دولار وفيه سلعه عجبانى وتمنها 50 دولار على الانترنت ... يبقى كده الوسيط اللى هشترى عن طريقه هو الباى بال ... هنا انا عاوز اسأل الاجراءات التانيه زى الشحن و هل فى مصاريف شحن زيادة ولا كل الكلام ده بيتكفل بيه الباى بال من غير مصاريف شحن ؟
انت اساسا مينفعش تشترك وتفعل حسابك غير بكريدت كارد ,بعد التفعيل تقدر تشحن حسابك من خلال الكريدت انت مسجل ومفعل بيها .
الباي باي عبارة عن بنك الكتروني واغلب المواقع بتقبل الدفع بيه ودا بيبقي عقبة كبيرة للي بيشتروا حاجات من علي موقع مبقبلش غير الباي بال , غير ان نسبة الامان فيه عالية جدا ,انما موضوع الشحن والكلام دا ملوش دعوة بيه , دا بنك الكتروني فقط تحط فيه فلوس , تدفع فلوس او تستلم فلوس كل دا من خلاله .
الحمد لله تم الاشتراك وفي انتظار التفعيل :)
يعنى كده برضه لازم شركه شحن ومصاريف شحن زيادة ؟
اتفضل يا جميل اقري الردود فى الموضوع دا حتلاقي في كل اللي بتسأل عنه بالاضافة لمعلومات اضافية حتفيدك
http://www.nilemotors.net/Nile/343352-a.html
السلام عليكم
بعد سنوات من الشكاوى والالتماسات
الحمد لله تم الاشتراك والتفعيل
شغال استقبال على بطاقات الفيزا بس (فيزا و ليس ماستر كارد)
الف الف الف شكر و الحمد لله انى عشت و شفت اليوم ده
اخير .... الحمد لله
اصل انا فتحته من خارج مصر بعنوان و بطاقات خارج مصر
بس قبل كده ما كنتش عارف افتح ليه
لان زمان كان المصري خارج مصر يقدر يفتح لان كان الحصر على بلد الاقامة
بعدين بقى ما ينفعش المصري في اي مكان ينفع يفتح لان بقى فيه مكانين بتختار فيهم البلد ..... محل الاقامة و الجنسية ..... و خانة الجنسية ماكانش فيها مصر
دلوقتي ضافوا مصر في الاقامة و الجنسية ....... فانا حطيت مكان اقامتي الفعلي ........ و اخترت الجنسية مصري .......
فعلا الغالبية من داخل مصر بتستخدمه في التحويل للخارج وقليل اللي بيستقبل فلوس عن طريق البنوك الالكترونية فى مصر , لان في بدائل اسرع زي الويسترن يونيون مثلا .
انما اللي بيشتري حاجة من اللي النت من موقع مبقبلش غير الباي بال مش حيعرف يحول فلوس لهم باي طريقة , دا انا مره حولت فلوس لواحد صاحبي فى امريكا علشان يدفعلي بالباي بال .
أنا سجلت بس مش عارف هستخدمه في أيه الحقيقة lol
هو أنا ممكن أحول من عليه لحسابي في أي بنك و العكس ؟
يعني إيه؟ لو عملت شغل عالنت وجم يقبضوني عن طريقه مش هيرضى يقبض؟
أنا كان عندي حساب كنت عامل عنوانه الإمارات على عنوان وتيليفون أخويا لكن نسيت الباسورد بتاعته وكان اتحول لي خمسين دولار عليه مره عادي
على الفيسبوك بيقولو إنه مسموح استقبال الأموال على حسابك؛ حيث أن Paypal يسمح بتبادل الأموال بين مستخدميه، لذا فهو مفيد لك اذا كنت تقوم بإنجاز اعمال على الإنترنت وتبحث عن وسيلة للحصول على اجرك.
تمام كده لكن مش هينفع تمسك الفلوس في إيديك لأنه غير مسموح حتى الآن بتحويل الرصيد إلى بطاقة الائتمان ... ربنا يستر بس والفهامة المصرية ما تشتغلش حوالين كيفية سرقة الموقع علشان يفعلوا كل خصائصه
هو حيستقبل فلوس عادى بس حتفضل فى حساب البي بال ممكن ترشترى بيها حاجة تانى انما مش حتقدر تعملها تسحبها لكارت او حسابك فى البنك.
لو فتح امكانية سحب الفلوس لحسابك المصرى ممكن تشجع ناس كتير يبيعوا منتجات محلية للخارج و يبقى بزينس صغير يمشى حال افراد كتير او بيساعد فى دخل
الحمد لله تم تفعيل الحساب الان
والله وبقيت من اصحاب الباي بال يا اليكساوي :)