و جاء وقت الاختيار :) ساعدوني في اختيار العربيه (حتي 100 الف)

دلوقتي انا الحمد لله ادرت اجمع مبلغ 100 الف عشان اجيب عربيه
دلوقتي الحاجات الي انا عايزها في العربيه
موتور كويس و في نفس الوقت موفر
امان(Abs-airbags)
يفضل انها تبقي هاتشباك و شكلها شبابي و مش فارق معايا الشنطه ولا المساحه الداخليه اوي
دلوقتي انا كنت بفاضل بين السكودا الفابيا ميني 1.4 مانوال 2008 و الابيزا ال 1.4 مانوال 2008 و فيات جراند بونتو 1.4 مانوال 2008 برده
بس الوالد مش مقتنع بيهم و بيقولي خليك في الحاجات المعروفه و المضمونه عشان سعر اعادة البيع و التوكيل و قطع الغيار و كده زي الالنترا المانوال(مافيهاس وسائل امان) و الياريس الفول اوبشنز مانوال(شكلها مش عاجبني خالص) و النيو ماتريكس(الامان و الشكل مش عجبني:))
فهل هو رأيه صح كده ؟؟
و لو مكاني هتختارو ايه يا ريت تساعدوني يا جماعه في الاختيار لحسن محتار خااالص
و لو في عربيه خارج الي قولتهم دوول و فيها المواصفات الي قولتها مفيش مشكله برده :)

برتون جين 2 فيها جميع الموصفات اللي طالبها حضرتك وربنا ويوفئك في الاختيار

الف شكر يا باشا علي ردك بس بلاش الجين 2 :)

بالنسبه للهاتشباك فى الأفيو جديد نازله هاتشباك وعندك هيونداى جيتز و i30 و نيو اكسنت و كيا ريو و هوندا سيتى
لكن انا افضل انك تشوف نيسان تيدا او ديهاتسو ماتيريا او سوزوكى sx4
و ربنا يوفقك

جراند بونتو لو مش فارق معاك ال 77 حصان

شكرا يا bassem_sams علي ردك بس حضرتك قلت كل العربيات الي فالسوق تقريبا :D
و في فئات سعريه مختلفه التيدا اغلي من المعايا هي و الi30
الماتيريا اجيبها اعمل بيها ايه :D
و الsx4 كبيره اوي

لا مش فارق معايا يا فهد ال 77 حصان
بس ايه اخبار توكيل فيات ؟؟

هاتش باك يبقي جراند بونتو او ابيزا بالترتيب.
سيــــدان يبقي ياريس بلا منافس

طب يا جماعه محدش قالي رأيه في توكيل فيات و اسعار قطع الغيار و كده ! ؟؟
و توكيل سكودا ايضا و سيات

شكلك كده ميال للأوروبي.. اما لو الياباني يمشي معاك فليه ما تفكرش في السيريون السبورتي باكيدج هاتشباك.. أمان ABS + Airbags و شكلها شبابي.