عرض للطباعة
معلش يمكن موضوع تافه شويه بس والله عندى معاد الساعه 10 بالليل فى شارع الميرغنى امام كنتاكى (العماره اللى فيها حلو الصمدى ورينج)
انا ساكن فى اول الهرم من ناحية الجيزه والنص التانى ده بتاع مصر الجديده مابروحهوش خالص فلو امكن حد يوصفلى اوصل ازاى واخرج امتى من البيت علشان الحق معادى الساعه 10 لانى مش عارف الطريق ياخد وقت قد ايه
شكرا مقدما
اذا كنت حاتمشي من جوه البلد حتمشي كالتالي :
*الهرم - الدقي - التحرير - رمسيس -العباسية - كوبري القبة - لغاية روكسي .. و بعدها تخش يمين و تمشي دقيقتين بالظبط بالعربية حتلاقي اللي انت عاوزه
طبعا الكلام يتخلله كوبري 6 اكتوبر .. و تنزل منزل غمرة ..
او .. ( و ركز هنا اوي ) تنزل منزل صلاح سالم .. و تمشي في صلاح سالم طوالي كأنك رايح المطار .. لغاية ما تلاقي امامك نفق العروبية ( ساعتها حيبقي علي يمينك دار القوات الجوية و مسجد السيدة صفية .. و علي شمالك البيت الكبير ) ... متنزلش النفق و امشي جنبه لغاية ما تلاقي المترو امامك .. خش يمين مع الطريق .. هوب .. انت واقف ادام العمارة اللي انت عايزها مباشرة
مع اطيب التمنيات بتوهان سعيد
تسلم يابوعلى
دى وصفه سهله ..... دى وصفه هايله
تروح و تيجي بالسلامة يا باشا .. و مصر الجديدة .. و شرق القاهرة بالكامل تنور بوجودك :)