أنا مستنى التيدا الجيدة لأنها هتكون أثقل 100 كيلو , هى دلوقتى زى ما قرأت فى المنتدى 1100 كيلو والزيادة فى الوزن أكيد هتديها ثبات أكثر , وكمان الجديدة هتبقى 124 حصان مش 114 ولكن الخوف كله من زيادة السعر خاصة وإنها هتكون 2014 بشكل جديد , بس أحسن ما تجيب الشكل الحالى وبعدين تلقيه إتغير فى بداية السنة الجاية
كمان فيه عربيه حلوة جدا وتتفوق على أى عربية فى فئتها - صدقنى أنا روحت شوفتها وقرأت عنها كتير - هيه الفيات لينيا إموشن وسعرها دلوقتى 150 ألف بس للأسف التوكيل أكثر من سئ لدرجة إنه يخليك تتخلى عن اختيار العربية بعد إللى قرأته فى قسم الفيات ( لدرجة إنهم مش عارفين يصينوها أصلا )
بس لو ربنا كرمنى وقدرت أوصل لورشة محترمة أو مركز صيانة كويس أستغنى بيه عن التوكيل هشتريها فورا لأنها من الآخر تحفة بجد بشهادة المهندس المحترم sonasteel أحد أعضاء نيسان - الصقور طبعا -
وأخيرا أحب برضوا أفيد حضرتك بخصوص الجديد 2014 فيه عربيتين عليهم كلام كتير بس محدش جربهم فى الشارع لسه وكله كلام على الورق
هما سيتروين سى اليزيه أعلى فئة بـــ 130 ألف , بيجو 301 ولسه لم يتحدد سعرها وهتكون قريبة من الأولى إن شاء الله
بس وفقا للمواصفات ( إلى على الورق ) هيتفوقوا على الصنى الجديدة خصوصا فى الصاج وأنظمة الفرامل ولا أعتقد إنهم هيتفوقوا على التيدا الجديدة اللى نتمنى ما تعديش 140 ألف بعد التعديلات المذكورة
المفضلات